កែលម្អជំនាញទំនាក់ទំនងបាន​យ៉ាងល្អប្រសើរ បើអនុវត្តតាមវិធីសាស្ត្រទាំងនេះ…
Connect with us

គួរដឹង

កែលម្អជំនាញទំនាក់ទំនងបាន​យ៉ាងល្អប្រសើរ បើអនុវត្តតាមវិធីសាស្ត្រទាំងនេះ…

ជំនាញទំនាក់ទំនងត្រូវបានគេទទួលស្គាល់ និង​ចុះបញ្ជីថាជាជំនាញចាំបាច់ និង​សំខាន់បំផុតដែលបេក្ខជនស្វែងរកការងារធ្វើគួរតែមាន​មុនពេល​ហ៊ានស្រមៃ​បានទទួលការងារលើទីផ្សារដ៏​តូចចង្អៀតនេះ។

ដោយសារថា ជំនាញទំនាក់ទំនង​ជាសមាសធាតុដ៏សំខាន់នៃភាពជាអ្នកដឹកនាំ ដែលបណ្តា​អ្នកប្រតិបត្តិ ក៏ដូចជាមនុស្ស​ជោគជ័យមុនៗគេបានអនុវត្ត បង្ហាញថា នៅគ្រប់ស្ថាប័នដែលមានវប្បធម៌ ដ៏ជឿនលឿនវត្តមាននាយកប្រតិបត្តិ ឬមេដឹកនាំដែលមាន​សមត្ថភាពក្នុងការទំនាក់ទំនង ល្អ នឹងធ្វើឱ្យស្ថាប័ន អង្គភាពនោះលេចធ្លោជាងនាយកដ្ឋានផ្សេងៗ។

​នេះគឺជាគន្លឹះទាំង ៩ សម្រាប់កែលម្អជំនាញទំនាក់ទំនងបានយ៉ាងរហ័សទាន់ចិត្ត៖

១ ចាត់ទុកការប្រាស្រ័យទាក់ទងជាអាទិភាព
ឈប់ទៅរបៀបអង្គុយចាំ​សម្គាល់ និងវាយតម្លៃស្មាន ចូរចាប់ផ្តើម​​រៀនជំនាញ​សាកសួរ តាមរយៈ ចូលរួមថ្នាក់រៀបផ្ទាល់ ឬអានសៀវភៅ អត្ថបទតាមកាសែត ទស្សនាវដ្តីឬរៀនពីអ្នកទំនាក់ទំនងដែលមាន​ជោគជ័យនៅជុំវិញខ្លួន។ អាចស្វែងរកអ្នកណែនាំឬគ្រូបង្វឹកផ្ទាល់បើ់មាន​លទ្ធភាព។

២ បង្វឹកការសរសេរ

ទំនាក់ទំនង​តាមរយៈ​ការ​សរសេរ មិនពិបាកទេ គឺ​ត្រូវ​ចេះ​ធ្វើឱ្យសាមញ្ញ រាល់សារដែលផ្ញើចេញ​
ប្រើភាសាត្រង់និងសម្រាយ ងាយយល់ កុំដ្រាម៉ា​ កុំប្រើអារម្មណ៍ ចូរដឹងថា​ ចង់សរសេរពីអ្វី និង​ចង់បានអ្វី កុំសរសេរអ្វីមួយ ឬ ​ឃ្លាណាមួយ​ដែលពេលសួរឱ្យបកស្រាយ​យើង​ឆ្លើយមិនរួច។

៣ រៀនភ្ជាប់ទំនាក់ទំនងតាម​ការ​ស្តាប់ឬអាន
ចេះស្តាប់ បង្ហាញ​ថាកំពុង​យកចិត្ត​ទុកដាក់ស្តាប់ និងចាំបានអ្វី​ដែលបានស្តាប់ ជាសិល្បៈនាំឱ្យមនុស្ស​ជាច្រើន​ចង់និយាយនឹង​អ្នក។ អានសារនិមួយៗ​យល់សិន សឹមឆ្លើយពុំនោះ ត្រូវសួរសំណួរ សុំយោបល់ដោយរមទម្យ​។ ចេះ​ចំណាយពេលឆ្លើយតប កុំធ្វើវាហី​នៅរាល់ពេលសន្ទនាជាមួយអ្នកណាម្នាក់ ព្រោះនោះបង្ហាញថា​អ្នកមានកម្រិត​សិល្បៈទំនាក់ទំនង​លំដាប់ណា ឬខ្សោយតែម្តង។

