“ការកសាងភាពស្មោះត្រង់ មិនប្រសើរដូចការកសាងសុចរិតភាពនៅខាងក្នុងខ្លួនឡើយ”
Connect with us

បែបផែនជីវិត

“ការកសាងភាពស្មោះត្រង់ មិនប្រសើរដូចការកសាងសុចរិតភាពនៅខាងក្នុងខ្លួនឡើយ”

#ស្មោះត្រង់តែមិនសុចរិត

១. ក្នុងពេលកំពុងចុះធ្វើកម្មសិក្សាគរុកោសល្យ មានក្មេងម្នាក់បានប្រាប់ខ្ញុំថា គេនឹងរើសយកកាបូបលុយពីជនណាម្នាក់ដែលបានជ្រុះ ហើយយកលុយនៅក្នុងកាបូបនោះទៅចាយ ដោយមិនបាច់ជូនត្រឡប់ទៅម្ចាស់ដើមវិញឡើយ ។ ក្មេងដែលនិយាយប្រាប់ខ្ញុំនោះ មានភាពក្លាហាន និងស្មោះត្រង់ល្អណាស់ ប៉ុន្តែ គួរឱ្យស្តាយ គេមិនមែនជាមនុស្សសុចរិតនោះទេ ។ គេហ៊ានប្រាប់ខ្ញុំគ្រប់យ៉ាងពីអ្វីដែលគេបានគិត វាជាភាពស្មោះត្រង់១ តែភាពស្មោះត្រង់នៅទីនេះ ពុំបានជួយលើកគុណតម្លៃឱ្យគេឡើយ ពីព្រោះចិត្តរបស់គេបានបង្កប់នូវគំនិតទុច្ចរិត ។ ត្រង់នេះឯង គឺជាភាពខុសគ្នារវាងស្មោះត្រង់ និងសុចរិត ។

២. ឧប្បត្តិហេតុ ដែលកើតចេញពីការប្រតិដ្ឋរបស់ខ្ញុំខាងលើនេះ គឺជាការបង្ហាញឱ្យឃើញថា ការកសាងភាពស្មោះត្រង់ មិនប្រសើរដូចការកសាងសុចរិតភាពនៅខាងក្នុងខ្លួនឡើយ ។ ប្រសិនបើយកភាពស្មោះទៅភ្ជាប់នឹងគំនិតទុច្ចរិត វានឹងក្លាយទៅជារឿងគ្មានប្រយោជន៍នោះទេ ។ ប៉ុន្តែ វានឹងប្រែទៅជាល្អប្រសើរបំផុត ប្រសិនបើមានភាពសុចរិតផង និងមានភាពស្មោះត្រង់ផង ។ ពេលខ្លះ ពុំចាំបាច់នៅសង្ស័យអំពីភាពស្មោះត្រង់ ឬមិនស្មោះត្រង់របស់នរណាម្នាក់ច្រើនពេកទេ ចូរពិនិត្យមើលទៅលើចេតនារបស់គេវិញទើបប្រសើរជាង ។

៣. ប្រសិនបើចង់ស្វែងរកមនុស្សស្មោះត្រង់ អាចនឹងមិនមានច្រើនទេ ពីព្រោះសូម្បីតែម្តាយរបស់យើង គាត់ក៏ជាមនុស្សនិយាយកុហកដែរ ។ ប៉ុន្តែ ការកុហករបស់គាត់ មានបង្កប់នូវចេតនាមួយ ពោលគឺចង់ឱ្យយើងក្លាយទៅជាមនុស្សល្អ ឬចង់ឃើញយើងបានសុខជាដើម ។ ពេលខ្លះមនុស្សដែលស្រឡាញ់យើង គេប្រហែលជាពុំបាននិយាយការពិតទាំងស្រុងប្រាប់យើងនោះទេ តែបើយើងថ្លឹងថ្លែងរវាងពាក្យសម្តី និងសកម្មភាពរបស់គេ យើងនឹងបានឃើញនូវចេតនាមួយ ដែលជាគុណប្រយោជន៍សម្រាប់យើងមិនខានឡើយ ។

៤. អ្វីដែលសង្គមត្រូវការខ្លាំងបំផុត គឺភាពសុចរិត ពុំមែនគ្រាន់តែស្មោះត្រង់មួយមុខនោះទេ ។ អ្នកប្រហែលជាធ្លាប់បានឮមនុស្សមួយចំនួននិយាយអំពីសកម្មភាពពុករលួយរបស់គេ ។ អ្នកខ្លះសូកប៉ាន់ អ្នកខ្លះកេងប្រវ័ញ្ច អ្នកខ្លះចេះភូតកុហក បោកប្រាស់ ចេះត្បកអង្អែលក្បាលអ្នកធំ អ្នកតូច អ្នកខ្លះចេះគំរាមកំហែង អ្នកចេះសូកលុយទិញសញ្ញាប័ត្រ បន្លំយកខុសជាត្រូវ ល្អជាអាក្រក់…ជាដើម ។ នេះក៏ព្រោះតែគេ ជាមនុស្សស្មោះត្រង់ ទើបគេហ៊ាននិយាយរឿងនេះប្រាប់យើង ប៉ុន្តែ សាកពិនិត្យឡើងវិញម្តងទៀតទៅមើល៍ តើភាពស្មោះត្រង់ទាំងនោះមានប្រយោជន៍ទេ? ដូច្នេះ ការអប់រំគួរបង្រៀនឱ្យមនុស្សប្រកាន់យកនូវភាពសុចរិត ទើបគេអាចបង្កើតនូវភាពស្មោះត្រង់ ដែលមានគុណតម្លៃ និងផ្តល់ជាគុណប្រយោជន៍ជូនសង្គមជាតិ ។

ប្រភពអត្ថបទ៖ ហ្វេសប៊ុក (Ratha Mom)

មតិយោបល់

ថ្មីៗ2 weeks ago

ជា្របជាដំណឹង!!! ចាប់ពីថ្ងៃស្អែកនេះទៅ អ្នកភ្នំពេញនៅតាមតំបន់ទាំងនេះនឹងដាច់ភ្លើង ៣ ថ្ងៃជាប់គ្នា

គួរដឹង3 weeks ago

ត្រូវដឹង! វេជ្ជបណ្ឌិត គួច ម៉េងលី ប្រាប់​​ថ្នាំ​​​បំបាត់​ឈឺ​ក្បាល​ដោយ​​គ្មាន​​មូល​​ហេតុ​ ដែលអ្នក​គួរយល់​​ដឹង

ថ្មីៗ2 weeks ago

អរគុណណាស់!! មេ Facebook និងមេ Microsoft ផ្តល់បច្ចេកវិទ្យាពិសេសដល់កម្ពុជា សំរាប់ពិនិត្យរកអ្នកសង្ស័យផ្ទុកវីរុសកូរ៉ូណា

ពីនេះពីនោះ2 weeks ago

ក្រសួងពាក់ព័ន្ធ ជួយមើលផង!ក្មេងស្រីម្នាក់ថាសង្សានាងកើត ជំងឺកូរ៉ូណាស្លាប់ហើយ នៅកំពង់សោម (មានវីដេអូ)

ពីនេះពីនោះ1 week ago

សម្តេចតេជោ ចេញបញ្ជាហាមមិនឲ្យប្រជាជនវៀតណាមចូលមកកម្ពុជា ចាប់ពីថ្ងៃទី ២០ ខែមីនានេះតទៅ ខណៈវៀតណាម​បិទព្រំដែនជាមួយកម្ពុជាជាឯកតោភាគី

Trending

Copyright © 2019 ANARCHAK