សូមប្រយ័ត្ន ! បន្លែ ៦ប្រភេទ ដែលផ្ទុកកាកសំណល់ថ្នាំសម្លាប់សត្វល្អិត ដែលអាជីវករខ្មែរនាំពីប្រទេសវៀតណាមចូលប្រទេសកម្ពុជា
Connect with us

ពីនេះពីនោះ

សូមប្រយ័ត្ន ! បន្លែ ៦ប្រភេទ ដែលផ្ទុកកាកសំណល់ថ្នាំសម្លាប់សត្វល្អិត ដែលអាជីវករខ្មែរនាំពីប្រទេសវៀតណាមចូលប្រទេសកម្ពុជា

(កណ្តាល)៖ សមត្ថកិច្ចច្រកទ្វារអន្តរជាតិជ្រៃធំ បានធ្វើការត្រួតពិនិត្យគុណភាព និងសុវត្ថិភាពបន្លែ ផ្លែឈើគ្រប់ប្រភេទ ដែលអាជីវករខ្មែរនាំពីប្រទេសវៀតណាមចូលមកប្រទេសកម្ពុជា តាមច្រកទ្វារអន្តរជាតិជ្រៃធំ ដែលស្ថិតក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល ដោយបានរកឃើញបន្លែ ចំនួន៦មុខ មានផ្ទុកកាកសំណល់ថ្នាំសម្លាប់សត្វល្អិត។

ប្រតិបត្តិការនេះដឹកនាំដោយ លោក មួង ដារ៉ា ប្រធានការិយាល័យគយ និងរដ្ឋាករច្រកទ្វារអន្តរជាតិជ្រៃធំ, លោក អ៊ូ ម៉ានរិន ប្រធានសាខាការពារអ្នកប្រើប្រាស់កិច្ចការប្រកួតប្រជែងបង្ក្រាបការក្លែងបន្លំ (ក.ប.ប) សហការជាមួយ លោក សែ ជុនទ្រី ប្រធានស្នាក់ការត្រួតពិនិត្យច្រកទ្វារអន្តរជាតិជ្រៃធំខេត្តកណ្តាល ដើម្បីលើកកម្ពស់ការយកចិត្តទុកដាក់ ចំពោះសុខភាពរបស់ប្រជាពលរដ្ឋ។

ក្នុងកិច្ចសហប្រតិបត្តិការណ៍នេះ ក.ប.ប បានយករថយន្តបំពាក់ដោយឧបករណ៍វិភាគទៅដល់ទីតាំងត្រួតពិនិត្យនៃការិយាល័យគយ និងរដ្ឋាករជ្រៃធំតែម្តង ហើយបានធ្វើការវិភាគលើបន្លែចំនួន២២មុខ ដែលរួមមាន៖ ស្ពៃបូកគោ, ត្រសក់, ស្ពៃក្ដោប, ត្របវែង, ប៉េងប៉ោះ, ផ្កាខាត់ណា, ពោតបារាំង, ផ្កាស្នោរ, ក្រូចឆ្មារ, ឃ្លោក, ម្រះ, ម្ទេស, ត្របស្រួយ, ល្ពៅ, ននោង, សណ្ដែកបារាំង, ក្រូចឆ្មារ (តែជ្រក់), ស្លឹកខ្ទឹម, ម្ទេសប្លោក, ប៉េង ប៉ោះខៀវ, ផ្កាគូឆាយ និងផ្កាឡៃហៀងជាដើម។

ក្នុងការត្រួតពិនិត្យនោះ សមត្ថកិច្ចជំនាញ បានរកឃើញបន្លែចំនួន០៦មុខ រួមមាន៖ ស្ពៃបូកគោ, ផ្កាខាត់ណា, ពោតបារាំង, ក្រូចឆ្មារតូច(សម្រាប់ធ្វើតែជ្រក់), ផ្លែល្ពៅ និងផ្កាគូឆាយ មានផ្ទុកកាកសំណល់ថ្នាំសម្លាប់សត្វល្អិត គ្មានសុវត្ថិភាពសម្រាប់ការប្រើប្រាស់ និងមិនអនុញ្ញាតឱ្យនាំចូលជាបណ្តោះអាសន្ន។ ក្រៅពីនេះ ពុំឃើញមានជាតិគីមីពុល ឬខូចគុណភាពដែលនាំឱ្យប៉ះពាល់ដល់សុខភាពឡើយ ពោលគឺគុណភាពល្អ និងមានសុវត្ថិភាពសម្រាប់បរិភោគ។

លោក អ៊ូ ម៉ានរិន ប្រធានសាខា ក.ប.ប ខេត្តកណ្តាល បានឲ្យដឹងថា ការចុះពិនិត្យនេះ លោកបានឲ្យក្រុមការងារឆែកយកបន្លែតាមប្រភេទនីមួយៗ ទៅច្រកថង់ផ្លាស្ទិកដែលគ្មានមេរោគ ដោយមានកត់ចំណាំលេខកូដតាមរថយន្ត និងឈ្មោះម្ចាស់ទំនិញ ដើម្បីយកទៅពិនិត្យធ្វើតេស្កគុណភាពលើបន្លែទាំងនេះ។

