ជិតបានប្រើប្រាស់ហើយ! មន្ទីរពេទ្យធំជាងគេប្រចាំនៅក្នុងខេត្តត្បូងឃ្មុំ ចំណាយជាង ៥០ លានដុល្លារសាងសង់សម្រេចបាន ៨០ ភាគរយហើយ
Connect with us

ថ្មីៗ

ជិតបានប្រើប្រាស់ហើយ! មន្ទីរពេទ្យធំជាងគេប្រចាំនៅក្នុងខេត្តត្បូងឃ្មុំ ចំណាយជាង ៥០ លានដុល្លារសាងសង់សម្រេចបាន ៨០ ភាគរយហើយ

ត្បូងឃ្មុំ ៖ មន្ទីរពេទ្យធំជាងគេប្រចាំនៅក្នុងខេត្តត្បូងឃ្មុំ ក្រោមជំនួយរបស់រដ្ឋាភិបាលចិន ដែលមានតម្លៃជាង៥០លានដុល្លារ បានសាងសង់សម្រេចប្រមាណជាង ៨០ភាគរយហើយ ដែលនឹងអាចបម្រើសេវាសុខាភិបាលជូនប្រជាពលរដ្ឋ ក្នុងពេលឆាប់ៗខាងមុននេះ ។

នៅក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងារបន្តរដ្ឋបាលខេត្តត្បូងឃ្មុំ នាព្រឹកថ្ងៃទី២៥ ខែមិថុនា ឆ្នាំ២០២០ នៅទីស្ដីការគណរដ្ឋមន្ត្រី អភិបាលខេត្តត្បូងឃ្មុំ លោក ជាម ចន្ទ័សោភ័ណ បានមានប្រសាសន៍ថា បច្ចុប្បន្ននេះ មិនថាទោះជាស្ថិតនៅក្នុងវិបត្តិ Covid-19 ក៏ដោយ ក្រុមការងារ ជំនាញ កំពុងតែសម្រុកការសាងសង់មន្ទីរពេទ្យនេះឱ្យហើយទាន់ផែនការនៅចុងឆ្នាំ២០២១ខាងមុខនេះ ដើម្បីឆ្លើយតបទៅនឹងតម្រូវព្យាបាលជម្ងឺជូនប្រជាពលរដ្ឋ។

លោកអភិបាលបានបញ្ជាក់ថា “មន្ទីរពេទ្យខ្នាតធំមិត្តភាពកម្ពុជា-ចិន នឹងបើកឱ្យដំណើរការបម្រើសេវាសុខាភិបាលជូនបងប្អូនប្រជាពលរដ្ឋក្នុងពេលឆាប់ៗខាងមុខនេះ ខណៈដែលបច្ចុប្បន្នមន្ទីរពេទ្យកំពុងដំណើរការសាងសង់ និងបំពាក់នូវសំភារៈបរិក្ខាពេទ្យទំនើបៗ។ មន្ទីរពេទ្យខ្នាតធំនេះ នឹងរួមចំណែកដ៏សំខាន់ក្នុងផ្នែកសុខាភិបាលឱ្យកាន់តែមានភាពល្អប្រសើរ និងបង្កលក្ខណៈងាយស្រួលដល់ប្រជាពលរដ្ឋ ខណៈដែលបច្ចុប្បន្នការសាងសង់សម្រេចបានជាង៨០ភាគរយ”។

មន្ទីរពេទ្យមិត្តភាព កម្ពុជា-ចិន ត្បូងឃ្មុំនេះ បានសាងសង់ឡើង នាថ្ងៃទី១ ខែមីនា ឆ្នាំ២០១៩ ដោយសម្ពោធបើកការដ្ឋានសាងសង់ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងបញ្ចប់ការសាងសង់សម្រេចជាស្ថាពរ ទៅវិញនៅចុងខែតុលា ឆ្នាំ២០២១ ដែលសាងសង់លើផ្ទៃដីទំហំ២៤,៣០០ម៉ែត្រការ៉េ លើទំហំផ្ទៃដីសរុប ៥៥,៨១៥ម៉ែត្រការ៉េ។ គម្រោងនេះសាងសង់ក្នុងរយ:ពេល៤០ខែ។ មន្ទីរពេទ្យធំថ្មីនេះ មានតំរូវការបុគ្គលិកជំនាញប្រមាណ៤៥៦នាក់បន្ថែមទៀត។

