សូមប្រយ័ត្ន! អតីតអ្នកជំងឺកូវីត-19 ៥១ នាក់នៅកូរ៉េខាងត្បូងបានធ្វើរកឃើញវិជ្ជមានឡើងវិញ ក្រោយជាសះស្បើយ
Connect with us

ថ្មីៗ

សូមប្រយ័ត្ន! អតីតអ្នកជំងឺកូវីត-19 ៥១ នាក់នៅកូរ៉េខាងត្បូងបានធ្វើរកឃើញវិជ្ជមានឡើងវិញ ក្រោយជាសះស្បើយ

(សេអ៊ូល)៖ មជ្ឈមណ្ឌលប្រយុទ្ធប្រឆាំងជំងឺឆ្លងរបស់ប្រទេសកូរ៉េខាងត្បូង KCDC នាថ្ងៃចន្ទនេះបានឲ្យដឹងថា ប្រជាជនកូរ៉េខាងត្បូងសរុបចំនួន ៥១នាក់ ត្រូវបានធ្វើតេស្តវិជ្ជមានជាថ្មីម្តងទៀតនៃ COVID-19 ក្រោយពីពួកគេត្រូវបានជាសះស្បើយ ហើយចាកចេញពីមន្ទីរពេទ្យ។ នេះបើតាមការចេញផ្សាយដោយ ទីភ្នាក់ងារព័ត៌មានស៊ីនហួរ នៅល្ងាចថ្ងៃចន្ទ ទី០៦ ខែមេសា ឆ្នាំ២០២០។

យោងតាមការយល់ឃើញរបស់មជ្ឈមណ្ឌល KCDC វាមានលទ្ធភាពខ្ពស់ដែលថា វីរុសនោះដែលអាចនៅសេសសល់ក្នុងក្រុមកោសិកា ណាមួយរបស់បុគ្គលទាំងនោះ ប្រហែលជាមានសកម្មភាពឡើងវិញ ជាងពួកគេបានឆ្លងជំងឺនេះជាថ្មីម្តងទៀត ដោយសម្អាងថា ការធ្វើតេស្តឃើញវិជ្ជមានឡើងវិញនេះ បានប្រព្រឹត្តទៅក្នុងចន្លោះពេលមិនយូរប៉ុន្មានឡើយ បន្ទាប់ពីពួកគេត្រូវបានអនុញ្ញាតឲ្យចេញពីមន្ទីរពេទ្យ។

គួរជម្រាបថា កន្លងមកពួកគេទាំងនោះត្រូវចាត់ទុកថា បានជាសះស្បើយឡើងវិញទាំងស្រុង ហើយត្រូវបានអនុញ្ញាតឲ្យចាកចេញពីពេទ្យ បន្ទាប់ពីម្នាក់ៗត្រូវបានធ្វើតេស្តអវិជ្ជមានយ៉ាងតិច ០២ដងក្នុងកំឡុងពេល ២៤ម៉ោង។ ក្នុងចំណោម ៥១នាក់នោះមាន ១៨នាក់រស់នៅក្នុងទីក្រុងដេគូ (Daegu) និងខេត្ត គ្យុងសាងខាងជើង (North Gyeongsang) ដែលមានករណីឆ្លងខ្លាំងក្លា ប្រចាំនៅក្នុងប្រទេសកូរ៉េខាងត្បូងនាពេលកន្លងមក។

នៅព្រឹកថ្ងៃចន្ទ ទី០៦ ខែមេសា ឆ្នាំ២០២០ នេះ ប្រទេសកូរ៉េខាងត្បូងបានរាយការណ៍ អំពីការរកឃើញចំនួនអ្នកឆ្លង COVID-19 ថ្មីៗតែ ៤៧នាក់ប៉ុណ្ណោះក្នុងមួយថ្ងៃ ដែលជាចំនួនទាបបំផុតមិនធ្លាប់មាននោះឡើយ គិតចាប់តាំងពីករណីឆ្លងនៅកូរ៉េខាងត្បូង បានផ្ទុះឡើងដល់កម្រិតកំពូលកាលពីថ្ងៃទី២៩ ខែកុម្ភៈ។ មជ្ឈមណ្ឌលគ្រប់គ្រង និងទប់ស្កាត់ជំងឺកូរ៉េខាងត្បូង (KCDC) បានឲ្យដឹងទៀតថា ការរកឃើញករណីឆ្លងថ្មី ៤៧នាក់ខាងលើនេះ ធ្វើឲ្យចំនួនអ្នកឆ្លង COVID-19 សរុបនៅកូរ៉េខាងត្បូងកើនដល់ ១០,២៨៤ករណី ក្នុងនោះ ១៨៦នាក់បាត់បង់ជីវិត និង ៦,៤៦៣នាក់ជាសះស្បើយ៕

ប្រភព៖ freshnewsasia.com  

ពីនេះពីនោះ1 month ago

ពិតជាខ្លាំងមែន ! ប្រទេសរុស្ស៉ីបានផលិតវ៉ាក់សាំងប្រឆាំងជំងឺ កូវីដ-១៩ ជើងដំបូងរួចរាល់ហើយ នឹងត្រូវដាក់ឱ្យប្រើប្រាស់នៅចុងខែនេះ

ពីនេះពីនោះ1 month ago

អបអរសាទរ ! ស្ត្រីជាទាហានមួកខៀវនៅសង្កាត់សិត្បូ ក្រុងតាខ្មៅ នៅថ្ងៃនេះបានជាសះស្បើយហើយ

ពីនេះពីនោះ1 month ago

ព្រាប សុវត្ថិ បញ្ជាក់ច្បាស់ៗថា ៖ «បើខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង»

ពីនេះពីនោះ1 month ago

ធ្វើឲ្យហ្វេនជាច្រើននាំគ្នាភ្ញាក់ផ្អើលមិនស្ទើរ ពេលឃើញ មាស សាលី បង្ហាញរូបកូន និងគូស្នេហ៍

ពីនេះពីនោះ1 month ago

គូស្នេហ៍មួយចំនួនអាចនឹងចុកឈាមពេលលឺ ពេជ្រ សោភា បកស្រាយចំៗ រឿងមិននៅផ្ទះជាមួយសង្សារ ដូចគូស្នេហ៍ដទៃ (មានវីដេអូ)

Trending

Copyright © 2019 ANARCHAK