ចិនបាញ់បង្ហោះផ្កាយរណប​ទៅបង្រ្គប់​ប្រព័ន្ធផ្កាយរណបGPS គ្របដណ្តប់​ជុំវិញផែនដី
Connect with us

ថ្មីៗ

ចិនបាញ់បង្ហោះផ្កាយរណប​ទៅបង្រ្គប់​ប្រព័ន្ធផ្កាយរណបGPS គ្របដណ្តប់​ជុំវិញផែនដី

ប្រទេស​ចិន នៅថ្ងៃ​អង្គារនេះ​បាន​បាញ់បង្ហោះ​ដោយជោគជ័យ រ៉ុកកែត​ផ្ទុកផ្កាយរណប សម្រាប់​ប្រព័ន្ធ​កំណត់​ទីតាំង ឬ ប្រព័ន្ធ GPS។ ផ្កាយរណប​ដែល​ចិន​បញ្ជូន​ទៅក្នុង​គន្លង​តារាវិថី នៅថ្ងៃ​អង្គារ​នេះ​ជា​ផ្កាយរណប​ទី៣០ សម្រាប់​ទៅ​បំពេញ​បង្រ្គប់ ធ្វើ​ឲ្យ​ប្រព័ន្ធ​កំណត់ទីតាំង របស់​ចិន​អាច​គ្របដណ្តប់​ជុំវិញ​ផែនដី។ ការណ៍នេះ​នឹង​ធ្វើ​ឲ្យ​ចិន​លែង ត្រូវការ​ពឹងពាក់​ប្រព័ន្ធ​GPS របស់​អាមេរិក​តទៅទៀត។

ទូរទស្សន៍​រដ្ឋ​ចិន នៅថ្ងៃអង្គារនេះ​បាន​បង្ហាញ​រូបភាព បាញ់បង្ហោះ រ៉ុកកែត Longue-Marche 3 ផ្ទុកផ្កាយរណប ចេញ​ពី​មជ្ឈមណ្ឌល​អវកាស Xichang ដែល​ស្ថិតនៅ​ភាគនិរតី​ប្រទេស​ចិន។

បង្កើត​ឡើង​នៅ​ឆ្នាំ ២០០០ និង​ដាក់ឲ្យ​ដំណើរការ​នៅក្នុង​ពិភពលោក​នៅ​ឆ្នាំ ២០១៨ ប្រព័ន្ធ​ផ្កាយរណប កំណត់​ទីតាំង ឬ​ប្រព័ន្ធ​GPS របស់​ចិន អាច​គ្របដណ្តប់​ត្រឹម​តំបន់​អាស៊ី​ប៉ាស៊ីហ្វិក​ប៉ុណ្ណោះ។ ប៉ុន្តែ ជាមួយ​ផ្កាយរណប​ចុងក្រោយ ដែល​ចិន​បាញ់បង្ហោះ​នៅថ្ងៃ​អង្គារ​នេះ ប្រព័ន្ធ​ផ្កាយរណប​កំណត់​ទីតាំង​ របស់​ចិន ឈ្មោះ បៃឌូ នឹង​មាន​ចំនួន​ផ្កាយរណប​ពេញលេញ ៣០គ្រឿង ដើម្បី​អាច​ផ្តល់​រលកសញ្ញា ទៅ​ដល់​គ្រប់​កន្លែង​នៃ​ផែនដី មិន​ចាញ់ ប្រព័ន្ធ​GPS របស់​អាមេរិក (ដែល​ជា​កម្មសិទ្ធិ​របស់​រដ្ឋាភិបាល​អាមេរិក ប៉ុន្តែ គ្រប់គ្រង​ប្រតិបត្តិការ​ដោយ​កងទ័ពអាកាស​អាមេរិក) ប្រព័ន្ធ Galileo របស់​អឺរ៉ុប និង Glonass​របស់​រុស្ស៊ី។

