ឈប់ស្ត្រេសរឿងលុយ! ទិកនិចមូលដ្ឋានគ្រិះ នៃការកសាងភាពមានបានយ៉ាងពិតប្រាកដ
Connect with us

គួរដឹង

ឈប់ស្ត្រេសរឿងលុយ! ទិកនិចមូលដ្ឋានគ្រិះ នៃការកសាងភាពមានបានយ៉ាងពិតប្រាកដ

មានមនុស្សមិនតិចទេតែងសួរសំណួរជាច្រើនទាក់ទងនឹងលុយថា តើខ្ញុំអាចបង្កើតលុយបានដោយរបៀបណា? តើខ្ញុំអាចកសាងទ្រព្យសម្បត្តិបានយ៉ាងដូចម្តេច? តើធ្វើយ៉ាងណាទើបអាចទទួលបានភាពមានបាន? បូករួមទាំងសំណួរជាច្រើនផ្សេងទៀត។ 

ទាក់ទងនឹងបញ្ហានេះ Business Cambodia សូមលើកយកយុទ្ធសាស្ត្រ៣យ៉ាង ដែលអ្នកមានតែងតែធ្វើ ហើយជាលទ្ធផលពួកគេកាន់តែទទួលបានភាពមានបានជាលំដាប់ រួមមានដូចខាងក្រោម៖ 

១. មានប្រព័ន្ធតាមដានសាច់ប្រាក់

ប្រសិនបើសួរថា តើអ្នកបានចំណាយលើអ្វីខ្លះកាលពីខែមុន? តើអ្នកបានចំណាយលើការកម្សាន្តនិងរបស់ដែលអ្នកចង់បានប៉ុន្មានភាពរយ? តើអ្នកបានទុកប្រាក់សន្សំសម្រាប់ការវិនិយោគប៉ុន្មានភាគរយ? តើអ្នកមានចម្លើយច្បាស់លាស់ដែរឬទេ?។ បើអ្នកមិនមានចម្លើយច្បាស់លាស់ទេនោះអ្នកប្រាកដណាស់ច្បាស់ជាមិនអាចគ្រប់គ្រងលុយរបស់អ្នកប្រកបដោយប្រសិទ្ធភាពបានឡើយ។

ដូច្នេះដើម្បីគ្រប់គ្រងលុយឲ្យមានប្រសិទ្ធភាពអ្នកត្រូវមានប្រព័ន្ធតាមដានសាច់ប្រាក់ ហើយប្រព័ន្ធតាមដានសាច់ប្រាក់ទៀតសោត វាមាន៣ផ្នែកធំៗ។ ផ្នែកទីមួយគឺ ប្រាក់ចំណូលរបស់អ្នក វាបានមកពីប្រភពដូចជា ប្រាក់ខែ អាជីវកម្ម ការងារក្រៅម៉ោង ឬការវិនិយោគជាដើម។ ផ្នែកទីពីរគឺ កាចំណាយក្នុងជីវភាពរស់នៅប្រចាំថ្ងៃ ដូចជា ថ្លៃជួលផ្ទះឬបន្ទប់ វិក័យប័ត្រ ឬចំណីអាហារ បូករួមទាំងការចំណាយផ្សេងៗដែលអ្នកត្រូវចំណាយជាចាំបាច់និងមានភាពទៀងទាត់។ 

ចំណែកឯផ្នែកទីបីគឺ ការចំណាយផ្សេងៗ​ មានន័យថា អ្នកចំណាយទៅលើរបស់ដែលអ្នកគ្រាន់តែចង់បានប៉ុន្តែវាមិនមានភាពចាំបាច់សម្រាប់អ្នកនោះឡើយដូចជា ការញ៉ាំកាហ្វេប្រែន ទិញរបស់ថ្លៃៗជាដើម។ នៅពេលដែលអ្នករៀបចំប្រព័ន្ធសាច់ប្រាក់បានត្រឹមត្រូវហើយ វានឹងធ្វើឲ្យអ្នកទទួលបានទិន្នន័យច្បាស់លាស់ថា តើអ្នករកចំណូលបានប៉ុន្មាន? តើអ្នកចំណាយទៅលើរបស់ដែលអ្នកត្រូវការជាចាំបាច់នោះអស់ប៉ុន្មាន? ហើយតើអ្នកចំណាយទៅលើរបស់ផ្សេងទៀតអស់ប៉ុន្មាន? 

