អភិបាលខេត្តសៀមរាប៖ ហៅទូរសព្ទមកកាន់លោក បើមានកន្លែងណាដំឡើងថ្លៃម៉ាស់ អាល់កុល និង ទំនិញផ្សេងៗ!!!
Connect with us

ថ្មីៗ

អភិបាលខេត្តសៀមរាប៖ ហៅទូរសព្ទមកកាន់លោក បើមានកន្លែងណាដំឡើងថ្លៃម៉ាស់ អាល់កុល និង ទំនិញផ្សេងៗ!!!

ភ្នំពេញ៖ ក្រោយពីខេត្តសៀមរាបមានអ្នកផ្ទុកកូវីដ-១៩ ទៅលើជនជាតិខ្មែរវ័យ៣៨ឆ្នាំ កាលពីថ្ងៃទី៧ ខែមីនា មក ពលរដ្ឋដែលរស់នៅខេត្តសៀមរាបមានការប្រុងប្រយ័ត្ន និងការពារ ទប់ស្កាត់កូវីដ-១៩ យ៉ាងយកចិត្តទុកដាក់។ ភាពប្រុងប្រយ័ត្ន និងការការពាររបស់ពលរដ្ឋនៅខេត្តសៀមរាបបានជំរុញឲ្យអាជីវករលក់ម៉ាស់ ទឹកអាកុល និងសម្ភារផេ្សងៗកេងចំណេញ និងដំឡើងថ្លៃ។ លោក ទៀ សីហា អភិបាលខេត្តសៀមរាប បានប្រាប់ឲ្យពលរដ្ឋណាដែលជួបអាជីវករលក់ទំនិញឡើងថ្លៃ ត្រូវរាយការណ៍មកលោកផ្ទាល់ ឬទាក់ទងទៅលេខរដ្ឋបាលខេត្ត ដើម្បីចាត់វិធានការតាមច្បាប់។

លោក ទៀ សីហា ប្រាប់សារព័ត៌មានថ្មីៗតាមទូរសព្ទថា ពលរដ្ឋនៅខេត្តសៀមរាប មានការយកចិត្តទុកដាក់លើការការពារ និងទប់ស្កាត់ជំងឺកូវីដ-១៩ បានយ៉ាងល្អប្រសើរហើយ តាមការណែនាំពីរដ្ឋបាលខេត្ត និងក្រសួងសុខាភិបាល។ លោក ថ្លែងថា៖«យើងបានផ្សព្វផ្សាយច្រើនហើយ ហើយប្រជាជនបានជ្រាបដឹងជាងមុន អ៊ីចឹងនៅតាមផ្ទះ ហាង រមណីយដ្ឋាន មួយចំនួន បានត្រៀមទឹកអាកុលលាងដៃសម្រាប់បង្ការ និងទប់ស្កាត់បានល្អហើយ»។

ក្រោយពីបានណែនាំពីវិធីការពារ និងទប់ស្កាត់ជំងឺកូវីដ-១៩ រដ្ឋបាលខេត្តសៀមរាបបានចេញសេចក្តីជូនដំណឹង ដល់ឱសថស្ថាន អាជីវករ និងម្ចាស់ហាងទំនិញផ្សេងៗ ដែលលក់ម៉ាស់ អាល់កុលលាងដៃ និងសម្ភារផ្សេងៗ កុំឲ្យដំឡើងថ្លៃហួសហេតុ ស្រេចតែអំពើចិត្តពេក។ លោក ទៀ សីហា បានបញ្ជាក់ថា ក្នុងករណីជួបអាជីវករណាឡើងថ្លៃ ប្រជាពលរដ្ឋអាចរាយការណ៍ទៅលោកផ្ទាល់ តាមលេខទូរសព្ទ ០៧៧ ៥៥២ ៣៥៦ និងតាមគណនីហ្វេសប៊ុករបស់លោក និងតាមលេខទូរសព្ទចំនួន៤ខ្សែរបស់រដ្ឋបាលខេត្ត គឺ០១៧ ២៧៣ ៣៣៣/០១២៥៩៨ ៦៧២/០៧៨ ៨០០ ៩៨៨ និង ០៩២ ២០៨ ៥៥៨។

បើតាមលោក ទៀ សីហា តាំងពីចេញសេចក្តីណែនាំ អំពីចំណាត់ការទៅលើអាជីវករលក់ទំនិញឡើងថ្លៃមក អាជ្ញាធរបានរកឃើញ និងបានណែទៅអាជីវករមួយចំនួនហើយ ដែលបានដំឡើងថ្លៃទំនិញ។ លោក និយាយថា៖«យើងឃើញកន្លែងមួយចំនួនហើយ ដើម្បីឲ្យមានភស្តុតាងគ្រប់គ្រាន់ ក្នុងការអនុវត្ត នីតិវិធីរដ្ឋបាល យើងត្រូវមានការចូលរួមពីប្រជាពលរដ្ឋ។ ជាពិសេសអតិថិជនដែលទៅជាវម៉ាស់នៅកន្លែងគាត់ហ្នឹង។ យើងបានណែនាំពួកគាត់ជាលើកទី២ហើយ បើមានអតិថិជនប្តឹងពីអាជីកម្មពួកគាត់ទៀត យើងនឹងចាត់វិធានការតាមច្បាប់ ដោយឈានដល់ការបិទអាជីវកម្មគាត់ផ្ទាល់តែម្តង»៕

ប្រភព៖ thmeythmey

ពីនេះពីនោះ1 month ago

ពិតជាខ្លាំងមែន ! ប្រទេសរុស្ស៉ីបានផលិតវ៉ាក់សាំងប្រឆាំងជំងឺ កូវីដ-១៩ ជើងដំបូងរួចរាល់ហើយ នឹងត្រូវដាក់ឱ្យប្រើប្រាស់នៅចុងខែនេះ

ពីនេះពីនោះ1 month ago

អបអរសាទរ ! ស្ត្រីជាទាហានមួកខៀវនៅសង្កាត់សិត្បូ ក្រុងតាខ្មៅ នៅថ្ងៃនេះបានជាសះស្បើយហើយ

ពីនេះពីនោះ1 month ago

ព្រាប សុវត្ថិ បញ្ជាក់ច្បាស់ៗថា ៖ «បើខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង»

ពីនេះពីនោះ1 month ago

ធ្វើឲ្យហ្វេនជាច្រើននាំគ្នាភ្ញាក់ផ្អើលមិនស្ទើរ ពេលឃើញ មាស សាលី បង្ហាញរូបកូន និងគូស្នេហ៍

ពីនេះពីនោះ1 month ago

គូស្នេហ៍មួយចំនួនអាចនឹងចុកឈាមពេលលឺ ពេជ្រ សោភា បកស្រាយចំៗ រឿងមិននៅផ្ទះជាមួយសង្សារ ដូចគូស្នេហ៍ដទៃ (មានវីដេអូ)

Trending

Copyright © 2019 ANARCHAK