ជប៉ុន​រក​ឃើញ​ថ្នាំ​ព្យាបាល​វីរុស​កូរ៉ូណា​ថ្មី ខណៈ​ចិន​ប្រកាស​ដាក់​ឱ្យ​ដំណើរការ​សាកល្បង​វ៉ាក់សាំង​បង្ការ​
Connect with us

ថ្មីៗ

ជប៉ុន​រក​ឃើញ​ថ្នាំ​ព្យាបាល​វីរុស​កូរ៉ូណា​ថ្មី ខណៈ​ចិន​ប្រកាស​ដាក់​ឱ្យ​ដំណើរការ​សាកល្បង​វ៉ាក់សាំង​បង្ការ​

ជប៉ុនរកឃើញថ្នាំប្រឆាំងមេរោគកូរ៉ូណាថ្មី ឬកូវីដ-១៩ ហើយគ្រោងផ្សព្វផ្សាយពីការប្រើប្រាស់របស់វា ខណៈចិនរកឃើញវ៉ាក់សាំ​ងបង្ការមេរោគឆ្លងនេះ។

តាមសារព័ត៌មាន NHK របស់ជប៉ុនបានឱ្យដឹងនៅថ្ងៃនេះថា ថ្នាំប្រឆាំងមេរោគកូវីដ-១៩ ឈ្មោះ Avigan អភិវឌ្ឍដោយក្រុមហ៊ុ​ន​ជ​ប៉ុន Fujifilm Holdings ត្រូវបានទទួលស្គាល់អំពីប្រសិទ្ធភាពរបស់វាដោយមជ្ឈមណ្ឌលជាតិចិន បន្ទាប់ពីប្រើសា​កលើអ្នកជំងឺនៅក្រុងវូហាន និងស៊ិនជិន។

តាមប្រភពដដែល ប្រធានមជ្ឈមណ្ឌលជាតិចិនសម្រាប់ការអភិវឌ្ឍជីវបច្ចេកវិទ្យា លោក Zhang Xinmin លើកឡើងក្នុងសន្និ​សី​​ទសារព័ត៌មាននៅទីក្រុងប៉េកាំង កាលពីថ្ងៃម្សិលមិញថា ថ្នាំនេះបានប្រើសាកល្បងដោយជោគជ័យក្នុងការព្យាបាលអ្នកជំងឺកូវីដ-១៩ នៅក្រុងវូហាន ២៤០នាក់ និងនៅក្រុងសិនជិន ៨០នាក់។

លោកបញ្ជាក់ថា អ្នកជំងឺបានជាសះស្បើយរកលែងឃើញមេរោគក្នុងខ្លួន ក្រោយប្រើថ្នាំនេះជាម​ធ្យ​ម​ ៤ថ្ងៃ ខណៈអ្នកដែលមិនប្រើ ត្រូវការពេ​លមធ្យម ១១ថ្ងៃ ហើយពួកគេ ៩១ភាគរយមានលក្ខខណ្ឌសួតល្អប្រសើរឡើងវិញ ខណៈតួលេខនេះមានតែ ៦២ភាគរយសម្រាប់អ្នកមិនប្រើ។

លោក Xinmin បន្ថែមថា ថ្នាំនេះក៏មានសុវត្ថិភាពក្នុងការប្រើប្រាស់ផងដែរ និងត្រូវបានណែនាំជាផ្លូវការឱ្យប្រើដើម្បីព្យាបាលអ្ន​កជំងឺកូវីដ​-១៩ ហើយត្រូវបានរដ្ឋាភិបាលអនុញ្ញាតឱ្យក្រុមហ៊ុនចិនដែលទទួលបានអាជ្ញាបណ្ណពីក្រុមហ៊ុនជប៉ុន អាចផលិតក្នុងទ្រង់ទ្រាយធំបាន។

ទន្ទឹមនឹងគ្នានេះ ចិនបានប្រកាសដាក់ឱ្យដំណើរការសាកល្បងវ៉ាក់សាំងបង្ការមេរោគកូវីដ-១៩ដំបូងរបស់ខ្លួន ដែលអ​ភិវឌ្ឍដោយក្រុមឯកទេសជីវសង្គ្រាម នៃវិទ្យាស្ថានវិទ្យាសាស្រ្តយោធាប្រទេសចិន និងក្រុមអ្នកវិទ្យាសាស្រ្តដែលដឹកនាំដោយលោកស្រី Chen Wei។

តាមការចុះផ្សាយរបស់សារព័ត៌មាន Daily Mail បានឱ្យដឹងថា វ៉ាក់សាំងនេះ ត្រូវបានប្រកាសចាប់ផ្តើមប្រើប្រាស់សាកល្បងនៅយប់ថ្ងៃម្សិ​លមិញ​ ក្នុងសន្និសីទកាសែតមួយនាទីក្រុងប៉េកាំង និងបន្ទាប់ពីទទួលបានការអនុញ្ញាតពីរដ្ឋាភិបាល ហើយកំពុងត្រៀមបញ្ជូនចូលក្នុងស​​ង្វា​ក់​ផលិតកម្មទ្រង់ទ្រាយធំ។

យោងតាមប្រភពដដែល លោកស្រី Chen Wei ដែលគេស្គាល់ថា ជាអ្នកបញ្ចប់ជីវិតមេរោគអេបូឡា ថ្លែងប្រាប់ទូរទស្សន៍រដ្ឋចិន CCTV អំ​ឡុ​ងសន្និសីទថា វ៉ាក់សាំងដំបូងនេះ នឹងក្លាយជាអាវុធវិទ្យាសាស្រ្តខ្លាំងក្លា​បំផុតរបស់ប្រទេសចិន សម្រាប់បញ្ចប់ជីវិតមេរោគរាតត្បាតកូរ៉ូណា​ថ្មី។