២. មានវិន័យចំពោះការសន្សំ

វាមិនសំខាន់ទេថា តើអ្នកអាចរកប្រាក់បានប៉ុន្មាន ប៉ុន្តែអ្វីដែលសំខាន់នោះគឺ តើអ្នកអាចរក្សាប្រាក់ទាំងនោះបានប៉ុន្មាន។ ការសន្សំគឺជាមូលដ្ឋានគ្រឹះក្នុងការបង្កើតទ្រព្យសម្បត្តិសម្រាប់រយៈពេលវែង។ តែទោះជាយ៉ាងណាក៏ដោយ មានមនុស្សមិនច្រើនទេដែលអាចសម្រេចបានគោលដៅផែនការសន្សំនេះ។ ដូច្នេះដើម្បីសម្រេចគោលដៅសន្សំអ្នកត្រូវមានវិន័យ ដោយដកប្រាក់យ៉ាងតិចបំផុត១០%នៃចំណូលសរុបរបស់អ្នកសម្រាប់សន្សំទុកជាមុន ទើបចំណាយជាក្រោយ។ ប្រសិនបើអ្នកអាចដាក់ប្រាក់សន្សំនៅក្នុងកុងធានាគារផ្សេងកាន់តែល្អ ព្រោះវាអាចធ្វើឲ្យអ្នកប្រាកដបានថាអ្នកនឹងមិនប៉ះពាល់ប្រាក់នេះជាដាច់ខាត។ 

៣. យកលុយដែលបានសន្សំទៅបង្កើតទ្រព្យ

ប្រាក់សន្សំគឺជាកញ្ចប់ថវិការមួយដែលសំខាន់បំផុតក្នុងការធ្វើឲ្យជីវភាពរបស់អ្នកកាន់តែមានភាពល្អប្រសើរ ដោយដល់រយៈពេលមួយណាអ្នកអាចដកប្រាក់សន្សំទៅធ្វើការវិនិយោគដើម្បីបង្កើតប្រភពចំណូលបន្ថែមទៀត។ តាមរយៈការទិញទ្រព្យដូចជា អចលនទ្រព្យ ផ្សារភាគហ៊ុន ការវិនិយោគទៅលើអាជីវកម្មទើបកើតថ្មីជាដើម។ វានឹងធ្វើឲ្យចំណូលរបស់អ្នកកើនឡើងជាលំដាប់ និងមានជីវភាពកាន់តែប្រសើរឡើងពីមួយកម្រិតទៅមួយកម្រិត។

អត្ថបទដោយ៖ កាន់ ដារ៉ា (Financial Writer)

ប្រភព៖ www.business-cambodia.com  

ពីនេះពីនោះ1 month ago

ពិតជាខ្លាំងមែន ! ប្រទេសរុស្ស៉ីបានផលិតវ៉ាក់សាំងប្រឆាំងជំងឺ កូវីដ-១៩ ជើងដំបូងរួចរាល់ហើយ នឹងត្រូវដាក់ឱ្យប្រើប្រាស់នៅចុងខែនេះ

ពីនេះពីនោះ1 month ago

អបអរសាទរ ! ស្ត្រីជាទាហានមួកខៀវនៅសង្កាត់សិត្បូ ក្រុងតាខ្មៅ នៅថ្ងៃនេះបានជាសះស្បើយហើយ

ពីនេះពីនោះ1 month ago

ព្រាប សុវត្ថិ បញ្ជាក់ច្បាស់ៗថា ៖ «បើខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង»

ពីនេះពីនោះ1 month ago

ធ្វើឲ្យហ្វេនជាច្រើននាំគ្នាភ្ញាក់ផ្អើលមិនស្ទើរ ពេលឃើញ មាស សាលី បង្ហាញរូបកូន និងគូស្នេហ៍

ពីនេះពីនោះ1 month ago

គូស្នេហ៍មួយចំនួនអាចនឹងចុកឈាមពេលលឺ ពេជ្រ សោភា បកស្រាយចំៗ រឿងមិននៅផ្ទះជាមួយសង្សារ ដូចគូស្នេហ៍ដទៃ (មានវីដេអូ)

Trending

Copyright © 2019 ANARCHAK