ថៃកំពុងអាសន្នធំ!!! ក្រោយក្រុមអ្នកតវ៉ា៎ផ្ទុះកំហឹងឱ្យលោក ប្រាយុទ្ធ ចាន់អូចា ចុះចេញពីតំណែងនាយករដ្ឋមន្ត្រី

និស្សិត សកម្មជន និងប្រជាជនថៃជាច្រើនបានធ្វើបាតុកម្មនៅឈៀងម៉ៃដើម្បីទាមទារឱ្យបណ្តេញលោកនាយករដ្ឋមន្រ្តីប្រាយុទ្ធ ចាន់អូចា និងរដ្ឋាភិបាលរបស់លោកចេញពីតំណែង ។ នេះបើយោងតាមប្រភពពីទីភ្នាក់ងារសារព័ត៌មាន Bangkok Post ដែលបានចេញផ្សាយកាលពីយប់ថ្ងៃទី២០ ខែកក្កដា ឆ្នាំ២០២០ ។

ទីលានប្រជាធិបតេយ្យ Phae Gate ដែលស្ថិតនៅភាគខាងជើងទីក្រុងត្រូវបានហ៊ុំព័ទ្ធដោយក្រុមអ្នកតវ៉ាមានប្រដាប់ដោយផ្ទាំងបដាដែលជំរុញឱ្យលោកនាយករដ្ឋមន្ត្រី ប្រយុទ្ធ ចាន់អូចា និងរដ្ឋាភិបាលរបស់លោកចុះចេញពីតំណែង ដោយក្រុមអ្នកតវ៉ាក៏បានអំពាវនាវឱ្យមានការរំលាយសេចក្តីព្រាងរដ្ឋធម្មនុញ្ញថ្មីទៀតផង ។

កងកម្លាំងការពារនៅកន្លែងទីលានប្រជាធិបតេយ្យខាងលើបានជំរុញឱ្យក្រុមបាតុករបញ្ឈប់ការប្រមូលផ្តុំគ្នាដោយនិយាយថា ក្រុមបាតុករកំពុងបំពានច្បាប់ប្រមូលផ្តុំដែលជាហេតុអាចបង្កឱ្យមានការផ្ទុះជំងឺរាតត្បាតកូវីដ១៩ជាថ្មី ។

ក្រុមនិស្សិតសាកលវិទ្យាល័យ និងវិទ្យាល័យរួមជាមួយប្រជាជនជាច្រើនទៀតក៏បានប្រមូលផ្តុំគ្នានៅ Ubon Ratchathani ដែលនៅជិតទីសក្ការៈបូជា Pillar Shrine ក្នុងក្រុងបាននាំគ្នាអំពាវនាវឱ្យរដ្ឋាភិបាលលោក ប្រាយុទ្ធ ចាន់អូចា ចុះចេញពីតំណែងផងដែរ ។ និស្សិតម្នាក់បាននិយាយឱ្យដឹងថា ៖«យើងពិតជាចង់ឃើញការផ្លាស់ប្តូរ» ។

ការធ្វើបាតុកម្មទាំងពីរកន្លែងនេះធ្វើឡើងដោយសន្តិវិធីមិនមានការប្រើប្រាស់កម្លាំងបាយណាមួយឡើយ និងបានធ្វើឡើងមួយថ្ងៃបន្ទាប់ពីការជួបជុំដ៏ធំមួយនៅវិមានប្រជាធិបតេយ្យនៅទីក្រុងបាងកក ដែលរៀបចំឡើងដោយក្រុមយុវជនសេរី និងសហភាពនិស្សិតថៃដែលបានទាក់ទាញក្រុមអ្នកតវ៉ារាប់រយនាក់ ។ ការប្រមូលផ្តុំគ្នានៅទីក្រុងបាងកកគឺជាការជួបជុំនយោបាយដ៏ធំលើកដំបូងចាប់តាំងពីមានការផ្ទុះឡើងនៃវីរុសកូវីដ១៩មក ។

លោក Jatuporn Prompan ប្រធានក្រុមរណសិរ្សរួបរួមដើម្បីលទ្ធិប្រជាធិបតេយ្យប្រឆាំងនឹងរបបផ្តាច់ការ កាលពីថ្ងៃអាទិត្យកន្លងមកនេះបានផ្ញើសារទៅក្រុមអ្នកតវ៉ាដោយនិយាយថា ពួកគេគួរតែធ្វើការទាមទាររបស់ពួកគេឱ្យបានច្បាស់ ។ សេចក្តីថ្លែងការណ៍របស់ពួកគេអំពាវនាវឱ្យលោកនាយករដ្ឋមន្ត្រី ប្រាយុទ្ធ រំលាយសភា បញ្ចប់ការបំភិតបំភ័យលើប្រជាពលរដ្ឋ និងធ្វើរដ្ឋធម្មនុញ្ញថ្មី ៕

ប្រភព៖ bangkokpost

ដកស្រង់ដោយ៖ kbn.news