គិតត្រឹមរសៀលថ្ងៃពុធនេះ មេរោគកូវីដ-១៩ បានស្លាប់មនុស្សអស់ជិត ៨ពាន់នាក់ និងអ្នកជំងឺជាង ៨ម៉ឺន២ពាន់នាក់បានជាសះស្បើយ ក្នុងចំ​ណោមអ្នកឆ្លងជិត ២សែននាក់។ ក្នុងនោះ ​ករណីឆ្លង និងស្លាប់ជាង ៤០ភាគរយ កើតឡើងនៅប្រទេសចិនដីគោកដែលជាប្រភពមេរោគ។

តាមប្រភពពីសារព័ត៌មាន The Guardian ចុះផ្សាយនៅថ្ងៃម្សិលមិញ បានឱ្យដឹងថា រហូតមកទល់ពេលនេះមិនទាន់មានថ្នាំព្យាបាលជាក់លា​ក់ណាមួយត្រូវបានប្រើដើម្បីព្យាបាលអ្នកជំងឺកូវីដ-១៩នោះទេ។ អ្នកជំងឺជាសះស្បើយភាគច្រើន ដោយសារប្រព័ន្ធការពារក្នុ​ងខ្លួនពួកគេរឹងមាំ។

ប្រភពដដែលឱ្យដឹងបន្ថែមថា អ្នកដែលលេចអាការក្អក ឬឡើងកម្តៅក្នុងខ្លួនខ្លាំង និងទើបមកពីក្រៅប្រទេស ឬប៉ះផ្ទាល់ជាមួយអ្នកមានបញ្ហាសួ​ត​ គួរកុំចា​កចេញពីផ្ទះ ហើយនៅឱ្យឆ្ងាយពីអ្នកដទៃរយៈពេល១៤ថ្ងៃ។ បើអាការប្រែប្រួលកាន់តែអាក្រក់ក្នុងរយៈពេល៧ថ្ងៃ ត្រូវប្រ​ញា​​ប់ទាក់ទងទៅមន្រ្តីសុខាភិបាលទទួលបន្ទុកជំងឺកូវីដ-១៩ជាបន្ទាន់៕

ប្រភព៖ vodkhmer.news  

មតិយោបល់

ថ្មីៗ2 hours ago

កោតសរសើរនូវទឹកចិត្ត! Bill Bates សុខចិត្តចំណាយរាប់ពាន់លានដុល្លារ ពន្លឿនការធ្វើតេស្តវ៉ាក់សាំងប្រឆាំង COVID-19 ៧ កន្លែងក្នុងពេលតែ១

គួរដឹង2 hours ago

ប្រយ័ត្ន! វីរុសកូរ៉ូណា អាចលាក់ខ្លួននៅលើទូរសព្ទដៃបានរយៈពេល ៩ ថ្ងៃ ប្រសិនបើអ្នកមិនសម្អាតវាចេញ

គួរដឹង3 hours ago

 “អានសៀវភៅច្រើន វានឹងបង្រៀនយើងឱ្យចេះមើលនូវអ្វីដែលសៀវភៅមិនមានសរសេរឱ្យដឹង ឬអ្នកប្រវត្តិសាស្រ្តខ្លះមិនបានរៀបរាប់ឱ្យចេះដឹង”

ពីនេះពីនោះ6 hours ago

សម្ដេចតេជោ ហ៊ុន សែន បង្កើនប្រាក់ឧបត្ថម្ភគ្រូពេទ្យនៅជួរមុខ កំពុងប្រយុទ្ធប្រឆាំង COVID-19

ពីនេះពីនោះ8 hours ago

អាសូរណាស់ ! ដោយសារតែ កូរ៉ូណា មិនអាចចេញទៅបិណ្ឌបាតចង្ហាន់បាន ព្រះសង្ឃក្នុងវត្តមួយនាំគ្នាចុះបេះកំប្លោកមកស្លម្ជូរត្រីឆ្អើរ

ថ្មីៗ3 weeks ago

ជា្របជាដំណឹង!!! ចាប់ពីថ្ងៃស្អែកនេះទៅ អ្នកភ្នំពេញនៅតាមតំបន់ទាំងនេះនឹងដាច់ភ្លើង ៣ ថ្ងៃជាប់គ្នា

គួរដឹង4 weeks ago

ត្រូវដឹង! វេជ្ជបណ្ឌិត គួច ម៉េងលី ប្រាប់​​ថ្នាំ​​​បំបាត់​ឈឺ​ក្បាល​ដោយ​​គ្មាន​​មូល​​ហេតុ​ ដែលអ្នក​គួរយល់​​ដឹង

ថ្មីៗ3 weeks ago

អរគុណណាស់!! មេ Facebook និងមេ Microsoft ផ្តល់បច្ចេកវិទ្យាពិសេសដល់កម្ពុជា សំរាប់ពិនិត្យរកអ្នកសង្ស័យផ្ទុកវីរុសកូរ៉ូណា

ពីនេះពីនោះ3 weeks ago

ក្រសួងពាក់ព័ន្ធ ជួយមើលផង!ក្មេងស្រីម្នាក់ថាសង្សានាងកើត ជំងឺកូរ៉ូណាស្លាប់ហើយ នៅកំពង់សោម (មានវីដេអូ)

ពីនេះពីនោះ2 weeks ago

សម្តេចតេជោ ចេញបញ្ជាហាមមិនឲ្យប្រជាជនវៀតណាមចូលមកកម្ពុជា ចាប់ពីថ្ងៃទី ២០ ខែមីនានេះតទៅ ខណៈវៀតណាម​បិទព្រំដែនជាមួយកម្ពុជាជាឯកតោភាគី

Trending

Copyright © 2019 ANARCHAK