ក្រោយ Corona ផ្ទុះកាន់តែ​ខ្លាំង! ​នៅ​កូរ៉េ​ខាង​ត្បូងអាជ្ញាធរ សម្រេចមិនឲ្យពលរដ្ឋ​ជាង ​២ លាននាក់​ចេញ​ក្រៅ​
Connect with us

ថ្មីៗ

ក្រោយ Corona ផ្ទុះកាន់តែ​ខ្លាំង! ​នៅ​កូរ៉េ​ខាង​ត្បូងអាជ្ញាធរ សម្រេចមិនឲ្យពលរដ្ឋ​ជាង ​២ លាននាក់​ចេញ​ក្រៅ​

ត្រឹម​រយៈ​ពេល​តែ​២៤​ម៉ោង​ប៉ុណ្ណោះ ​កូរ៉េ​ខាង​ត្បូង​បាន​រក​ឃើញ​អ្នក​ឆ្លង​មេរោគ Corona ​ទ្វេ​ដង រហូត​ដល់​បច្ចុប្បន្ន​នេះ​មាន​អ្នក​ផ្ទុក​​មេរោគ​ចំនួន ១៥៦​នាក់​ទៅ​ហើយ ​និង​មាន​ម្នាក់​បាន​ស្លាប់​។

​ការ​ផ្ទុះ​អ្នក​ឆ្លង​ច្រើន​នាក់​នេះ ​កើត​ឡើង​ក្រោយ​ពី​ស្ត្រី​ម្នាក់​មាន​មេរោគ Corona ​ហើយ​ចូល​ទៅ​វិហារ​មួយ​កន្លែង​ក្នុង​ក្រុងDaegu ​បណ្ដាល​ឱ្យ​ក្នុង​ក្រុង​នេះ ​មាន​អ្នក​ឆ្លង​យ៉ាង​ច្រើន​បែប​នេះ​។ ​បច្ចុប្បន្ន​ក្រុម​គ្រូ​ពេទ្យ​ជំនាញ ​និង​ក្រុម​ការងារ​ជំងឺ​ឆ្លង​ជា​ច្រើន​នាក់​របស់​កូរ៉េ​ខាង​ត្បូង​កំពុង​ចាប់​ផ្ដើម​វិធានការ​នានា ទប់​ទល់​នឹង​មេរោគ​ឆ្លង​នេះ។

​អាជ្ញាធរ​ក្នុង​ក្រុង Daegu ​បាន​ប្រាប់​ពលរដ្ឋ​របស់​ខ្លួន​ជាង​២លាន​នាក់​កុំ​ឱ្យ​ដើរ​ទៅ​ក្រៅ ប្រសិន​បើ​មិន​មាន​ភារកិច្ច​សំខាន់។ ​ពួកគេ​តម្រូវ​ឱ្យ​ស្ថិត​ក្នុង​ផ្ទះ ​ហើយ​ប្រសិន​បើ​អាច​នៅ​ក្នុង​ផ្ទះ​ហើយ អាច​ពាក់​ម៉ាស់​បាន​ទៀត​ក៏​រឹទ្ធ​តែ​ល្អ៕

ផ្តល់សិទ្ធិដោយ៖ Angkor post

Trending

Copyright © 2019 ANARCHAK