រឿងមានប្រយោជន៍ទាំង ១១ អ្នកគួរធ្វើក្នុងកំឡុងពេលនៅផ្ទះដើម្បីបង្ការពីវីរុសកូរ៉ូណា
Connect with us

គួរដឹង

រឿងមានប្រយោជន៍ទាំង ១១ អ្នកគួរធ្វើក្នុងកំឡុងពេលនៅផ្ទះដើម្បីបង្ការពីវីរុសកូរ៉ូណា

ក្នុងអំឡុងពេលដែលវីរុសកូរ៉ូណា ឬជំងឺកូវីដ​១៩ កំពុងវាយលុកជុំវិញពិភពលោក នៅតាមបណ្ដាប្រទេសនានា ក៏ដូចជាកម្ពុជា ក៏បានចេញវិធានការការពារខ្លួនសម្រាប់ប្រជាពលរដ្ឋ ដូចជាការរក្សាគម្លាតគ្នា ការរក្សាអនាម័យជាប្រចាំដោយការលាងដៃ និងការស្នាក់នៅផ្ទះមួយរយៈ ដើម្បីទប់ស្កាត់ការឆ្លងរាលដាល។

ប៉ុន្តែយើងគ្រប់គ្នាសុទ្ធតែដឹងហើយថា ការនៅផ្ទះជាប្រចាំ ស្ទើរតែ២៤ម៉ោង ក្នុងមួយថ្ងៃ វានឹងបង្កឱ្យយើងមានសភាពធុញទ្រាន់ នឹងអផ្សុកផងដែរ ហើយថ្ងៃនេះ យើងនឹងលើកយកវិធីងាយៗមួយចំនួន​ដែលអ្នកអាចធ្វើវា ដើម្បីបន្លប់ភាពអផ្សុកទាំងនោះបាន ហើយអ្នកអាចធ្វើវាជាប្រចាំថ្ងៃបានផងដែរ។

១. បង្កើត Blog ដើម្បីសរសេរកំណត់ហេតុប្រចាំថ្ងៃ
បង្កើត Blog ហើយរៀបរាប់ពីជិវិតប្រចាំថ្ងៃរបស់អ្នក ជួនកាលអ្នកក៏អាចចែករំលែកវាទៅកាន់មិត្តភក្តិ ឬមិត្តភក្តិលើបណ្ដាញសង្គមបានដែរ។ ការចំណាយពេលវេលាសរសេរវា ក៏អាចក្លាយជាការចងចាំដ៏ល្អមួយផងដែរ។

២. អានសៀវភៅថ្មីៗ
រៀបចំពេលវេលាសមស្របសម្រាប់ចំណាយពេលក្នុងការអានសៀវភៅ។ ការបែងចែកពេលវេលាច្បាស់លាស់ក្នុងការអានសៀវភៅ វាក៏ជារឿងដ៏ល្អ ដែលផ្ដល់ចំណេះដឹង និងកាត់បន្ថយការស្ត្រេសពី ការនៅផ្ទះពេញមួយថ្ងៃដូចគ្នា។

៣. សរសេរកំណាព្យ ឬរឿងខ្លីៗដើម្បីចែករំលែកលើបណ្ដាញសង្គម
នៅពេលនឹកឃើញដល់ពាក្យ ឬសាច់រឿងអ្វីមួយ អ្នកអាចចាប់ផ្ដើមប៊ិច ឬកុំព្យូទ័ររបស់អ្នក ហើយសរសេរកត់ត្រាវា រួចបើអ្នកគិតថាវាល្អ អ្នកក៏អាចចែករំលែកទៅកាន់មិត្តភក្តិរបស់អ្នក ហើយអ្នកនឹងកាន់តែអាចរក្សាទំនាក់ទំនង បានយ៉ាងល្អប្រសើរជាមួយពួកគេផងដែរ។

៤. ធ្វើលំហាត់ប្រាណ
ការធ្វើលំហាត់ប្រាណ វាជួយឱ្យសុខភាពរឹងមាំ និងកាត់បន្ថស្ត្រេសផងដែរ។ នៅពេលដែលអ្នកចំណាយពេលយ៉ាងហោច មួយម៉ោង ឬពីរម៉ោងក្នុងមួយថ្ងៃក្នុងការធ្វើលំហាត់ប្រាណ នោះសុខភាពអ្នកនឹងល្អប្រសើរ ហើយអ្នកនឹងមានរូបរាងកាន់តែស្អាត។

៥. ធ្វើសមាធិដើម្បីឱ្យចិត្តស្ងប់
យើងអាចជ្រើសពេលវេលាណាមួយដ៏សមស្រប​ដូចជាពេលយប់មុននឹងគេង ធ្វើសមាធិ ដើម្បីឱ្យចិត្តបានស្ងប់។ ធ្វើដូចនេះ វាក៏ធ្វើឱ្យយើងឆាប់គេងលក់ស្រួល និងមានសុខភាពល្អប្រសើរដែរ។

