មហាជនផ្ទុះប្រតិកម្មខ្លាំងក្រោយ Poster រឿងថៃមួយ មានដាក់រូបប្រាសាទអង្គរវត្តខ្មែរ
Connect with us

ពីនេះពីនោះ

មហាជនផ្ទុះប្រតិកម្មខ្លាំងក្រោយ Poster រឿងថៃមួយ មានដាក់រូបប្រាសាទអង្គរវត្តខ្មែរ

ថ្មីៗនេះ មានការចាប់អារម្មណ៍មួយបានកើតឡើង បន្ទាប់ពីអ្នកលេងបណ្តាញសង្គមហ្វេសប៊ុកនៅប្រទេសកម្ពុជាជាច្រើនបានឃើញ Poster រឿងភាគថៃមួយមានចំណងជើងជាភាសាខ្មែរ «សន្យាស្នេហ៍សន្យាគំនុំ» របស់ស្ថានីយទូរទស្សន៍ប៉ុស្តិ៍លេខ ៣ បានរចនាឡើងដោយដាក់រូបប្រាសាទអង្គរវត្តខ្មែរនៅពីក្រោយជាផ្ទាំង Background ដែលប្រការនេះបានធ្វើឱ្យមហាជនខ្មែរផ្ទុះប្រតិកម្មសម្តែងការមិនពេញចិត្ត និង ចង់ដឹងពីចេតនាខាងភាគីទូរទស្សន៍មួយនេះហេតុអ្វីរឿងថៃបែរជាមានដាក់រូបប្រាង្គប្រាសាទខ្មែរដ៏ល្បីល្បាញនេះ?

ក្រោយមហាជនខ្មែរបានផ្ទុះប្រតិកម្មចំពោះរូប Poster រឿងថៃដែលមានដាក់រូបប្រាង្គប្រាសាទអង្គរវត្តខ្មែរ គេបានកត់សម្គាល់ឃើញស្ថានីយទូរទស្សន៍ថៃខាងលើក៏បានលុប Poster នោះចេញវិញ ដោយជំនួសនូវផ្ទាំង Poster ថ្មីដែលបានកែតម្រូវដករូបប្រាសាទអង្គរវត្ត ពោលគឺមានតែរូបតួអង្គសម្តែងតែប៉ុណ្ណោះ។

ទោះជាយ៉ាងនេះក្តី មហាជនខ្មែរនៅតែសម្តែងការមិនពេញចិត្តដដែលចំពោះទង្វើរបស់ស្ថានីយទូរទស្សន៍ប៉ុស្តិ៍លេង ៣ ថៃ ដោយក្នុងនោះក៏បានទទូចឱ្យខាងស្ថានីយនេះចេញមុខបកស្រាយបញ្ជាក់ និង ធ្វើការសុំទោសដល់ប្រជាជនកម្ពុជា។ ស្របគ្នានឹងការទទូចទៅខាងស្ថានីយទូរទស្សន៍ថៃប៉ុស្តិ៍លេង ៣ នោះ មហាជនខ្មែរក៏បានស្នើដល់នាយកដ្ឋានភាពយន្តនៃក្រសួងវប្បធម៌ និង វិចិត្រសិល្បៈខ្មែរ សិក្សាពិនិត្យលើករណីខាងលើនេះផងដែរ។
ពេលនេះដែរ បើតាមការឱ្យដឹងនោះ នាយកដ្ឋានភាពយន្តនៃក្រសួងវប្បធម៌ ក៏កំពុងសិក្សា និង ពិនិត្យលើករណីរឿងភាគថៃខាងលើនេះ ដែលបានប្រើប្រាស់រូបប្រាសាទអង្គរវត្តនៅក្នុង Poster នៃរឿងថ្មីរបស់ខ្លួន ប៉ុន្តែយ៉ាងណានៅមិនទាន់ដឹង និង មានការបកស្រាយបញ្ជាក់ណាមួយច្បាស់នៅឡើយទេ។
គួរឱ្យដឹងដែរថា តាមការផ្ទាំងផ្សព្វផ្សាយដែលយើងឃើញនៅក្នុងផ្ទាំង Poster លើបណ្តាញសង្គមនោះ ភាពយន្តថៃខាងលើនេះមានចំណងជើងអង់គ្លេសថា «The Promise» ហើយដែលនឹងចាប់ផ្តើមចាក់បញ្ចាំងនៅថ្ងៃទី ១៦ ខែតុលា ឆ្នាំ ២០២០ នៅលើបុស្តិ៍ទូរទស្សន៍ប៉ុស្តិ៍លេខ ៣ ថៃ៕

ប្រភព៖ popular.com.kh

ថ្មីៗ2 weeks ago

សូមត្រៀម!!! ប្រទេសថៃជូនដំណឹងមកកម្ពុជា អាចនឹងបើកទឹកទម្លាក់មក ហើយបើថៃទម្លាក់ទឹក ខេត្តបន្ទាយមានជ័យ នឹងទទួលរងផលប៉ះពាល់បន្ថែម

គួរដឹង4 weeks ago

គតិអប់រំ៖ សុភាសិត​ដ៏មាន​តម្លៃ​ ៧ ​ឃ្លា​របស់​ជនជាតិ​កូរ៉េ​

ពីនេះពីនោះ2 weeks ago

ចិត្តបុណ្យណាស់! ឧកញ៉ា ឌួង ឆាយ បរិច្ចាគ១០ម៉ឺនដុល្លារ ជួយសង្គ្រោះពលរដ្ឋរងគ្រោះដោយសារទឹកជំនន់

ថ្មីៗ2 weeks ago

ត្រៀម!!! ភ្នាក់ងារស៊ើបអង្កេតសហព័ន្ធសហរដ្ឋអាមេរិក FBI នឹងបើកការិយាល័យនៅកម្ពុជា ដើម្បីជួយតាមដានស៊ើបអង្កេតករណីប្រភេទនេះ

ពីនេះពីនោះ2 weeks ago

គ្រោះធម្មជាតិ ! នារីរបាំបុរាណ ស្រស់ស្អាតម្នាក់នេះ ត្រូវបា ត់ ប ង់ ជី វិ ត ព្រោះរលំផ្ទះសង្កត់

Trending

Copyright © 2019 ANARCHAK