លោក មួង ដារ៉ា ប្រធានការិយាល័យគយ និងរដ្ឋាករច្រកទ្វារអន្តរជាតិជ្រៃធំ បានឲ្យដឹងដែរថា ក្រោយពីទទួលបានលទ្ធផលមុខទំនិញចំនួន៦មុខ ដែលមន្ត្រី ក.ប.ប ខេត្តកណ្តាលរកឃើញមានផ្ទុកកាកសំណល់ថ្នាំសម្លាប់សត្វល្អិតទាំងនេះ លោកនឹងផ្អាកជាបណ្តោះអាសន្ន មិនឲ្យម្ចាស់ទំនិញនាំចូលមកកម្ពុជាទៀតទេ។ ចំពោះមុខទំនិញនិងបន្លែផ្សេងៗ លោកនឹងសហការជាមួយមន្ត្រី ក.ប.ប ដើម្បីពិនិត្យតាមដានបន្តទៀត ហើយប្រសិនបើរកឃើញបន្លែ នៅតែមានផ្ទុកកាកសំណល់ថ្នាំសម្លាប់សត្វល្អិត (សារធាតុគីមី) លោកនឹងបញ្ឈប់ឲ្យមានការនាំចូលតែម្តង។

លោក មួង ដារ៉ា ក៏បានអំពាវនាវដល់ក្រុមអាជីវករខ្មែរ ដែលរកជំនួញបន្លែនាំពីប្រទេសវៀតណាមចូលមកកម្ពុជា គួរប្រុងប្រយ័ត្ន ដោយពិនិត្យទំនិញ និងដាក់លក្ខខណ្ឌជាមួយវៀតណាម ឲ្យបានច្បាស់លាស់ មុននឹងនាំយកចូលមកកម្ពុជា។ បើសិនជាពួកគាត់ នៅតែធ្វេសប្រហែស ហើយនាំបន្លែដែលមានផ្ទុកកាកសំណល់ថ្នាំសម្លាប់សត្វល្អិត ដូចលើកនេះទៀតនោះ គាត់នឹងប្រឈមការខាតបង់លុយកាក់ដើមទុន ជាពិសេសប្រជាពលរដ្ឋកម្ពុជាដូចគ្នា ដែលទិញបន្លែរបស់ក្រុមអាជីវករ នាំយកទៅលក់ឲ្យពួកគាត់ហូបនោះ គឺដូចកំពុងបំផ្លាញសុខភាពខ្មែរគ្នាឯងអញ្ចឹងដែរ៕


ប្រភព៖ freshnewsasia.com

ពីនេះពីនោះ16 mins ago

ឆ្កួតពេកហើយ! និស្សិតអាមេរិក ភ្នាល់គ្នាដាក់លុយ ដោយធ្វើពិធីជប់លៀងជាមួយអ្នកជំងឺកូវីដ បើនរណាកើតកូវីដមុនអ្នកនោះជាអ្នកឈ្នះ

ពីនេះពីនោះ3 hours ago

ទោះតែងខ្លួនសាមញ្ញតែអ្នក​ម្តាយ​ថ្មីថ្មោង តូតា កាន់តែស្អាតខ្លាំង ទោះកំពុងពរពោះ

ពីនេះពីនោះ6 hours ago

ចោរហារយមិនស្គាល់បាបបុណ្យ !លួចយកព្រះពុទ្ធបដិមាចំនួន១៤អង្គក្នុងវត្តព្រៃច្បារ ត្រូវសមត្ថកិច្ចឃាត់ខ្លួនបាន

ពីនេះពីនោះ7 hours ago

រាជរដ្ឋាភិបាលអនុញ្ញាតឱ្យអាជីវកម្ម ហាង​ខារ៉ាអូខេ KTV និងមក្លឹបកម្សាន្ត ប្រែក្លាយទៅជាភោជនីយដ្ឋាន

ថ្មីៗ11 hours ago

ត្រូវប៉ាន់ហើយ! ផ្សារ​ទំនើប​ខ្នាត​យក្ស​ ៣ នឹង​ប្រកួត​ប្រជែង​គ្នា​នៅ​តំបន់​ផ្លូវ ៦០​ម៉ែត្រ​ ភាគ​ខាង​ត្បូង​រាជ​ធានី​ភ្នំពេញ

គួរដឹង3 weeks ago

រកឃើញ​មូលហេតុ​ដែល​កំពូល​អធិរាជ​ច្បាំង​មិនដែល​ចាញ់​របស់​ម៉ុង​ហ្គោល​ដកថយ​ពី​ហុង​គ្រី​! កុំ​អី​ទ្វីបអឺរ៉ុប​ទាំងមូល​ខ្ញី​របស់កូនចៅ​សង់​ស៊ី​ខាន់​

គួរដឹង4 weeks ago

តក់ស្លុត! ក្រោយឃើញស្លាកស្នាមគួរឱ្យខ្លាចរបស់អ្នកនៅរស់ពីរន្ទះបាញ់នៅជុំវិញពិភពលោក!

គួរដឹង2 weeks ago

ដំបូន្មានចំពោះមនុស្សមានអាយុលើសពី៤០ឆ្នាំ

ថ្មីៗ2 weeks ago

ចាប់ពីពេលនេះទៅ ជួបរឿងអយុត្តិធម៌ គ្រាន់តែខំមិនចូលផេកសម្ដេចក្រឡាហោម ស ខេង នោះសម្ដេចនឹងដោះស្រាយរាល់សំណូមពររបស់បងប្អូនប្រជាពលរដ្ឋ

បែបផែនជីវិត4 weeks ago

សូមចំណាយពេលរបស់អ្នក ៤-១០នាទីអានអត្ថបទនេះ ដើម្បីទទួលបាននូវគំនិតអប់រំមួយចំនួនពីសង្គមរស់នៅបច្ចុប្បន្ន

Trending

Copyright © 2019 ANARCHAK