ចែកគ្នាដឹង! វិធីការពារមេរោគក្នុងក្រពះ
Connect with us

គួរដឹង

ចែកគ្នាដឹង! វិធីការពារមេរោគក្នុងក្រពះ

មនុស្សភាគច្រើនតែងតែយល់ច្រលំអំពីការឈឺក្រពះធម្មតា និងជំងឺមេរោគក្នុងក្រពះ។ ពេលខ្លះអ្នកមានមេរោគក្នុងក្រពះ តែអ្នកបែរជាគិតថាគ្រាន់តែជាជំងឺក្រពះ ដោយសារមិនទទួលទានអាហារមិនទៀងពេលទៅវិញ។ ដោយការកើតមេរោគក្នុងក្រពះ អ្នកមិនអាចលេបថ្នាំក្រពះធម្មតាជាសះស្បើយបានឡើយ ហើយអាការៈនេះនឹងនៅតែបន្តការឈឺចុកចាប់រហូតខ្លាំងឡើងៗ ប្រសិនជាគ្មានការព្យាបាលឱ្យបានត្រឹមត្រូវនោះទេ ហើយអាចប្រឈមមុខនឹងហានិភ័យនៃជំងឺធ្លាយដំបៅក្រពះ ពោះវៀន និងជំងឺមហារីកបានថែមទៀតផង។

មេរោគក្នុងក្រពះដែលភាសាបច្ចេកទេសពេទ្យមានឈ្មោះថា H. Pylori (Helicobacter pylori) នោះគឺជាអ្វី? មូលហេតុអ្វីដែលបណ្តាលឱ្យអ្នកកើតមានជំងឺមួយនេះ? តើមានរោគសញ្ញាចម្បងអ្វីខ្លះ? 

១.មេរោគក្នុងក្រពះ H.Pylori ជាអ្វី?

មេរោគក្រពះជាមេរោគដែលរស់នៅជាមួយមនុស្សយើងរាប់ពាន់ឆ្នាំមកហើយ ដោយមេរោគនេះមាននៅគ្រប់ទិសទី ហើយធ្វើការចម្លងពីមនុស្សម្នាក់ទៅមនុស្សម្នាក់ទៀត តាមរយៈទឹកមាត់ ការទទួលទានចំណីអាហាររួមគ្នា ជាពិសេសអាចឆ្លងតាមរយៈលាមកបានផងដែរ។ ដោយភាគច្រើននៃការឆ្លងជំងឺ បណ្តាលមកពីមិនបានរក្សាអនាម័យខ្លួនប្រាណ និងទទួលទានអាហារមិនស្អាតដូចជា៖

-មិនបានធ្វើការលាងសម្អាតដៃមុនចាប់កាន់ចំណីអាហារ

-ប៉ះពាល់តាមរយៈការប្រើសំភារៈបង្គន់ដែលមានមេរោគ និងមិនបានសម្អាតដៃនឹងសាប៊ូឱ្យបានត្រឹមត្រូវ

-ទទួលទានចំណីអាហារកខ្វក់ដែលជាប់មេរោគ

-ផឹកទឹកមិនស្អាត ឬទឹកដែលមិនបានដាំពុះក្នុងសីតុណ្ហភាពដែលមានសុវត្ថិភាព។

តាមរយៈចំនុចខាងលើអ្នកនឹងអាចឆ្លងមេរោគក្រពះបានយ៉ាងងាយ ដែលមេរោគនេះនឹងចូលទៅក្នុងរាងកាយរបស់អ្នក ជ្រាបចូលទៅក្នុងក្រពះហើយបង្កឱ្យអាស៊ីតក្នុងកោសិកាក្រពះអសកម្ម និងធ្វើឱ្យរលាកកោសិកាភ្នាសក្រពះ។ នៅពេលដែលអ្នកទុកអាការជំងឺនេះកាន់តែយូរទៅដោយមិនធ្វើការព្យាបាលនោះទេ វានឹងបណ្តាលឱ្យមានការវិវឌ្ឍន៍ទៅជាជំងឺដំបៅក្រពះ និងមហារីកក្រពះបានផងដែរ។