៦. សិក្សាជំនាញថ្មីលើ Online
ស្វែងរកជំនាញថ្មីៗ នៅលើ Online ហើយអនុវត្តិវា នោះយើងនឹងបានកាត់បន្ថយពេលវេលាខ្លះ ពីការស្មុគ្រស្មាញ និងធុញថប់ក្នុងការនៅផ្ទះផងដែរ។

៧. មើលកុន និងរឿងពេញនិយមជាមួយគ្រួសារ
ការចំណាយពេលវេលាជាមួយក្រុមគ្រួសារ ពេលល្ងាចក្រោយពេលបាយ មើលកុនជុំគ្នា និងរឿងល្អមើល នោះនឹងកាន់តែបង្កើនភាពសប្បាយរីករាយក្នុងក្រុមគ្រួសារផងដែរ។

៨. ជជែកជាមួយមិត្តជិតស្និទ្ធ តាមរយៈ Video Call
មិនបានជួបគ្នារឿងអីថាមិនបាននិយាយគ្នាណ៎។ សម័យបច្ចេកវិទ្យាហើយ កុំថាឡើយនិយាយគ្នា សម័យនេះវីដេអូខលជាមួយគ្នា និងជជែកគ្នាជាក្រុម ក៏កាន់តែធ្វើឱ្យយើងបាត់អផ្សុកផងដែរ។

៩. លេងជាមួយសត្វចិញ្ចឹម
ចំណាយពេលឱ្យចំណីសត្វ និងលេងប្រលែងជាមួយសត្វចិញ្ចឹម ដូចជាឆ្កែ ឆ្មា ជាដើម ក៏ជាក្ដីសុខមួយ ដែលធ្វើឱ្យយើង ភ្លេចអស់នូវរឿងអផ្សុកទាំងឡាយផងដែរ។

១០. ថែរក្សាសម្រស់
នៅផ្ទះ ត្រូវតែស្អាត មិនមែនទាល់តែទៅក្រៅនោះទេមែនទេ? ធម្មតាទោះជាយើងនៅផ្ទះ ក៏ពេលខ្លះយើងត្រូវការបង្ហោះរូបភាពតាមបណ្ដាញសង្គម ហើយពេលខ្លះក៏មានវីដេអូខល ខ្លះៗដែរ ដូច្នេះយើងត្រូវតែស្អាតជានិច្ច។ ការថែរក្សាសម្រស់បន្ថែម នៅក្នុងផ្ទះ ក៏ជារឿងដែលធ្វើឱ្យសម្រស់យើងកាន់តែស្រស់ស្អាតផងដែរ។

១១. សម្អាត​ រៀបចំ និងតុបតែងផ្ទះ
តុបតែងផ្ទះ សម្អាត និងរៀបចំផ្ទះ ក៏ជារឿងល្អមួយ ដែលធ្វើឱ្យយើងបាត់ភាពអផ្សុកផងដែរ។ ខណៈដែលយើងមិនមានអ្វីធ្វើពេញមួយថ្ងៃ ដូច្នេះសម្អាតផ្ទះយើងឱ្យស្អាត តុបតែងកន្លែងគេង និងធ្វើការឱ្យបានល្អនោះ អ្នកនឹងមានអារម្មណ៍ល្អជាងមុនជាក់ជាមិនខាន៕

ប្រភព៖ www.kalib9.com

ពីនេះពីនោះ1 month ago

ពិតជាខ្លាំងមែន ! ប្រទេសរុស្ស៉ីបានផលិតវ៉ាក់សាំងប្រឆាំងជំងឺ កូវីដ-១៩ ជើងដំបូងរួចរាល់ហើយ នឹងត្រូវដាក់ឱ្យប្រើប្រាស់នៅចុងខែនេះ

ពីនេះពីនោះ1 month ago

អបអរសាទរ ! ស្ត្រីជាទាហានមួកខៀវនៅសង្កាត់សិត្បូ ក្រុងតាខ្មៅ នៅថ្ងៃនេះបានជាសះស្បើយហើយ

ពីនេះពីនោះ1 month ago

ព្រាប សុវត្ថិ បញ្ជាក់ច្បាស់ៗថា ៖ «បើខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង»

ពីនេះពីនោះ1 month ago

ធ្វើឲ្យហ្វេនជាច្រើននាំគ្នាភ្ញាក់ផ្អើលមិនស្ទើរ ពេលឃើញ មាស សាលី បង្ហាញរូបកូន និងគូស្នេហ៍

ពីនេះពីនោះ1 month ago

គូស្នេហ៍មួយចំនួនអាចនឹងចុកឈាមពេលលឺ ពេជ្រ សោភា បកស្រាយចំៗ រឿងមិននៅផ្ទះជាមួយសង្សារ ដូចគូស្នេហ៍ដទៃ (មានវីដេអូ)

Trending

Copyright © 2019 ANARCHAK