ប្រើបាន​ទាំង​ក្នុង​​វិស័យយោធា និង​ស៊ីវិល ​ប្រព័ន្ធ​GPS របស់​ចិន​ជួយ​ឲ្យ​អ្នកប្រើប្រាស់​​អាច​រក ​ភោជនីយដ្ឋាន កន្លែង​ចាក់សាំង និង​ជា​ផែនទី​បង្ហាញ​ផ្លូវ សម្រាប់​រថយន្ត កប៉ាល់ដឹកទំនិញ។ ប្រព័ន្ធ​GPS របស់​ចិន​នឹង​អាច​បង្ហាញ​ទីតាំង​ច្បាស់ៗ​ផងដែរ សម្រាប់ ការវាយប្រហារ​មីស៊ីល ឬ​សម្រាប់​យន្តហោះ​គ្មានមនុស្ស​បើក ដ្រូន។ ក្រៅតែ​ពី​ផ្តល់សេវា​កំណត់ទីតាំង ដែលជា​ប្រយោជន៍​សម្រាប់​ការបើកបរ​ទូក នៅប្រទេស​ចិន ប្រព័ន្ធ​GPS របស់​ចិន​មាន​ភ្ជាប់ជាមួយ​បណ្តាញ​សារ​អេឡិចត្រូនិក ដែល​ប្រព័ន្ធ​GPS របស់ប្រទេស​ផ្សេងទៀត គ្មាន ប៉ុន្តែ ដែល​សំខាន់​សម្រាប់​ការជួយ​សង្រ្គោះ​បន្ទាន់។

សម្រាប់​តារាវិទូ Jonathan McDowell នៃ​មជ្ឈមណ្ឌលHavard Smithsonian នៅអាមេរិក ការបាញ់បង្ហោះ​ផ្កាយរណប របស់​ចិន នៅ​ថ្ងៃ​អង្គារ ជា​ព្រឹត្តិការណ៍សំខាន់ ដែល​បង្ហាញថា  ចិន​នឹង​លែងត្រូវការ​ពឹងអាស្រ័យ​ប្រព័ន្ធ​GPS​របស់​អាមេរិក និង​អឺរ៉ុប តទៅទៀត។ ជាការពិត ប្រព័ន្ធ​ផ្កាយរណប​GPS របស់​ចិន នឹង​ជួយឲ្យ​ចិន​អាច​រួចផុត​ពី​ការគំរាមកំហែង កាត់ផ្តាច់ លែង​ឲ្យ​ប្រើ​ប្រព័ន្ធ​GPS របស់​អាមេរិក នៅពេល​ណា​កើតមាន​ជម្លោះ ចិន និង​អាមេរិក។ មួយវិញទៀត ជាមួយ​នឹង​សមត្ថភាព​ផ្តល់​រលកសញ្ញា​ច្បាស់ៗ ប្រព័ន្ធ GPS របស់​ចិននឹង​​អាច​ជាគូប្រជែង សំខាន់ ដែល​អាច​ដណ្តើម​ទីផ្សារ​របស់​ប្រព័ន្ធ​GPS ​របស់​អាមេរិក និង​អឺរ៉ុប។

តាម​កាសែត​ចិន មានប្រទេស​ប្រមាណ ១២០ ដែលនៅក្នុងនោះ មាន​ថៃ ប៉ាគីស្ថា្ ឡាវ ព្រុយណេ​ជាដើម ដែល​ប្រើ​ប្រព័ន្ធ​កំណត់ទីតាំង GP¨S របស់​ចិន ឈ្មោះ បៃឌូ។ ជាមួយ​នឹង​គម្រោងសេដ្ឋកិច្ច ផ្លូវមួយ ខ្សែក្រវ៉ាត់មួយ ចិន​បាន​បញ្ចុះបញ្ចូល ប្រទេស​ជាច្រើន ឲ្យចូលរួម​ប្រើ​ប្រព័ន្ធ GPS របស់ខ្លួន។ តារា​វិទូ​អាមេរិក​វិញ​វាយតម្លៃ​ថា ប្រព័ន្ធ GPS របស់​ចិន ផ្តល់​ព័ត៌មាន​ទីតាំង​ច្បាស់ៗ​ពិតមែនហើយ ប៉ុន្តែ គេ​នៅតែ​មិនទាន់​អាច​ជឿជាក់ទាំងស្រុង​លើ​បច្ចេកវិទ្យា​របស់​ចិន​នោះទេ។ យ៉ាងណាក៏ដោយ ប្រព័ន្ធ​GPS របស់​អាមេរិក​នឹង​នៅ​នាំមុខគេ ក្នុង​រយៈពេល ២០​ឆ្នាំ​ទៅមុខទៀត៕