មន្ទីរពេទ្យនេះ នឹងបំពាក់នូវឧបករណ៍ទំនើបៗ និងមានគ្រែសរុបចំនួន៣០០គ្រែ រួមទាំងមានទទួលព្យាបាលជំងឺដូចជា ផ្នែកជំងឺទូទៅ ផ្នែកជំងឺកុមារ ផ្នែកជំងឺឆ្លង ផ្នែកពិគ្រោះជំងឺក្រៅ ផ្នែកប្រពោធនកម្ម (ICU) ផ្នែកសង្គ្រោះបន្ទាន់ ផ្នែកវះកាត់ ផ្នែករោគស្ត្រី និងសម្រាលកូន ផ្នែករូបភាពវេជ្ជសាស្ត្រ និងEndoscopy ផ្នែកមន្ទីរពិសោធន៍ ឱសថស្ថាន បន្ទប់រំងាប់មេរោគ ផ្នែកប្រព័ន្ធព័ត៌មាន និងបច្ចេកទេសវេជ្ជសាស្ត្រ និងផ្នែកគាំទ្រ មានដូចជា រដ្ឋបាលនិងប្រព័ន្ធសុវត្ថិភាព បន្ទប់បង្កើត និងផ្ទុកអុកស៊ីសែន បន្ទប់សំអាតទឹកកខ្វក់ បន្ទប់ដាក់កាកសំណល់វេជ្ជសាស្ត្រ និងសាលដាក់សាកសព៕

ប្រភព៖ www.property.asia

ពីនេះពីនោះ6 hours ago

ឆ្កួតពេកហើយ! និស្សិតអាមេរិក ភ្នាល់គ្នាដាក់លុយ ដោយធ្វើពិធីជប់លៀងជាមួយអ្នកជំងឺកូវីដ បើនរណាកើតកូវីដមុនអ្នកនោះជាអ្នកឈ្នះ

ពីនេះពីនោះ9 hours ago

ទោះតែងខ្លួនសាមញ្ញតែអ្នក​ម្តាយ​ថ្មីថ្មោង តូតា កាន់តែស្អាតខ្លាំង ទោះកំពុងពរពោះ

ពីនេះពីនោះ13 hours ago

ចោរហារយមិនស្គាល់បាបបុណ្យ !លួចយកព្រះពុទ្ធបដិមាចំនួន១៤អង្គក្នុងវត្តព្រៃច្បារ ត្រូវសមត្ថកិច្ចឃាត់ខ្លួនបាន

ពីនេះពីនោះ13 hours ago

រាជរដ្ឋាភិបាលអនុញ្ញាតឱ្យអាជីវកម្ម ហាង​ខារ៉ាអូខេ KTV និងមក្លឹបកម្សាន្ត ប្រែក្លាយទៅជាភោជនីយដ្ឋាន

ថ្មីៗ17 hours ago

ត្រូវប៉ាន់ហើយ! ផ្សារ​ទំនើប​ខ្នាត​យក្ស​ ៣ នឹង​ប្រកួត​ប្រជែង​គ្នា​នៅ​តំបន់​ផ្លូវ ៦០​ម៉ែត្រ​ ភាគ​ខាង​ត្បូង​រាជ​ធានី​ភ្នំពេញ

គួរដឹង3 weeks ago

រកឃើញ​មូលហេតុ​ដែល​កំពូល​អធិរាជ​ច្បាំង​មិនដែល​ចាញ់​របស់​ម៉ុង​ហ្គោល​ដកថយ​ពី​ហុង​គ្រី​! កុំ​អី​ទ្វីបអឺរ៉ុប​ទាំងមូល​ខ្ញី​របស់កូនចៅ​សង់​ស៊ី​ខាន់​

គួរដឹង4 weeks ago

តក់ស្លុត! ក្រោយឃើញស្លាកស្នាមគួរឱ្យខ្លាចរបស់អ្នកនៅរស់ពីរន្ទះបាញ់នៅជុំវិញពិភពលោក!

គួរដឹង2 weeks ago

ដំបូន្មានចំពោះមនុស្សមានអាយុលើសពី៤០ឆ្នាំ

បែបផែនជីវិត4 weeks ago

សូមចំណាយពេលរបស់អ្នក ៤-១០នាទីអានអត្ថបទនេះ ដើម្បីទទួលបាននូវគំនិតអប់រំមួយចំនួនពីសង្គមរស់នៅបច្ចុប្បន្ន

ថ្មីៗ2 weeks ago

ចាប់ពីពេលនេះទៅ ជួបរឿងអយុត្តិធម៌ គ្រាន់តែខំមិនចូលផេកសម្ដេចក្រឡាហោម ស ខេង នោះសម្ដេចនឹងដោះស្រាយរាល់សំណូមពររបស់បងប្អូនប្រជាពលរដ្ឋ

Trending

Copyright © 2019 ANARCHAK