៤ ត្រូវប្រាកដថាយល់សិនសឹមហារនិយាយ

រកមើលវិធីដើម្បីបញ្ជាក់ឬបកស្រាយឡើងវិញនូវអ្វីដែលយើង​កំពុងព្យាយាមនិយាយ ដើម្បីអាចឱ្យអ្នកស្តាប់យល់បាន។ អ្នកខ្លះ​ដឹកនាំអង្គប្រជុំ​មិនដឹងចង់និយាយពីអ្វី និងគ្មានផ្លែផ្កាអ្វី ដែលជាការបង្ហាញ​ពីជំនាញនិយាយ​ដ៏មានកម្រិត។ ការ​ប្រាស្រ័យទាក់ទងល្អបំផុតក្នុងអាជីព គឺតែងតែជាអ្នកស្តាប់ដ៏ល្អបំផុតនិងជាអ្នកនិយាយងាយស្តាប់បំផុតដែរ។

៥ ចេះប្រើនិងគ្រប់គ្រង​ភាសារាងកាយ
ការសិក្សាបង្ហាញថា ៦៥% នៃការប្រាស្រ័យទាក់ទងទាំងអស់មិនមែនជាពាក្យសំដីទេ។ មើលសញ្ញារាងកាយ​ឥរិយាបថក្នុងភាពស្ងប់ស្ងាត់ យើង​នឹង​យល់ថា អ្នកស្តាប់កំពុង​យល់ស្របឬមិនយល់ស្របនឹងសាររបស់យើង​។ ហើយត្រូវដឹងថារាងកាយរបស់យើង​កំពុងបញ្ជូនសញ្ញាផងដែរ។

៦ ចេះប្រើពន្លឺភ្នែក
ការដៀងប្រកបដោយល្បិចកល ឬ​ការសម្លឹងដោយកំហឹង មិនថាការនិយាយទៅកាន់ហ្វូងមនុស្សឬមួយទល់មួយ កែវភ្នែក​អាចបំផ្លាញ​បរិយាកាសបាន។ កុំសម្លឹងមនុស្ស​ពីក្បាលដល់ចុងជើង បង្កើតភាពជឿជាក់និងបង្ហាញថាយើង​ស្លូតបូត ព្រមទាំងកំពុង​យកចិត្តទុកដាក់ចំពោះអ្នកស្តាប់។

ជាមួយនឹងជំនាញទំនាក់ទំនងដ៏រឹងមាំ យើង​នឹងធ្វើជាម្ចាស់នៃស្ថានភាព​ចចារ​លំបាកលំបិននានា មិនថា ការ​ចរចារសុំដំឡើងប្រាក់ខែឬតំឡើងឋានៈ ដែលការសន្ទនា​យ៉ាងប៉ិនប្រសប់និងធ្វើអោយមានការចាប់អារម្មណ៍ ព្រមទាំង​ជោគជ័យបាន។

ដោយសុភា

ប្រភពLife Hack

ប្រភព៖ kampucheathmey.com

ថ្មីៗ2 weeks ago

សូមត្រៀម!!! ប្រទេសថៃជូនដំណឹងមកកម្ពុជា អាចនឹងបើកទឹកទម្លាក់មក ហើយបើថៃទម្លាក់ទឹក ខេត្តបន្ទាយមានជ័យ នឹងទទួលរងផលប៉ះពាល់បន្ថែម

គួរដឹង4 weeks ago

គតិអប់រំ៖ សុភាសិត​ដ៏មាន​តម្លៃ​ ៧ ​ឃ្លា​របស់​ជនជាតិ​កូរ៉េ​

ពីនេះពីនោះ2 weeks ago

ចិត្តបុណ្យណាស់! ឧកញ៉ា ឌួង ឆាយ បរិច្ចាគ១០ម៉ឺនដុល្លារ ជួយសង្គ្រោះពលរដ្ឋរងគ្រោះដោយសារទឹកជំនន់

ថ្មីៗ2 weeks ago

ត្រៀម!!! ភ្នាក់ងារស៊ើបអង្កេតសហព័ន្ធសហរដ្ឋអាមេរិក FBI នឹងបើកការិយាល័យនៅកម្ពុជា ដើម្បីជួយតាមដានស៊ើបអង្កេតករណីប្រភេទនេះ

ពីនេះពីនោះ2 weeks ago

គ្រោះធម្មជាតិ ! នារីរបាំបុរាណ ស្រស់ស្អាតម្នាក់នេះ ត្រូវបា ត់ ប ង់ ជី វិ ត ព្រោះរលំផ្ទះសង្កត់

Trending

Copyright © 2019 ANARCHAK