ក្រោយមានអាវុធនុយក្លេអ៊ែរ គីម ជុងអ៊ុន ថ្លែង៖ «គ្មានប្រទេសណាហ៊ានមើលស្រាលកូរ៉េខាងជើងទៀតឡើយ បើមានប្រទេសនោះនឹងត្រូវខាតបង់យ៉ាងសម្បើម»
Connect with us

ថ្មីៗ

ក្រោយមានអាវុធនុយក្លេអ៊ែរ គីម ជុងអ៊ុន ថ្លែង៖ «គ្មានប្រទេសណាហ៊ានមើលស្រាលកូរ៉េខាងជើងទៀតឡើយ បើមានប្រទេសនោះនឹងត្រូវខាតបង់យ៉ាងសម្បើម»

លោក គីម ជុងអ៊ុន មេដឹកនាំកូរ៉េខាងជើងបានលើកឡើងថា អាវុធនុយក្លេអ៊ែរ នឹងរក្សាការពារសន្តិសុខជាតិកូរ៉េខាងជើងជារៀងរហូត ហើយបញ្ចៀសសង្រ្គាមមិនឲ្យកើតឡើងផងដែរ។ លោកនិយាយបែបនេះក្នុងពិធីរំលឹកខួបទី៦៧ឆ្នាំនៃការបញ្ចប់សង្គ្រាមឧបទ្វីបកូរ៉េពីឆ្នាំ១៩៥០-១៩៥៣។

«យើងបានក្លាយទៅជាប្រទេសដែលអាចការពារខ្លួនឯងប្រឈមទៅនឹងសម្ពាធគ្រប់បែបយ៉ាង និងការគំរាមដោយយោធាពីប្រទេសចក្រពត្តិនិយម និងកម្លាំងអមិត្ត»។  នេះជាការលើកឡើងរបស់លោក គីម ជុងអ៊ុន ក្នុងពិធីថ្នាក់ជាតិរំឭកដល់ការចុះហត្ថលេខាបទឈប់បាញ់ថ្ងៃទី២៧ ខែកក្កដា ឆ្នាំ១៩៥៣ ដែលបានបញ្ចប់ការប្រយុទ្ធគ្នានៅឧបទ្វីបកូរ៉េ ដែលឆាបឆេះតាំងពីឆ្នាំ១៩៥០។

បើតាមទីភ្នាក់ងារព័ត៌មានរដ្ឋកូរ៉េខាងជើង KCNA ប្រមុខដឹកនាំកូរ៉េខាងជើងរូបនេះបានបន្ថែមទៀតថា ក្នុងកាលៈទេសៈបច្ចុប្បន្ន គ្មានប្រទេសណាហ៊ានមើលស្រាលកូរ៉េខាងជើងទៀតឡើយ ហើយបើសិនជាមាន ប្រទេសនោះនឹងត្រូវខាតបង់យ៉ាងសម្បើម។ លោក គីម បានអះអាងថា សម្ពាធពីប្រទេសដទៃ ជាហេតុផលដែលកូរ៉េខាងជើងស្វះស្វែងបង្កើតកម្មវិធីនុយក្លេអ៊ែរ ហើយដែលលោកជឿថា ពេលនេះវាបានជួយកូរ៉េខាងជើងពីការប្រឈមមុខការឈ្លានពានពីខាងក្រៅ។


«ដោយសារសមត្ថភាពអាវុធនុយក្លេអ៊ែរដែលអាចជឿទុកចិត្តបាន និងមានប្រសិទ្ធភាព គ្មានទៀតឡើយសង្រ្គាមនៅលើទឹកដីនេះ ហើយអនាគត និងសន្តិសុខជាតិរបស់យើង ត្រូវបានធានាអចិន្ត្រៃយ៍។» នេះជាការបញ្ជាក់របស់លោក គីម ដែលផ្សាយដោយ KCNA ។

