កម្មករត្រឡប់ពីចូលឆ្នាំ ក្រសួងសុខាភិបាលស្នើឱ្យដាក់ នៅដាច់ដោយឡែក១៤ថ្ងៃ
Connect with us

ថ្មីៗ

កម្មករត្រឡប់ពីចូលឆ្នាំ ក្រសួងសុខាភិបាលស្នើឱ្យដាក់ នៅដាច់ដោយឡែក១៤ថ្ងៃ

(ភ្នំពេញ)៖ ក្រសួងសុខាភិបាល បានស្នើក្រសួងការងារ និងបណ្តុះបណ្តាលវិជ្ជាជីវៈ សហការជាមួយរោងចក្រ សហគ្រាស និងក្រុមហ៊ុននានា ដាក់កម្មករ និយោជិត ដែលទៅស្រុកលេងចូលឆ្នាំរយៈពេល១៤ថ្ងៃ មុនឱ្យពួកគេចូលធ្វើការវិញ ដើម្បីបង្ការការចម្លងជំងឺកូវីដ១៩។

ក្នុងលិខិតផ្ញើជូនលោក ម៉ម ប៊ុនហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១៥ ខែមេសា ឆ្នាំ២០២០នេះ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានគូសបញ្ជាក់ថា កម្មករ និយោជិត ដែលត្រឡប់មកពីចូលឆ្នាំវិញ ត្រូវតែដាក់ឱ្យនៅដាច់ដោយឡែកជាចាំបាច់ ហើយត្រូវតាមដានសុខភាពជាប្រចាំ។

លោក ម៉ម ប៊ុនហេង បានគូសបញ្ជាក់ថា វិធានការនេះធ្វើឡើង ដើម្បីកុំឱ្យមានការចម្លងរាតត្បាតជំងឺកូវីដ១៩ ចូលក្នុងសហគមន៍។ ជាពិសេសការធ្វើដំណើរចល័ត​របស់បុគ្គលពីកន្លែងមួយទៅកន្លែងមួយដែលមិនបានគោរពតាមបទបញ្ជារបស់សម្ដេចតេជោនាយករដ្ឋមន្ត្រី នាឱកាសបុណ្យចូលឆ្នាំប្រពៃណីជាតិខ្មែរ ដែលមានការ​សម្រុក​ចេញទៅស្រុកកំណើត។

យោងតាមក្រសួងការងារ បានឱ្យដឹងថា ក្នុងកំលុងពេលបុណ្យចូលឆ្នាំនេះ កម្មករ និយោជិត នៅក្នុងវិស័យវេយណភណ្ឌកាត់ដេរសម្លៀកបំពាក់ ស្បែកជើង និងកាបូប​ជាដើមទូទាំងប្រទេសរហូតដល់ទៅ៩៥ភាគរយ បានគោរពតាមការណែនាំរបស់រាជរដ្ឋាភិបាលនៅធ្វើការងារជាធម្មតាមិនមានឈប់សម្រាកនោះទេ។

តែបើទោះបីជាយ៉ាងណាកម្មករក្នុងវិស័យសំណង់ និងវិស័យដទៃទៀត ពួកគេបានសម្រុកទៅស្រុកកំណើតមិនបាននៅបម្រើការងារនោះ​ឡើយក្នុងកំលុងពេលចូលឆ្នាំនេះ៕

ប្រភព៖ ក្រសួងសុខាភិបាល

Trending

Copyright © 2019 ANARCHAK