ប្រភព៖ rfi.fr

ពីនេះពីនោះ3 hours ago

ឆ្កួតពេកហើយ! និស្សិតអាមេរិក ភ្នាល់គ្នាដាក់លុយ ដោយធ្វើពិធីជប់លៀងជាមួយអ្នកជំងឺកូវីដ បើនរណាកើតកូវីដមុនអ្នកនោះជាអ្នកឈ្នះ

ពីនេះពីនោះ5 hours ago

ទោះតែងខ្លួនសាមញ្ញតែអ្នក​ម្តាយ​ថ្មីថ្មោង តូតា កាន់តែស្អាតខ្លាំង ទោះកំពុងពរពោះ

ពីនេះពីនោះ9 hours ago

ចោរហារយមិនស្គាល់បាបបុណ្យ !លួចយកព្រះពុទ្ធបដិមាចំនួន១៤អង្គក្នុងវត្តព្រៃច្បារ ត្រូវសមត្ថកិច្ចឃាត់ខ្លួនបាន

ពីនេះពីនោះ10 hours ago

រាជរដ្ឋាភិបាលអនុញ្ញាតឱ្យអាជីវកម្ម ហាង​ខារ៉ាអូខេ KTV និងមក្លឹបកម្សាន្ត ប្រែក្លាយទៅជាភោជនីយដ្ឋាន

ថ្មីៗ13 hours ago

ត្រូវប៉ាន់ហើយ! ផ្សារ​ទំនើប​ខ្នាត​យក្ស​ ៣ នឹង​ប្រកួត​ប្រជែង​គ្នា​នៅ​តំបន់​ផ្លូវ ៦០​ម៉ែត្រ​ ភាគ​ខាង​ត្បូង​រាជ​ធានី​ភ្នំពេញ

គួរដឹង3 weeks ago

រកឃើញ​មូលហេតុ​ដែល​កំពូល​អធិរាជ​ច្បាំង​មិនដែល​ចាញ់​របស់​ម៉ុង​ហ្គោល​ដកថយ​ពី​ហុង​គ្រី​! កុំ​អី​ទ្វីបអឺរ៉ុប​ទាំងមូល​ខ្ញី​របស់កូនចៅ​សង់​ស៊ី​ខាន់​

គួរដឹង4 weeks ago

តក់ស្លុត! ក្រោយឃើញស្លាកស្នាមគួរឱ្យខ្លាចរបស់អ្នកនៅរស់ពីរន្ទះបាញ់នៅជុំវិញពិភពលោក!

គួរដឹង2 weeks ago

ដំបូន្មានចំពោះមនុស្សមានអាយុលើសពី៤០ឆ្នាំ

ថ្មីៗ2 weeks ago

ចាប់ពីពេលនេះទៅ ជួបរឿងអយុត្តិធម៌ គ្រាន់តែខំមិនចូលផេកសម្ដេចក្រឡាហោម ស ខេង នោះសម្ដេចនឹងដោះស្រាយរាល់សំណូមពររបស់បងប្អូនប្រជាពលរដ្ឋ

បែបផែនជីវិត4 weeks ago

សូមចំណាយពេលរបស់អ្នក ៤-១០នាទីអានអត្ថបទនេះ ដើម្បីទទួលបាននូវគំនិតអប់រំមួយចំនួនពីសង្គមរស់នៅបច្ចុប្បន្ន

Trending

Copyright © 2019 ANARCHAK