សុន្ទរកថារបស់លោក គីម នៅថ្ងៃបញ្ចប់ជម្លោះដែលមានទាំងការអួតអាងអាវុធនុយក្លេអ៊ែរនេះ ធ្វើឡើងក្នុងបរិបទមួយដែលដំណើរការរំសាយអាវុធនុយក្លេអ៊ែររបស់កូរ៉េខាងជើងនៅនឹងថ្កល់។ ជំនួបបីដងរវាងលោក គីម  និងប្រធានាធិបតីអាមេរិក ដូណាល់ត្រាំ មិនបានដោះស្រាយបញ្ហារ៉ាំរ៉ៃមួយនេះឡើយ។ មិនតែប៉ុណ្ណោះ កូរ៉េខាងជើងបានបន្តធ្វើតេស្តមីស៊ីលរយៈចំងាយមធ្យម និងមីស៊ីលបាញ់ចេញពីនាវាមុជទឹកជាច្រើនលើកច្រើនសារផងដែរ។


បន្ថែមពីនេះ ទំនាក់ទំនងរវាងកូរ៉េប្រទេសកូរ៉េទាំងពីរ ក៏កំពុងត្រដាប់ត្រដួសដោយសារតែបញ្ហាបាចខិត្តបណ្ណដែលឈានដល់ការបំផ្ទុះកម្ទេចការិយាល័យទំនាក់ទំនងអន្តរកូរ៉េ។
សូមបញ្ជាក់ផងដែរថា បទឈប់បាញ់នៅថ្ងៃទី ២៧ ខែកក្កដា ឆ្នាំ១៩៥៣ ត្រូវបានចុះហត្ថលេខាដោយមានអាមេរិកដែលតំណាងកងទ័ពអង្គការសហប្រជាជាតិ កូរ៉េខាងជើង និងចិន។ បន្ថែមពីលើការផ្អាកការប្រយុទ្ធ បទឈប់បាញ់នេះ ក៏រាប់បញ្ចូលការដោះដូរអ្នកទោស និងការប្ដេជ្ញាចិត្តចរចាដើម្បីសម្រេចឲ្យបានសន្ធិសញ្ញាបញ្ចប់សង្រ្គាម។ មកទល់ពេលនេះ គ្មានសន្ធិសញ្ញាបញ្ចប់សង្រ្គាមជាផ្លូវការឡើយ។បានន័យថា កូរ៉េទាំង២កំពុងតែស្ថិតក្នុងស្ថានភាពសង្គ្រាមជាមួយគ្នាដដែល៕

ប្រភព www.thmeythmey.com

គួរដឹង21 hours ago

យល់​ដឹង៖ អ្នកមានពិត និងអ្នកមានក្លែងក្លាយ ក្នុងហ្វេសប៊ុក ខុសគ្នាត្រង់ណា?

ថ្មីៗ21 hours ago

ប្រទេសអាស៊ីមួយនេះសំណាងផ្ទួនៗ ខណៈរោងចក្រផលិតកំពូលស្មាតហ្វូន២ ដណ្តើមគ្នាចូលទៅផលិត

គួរដឹង21 hours ago

មេរៀនជីវិត៖ ត្រចៀកស្តាប់បាន ប៉ុន្តែធ្វើមិនដឹងមិនឮព្រោះតែគំនាប ឬកាលៈទេសៈបង្ខំ

ថ្មីៗ22 hours ago

ប្រសើរណាស់! ទីបំផុតសហគ្រាសកសិដ្ឋានមួយនៅកម្ពុជា បានជោគជ័យក្នុងការផលិតត្រីសុខភាពតាមស្តង់ដារជប៉ុន ដំបូងគេបង្អស់

ថ្មីៗ22 hours ago

លោកឧកញ៉ា ម៉ុង ឫទ្ធី បង្ហោះអារម្មណ៍ពិតរបស់ខ្លួន ខណៈឃើញគេបង្ហោះអួតទ្រព្យសម្បត្តិ ឡាន វីឡា មាសពេជ្រ ពេញ Facebook ស្របពេលប្រទេសប្រឈមវិបត្តិកូវីដ-១៩

Trending

Copyright © 2019 ANARCHAK