២.រោគសញ្ញានៃការកើតជំងឺមេរោគក្នុងក្រពះ

មានតែវេជ្ជបណ្ឌិតជំនាញតែប៉ុណ្ណោះ ដែលអាចបូមឈាមរបស់អ្នកហើយពិនិត្យរកឃើញថា អ្នកមានមេរោគក្នុងក្រពះឬក៏អត់ ព្រោះតែមេរោគក្នុងក្រពះមានរោគសញ្ញាមិនសូវច្បាស់លាស់ប៉ុន្មាននោះទេ ហើយរាងកាយរបស់មនុស្សមួយចំនួនថែមទាំងអាចអត់ធន់នឹងមេរោគនេះបានផងដែរ ដែលនេះជាហេតុធ្វើឱ្យអ្នកមានការភាន់ច្រលំពីមេរោគក្រពះ ជាជំងឺក្រពះធម្មតា។ប៉ុន្តែអ្នកក៏អាចសម្គាល់នៃរោគសញ្ញាមេរោគក្នុងក្រពះបានផងដែរ ប្រសិនជាអ្នកមានការសង្ស័យ មុននឹងពិគ្រោះជាមួយវេជ្ជបណ្ឌិត។ ដោយរោគសញ្ញាដែលអាចបញ្ជាក់ថាអ្នកមានមេរោគក្នុងក្រពះរួមមាន ឈឺចុកចាប់នៅក្នុងពោះ,ការឈឺចាប់នៅត្រង់បរិវេណពោះរឹតតែអាក្រក់ឡើង នៅពេលដែលអ្នកមិនទាន់បានទទួលទានអាហារចូលទៅក្នុងពោះ,មានអារម្មណ៍ថាចង់ក្អួតចង្អោរ ឬក្អួតចង្អោរតែម្តង(ពេលខ្លះក្អួតចេញឈាម),បាត់បង់ចំណង់អាហារ(មានអារម្មណ៍ថាមិនស្រួលក្នុងពោះ ឬក្រពះដោយមិនចង់ទទួលទានអ្វីទាំងអស់),មានអាការហើមពោះ,ចុក ឬឆ្អល់ចុងដង្ហើម(ក្នុងករណីខ្លះអាចឈឺត្រង់ឆ្អឹងជំនី),ឧស្សាហ៍រាគរូស និងមានលាមកពណ៌ខុសពីធម្មតា,អស់កម្លាំង ល្ហិតល្ហៃ,ខ្យល់ដង្ហើមមិនល្អ(ក្លិនមាត់),ស្រកទម្ងន់ខុសពីធម្មតា និងរោគសញ្ញាដទៃផ្សេងៗជាច្រើនទៀត។

អ្នកអាចការពារសុខភាពរបស់អ្នកពីមេរោគបាក់តេរីក្នុងក្រពះបាន ដោយការលាងដៃឱ្យបានស្អាត ទទួលទានចំណីអាហារ និងទឹកដែលមានអនាម័យល្អ។ អ្វីដែលពិសេសនោះ មានវិធីតាមបែបបធម្មជាតិមួយមុខផងដែរ ដែលអាចធ្វើការប្រឆាំង ការពារ និងបង្ការមេរោគក្នុងក្រពះបាន។ មកតាមដានវិធីធ្វើទាំងអស់គ្នាដូចខាងក្រោម៖

គ្រឿងផ្សំ៖ ផ្កាខាត់ណាខៀវ ១ទំហំល្មម,អំបិល ២ស្លាបព្រាកាហ្វេ,ទឹកដាំពុះ ១កែវ។

វិធីធ្វើ៖ យកផ្កាខាត់ណាខៀវកាត់ជាដុំល្មម រួចលាងទឹកឱ្យស្អាត។ យកទៅស្ងោរក្នុងទឹកដែលកំពុងពុះ រួចបន្ថែមអំបិល ២ស្លាបព្រាកាហ្វេចូល ហើយទុកឱ្យពុះរយៈពេល ២-៣នាទីបន្ថែមទៀត សឹមបិទភ្លើង រួចចាក់ច្រោះយកទឹកវាមកប្រើការ។ អ្នកគួរតែទទួលទាន ១កែវ ពេលព្រឹក និង ១កែវទៀត នៅពេលយប់មុនពេលចូលគេង។

ទឹកចម្រាញ់ពីផ្កាខាត់ណាខៀវ និងការយកខ្ញី ឬខ្ទឹមស ជារបបអាហារប្រចាំថ្ងៃអាចមានប្រសិទ្ធភាពការពារ និងប្រឆាំងមេរោគផ្សេងៗបាន ជាពិសេសមេរោគក្នុងក្រពះតែម្តង មិនតែប៉ុណ្ណោះថែមទាំងជួយថែរក្សាសុខភាពរបស់អ្នកជាច្រើនមុខបានផងដែរ៕

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។  វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

សម្រួលអត្ថបទដោយ៖ កូនផ្កាម្លិះ

ប្រភព៖ eangsophalleth.com  

ពីនេះពីនោះ1 month ago

ពិតជាខ្លាំងមែន ! ប្រទេសរុស្ស៉ីបានផលិតវ៉ាក់សាំងប្រឆាំងជំងឺ កូវីដ-១៩ ជើងដំបូងរួចរាល់ហើយ នឹងត្រូវដាក់ឱ្យប្រើប្រាស់នៅចុងខែនេះ

ពីនេះពីនោះ1 month ago

អបអរសាទរ ! ស្ត្រីជាទាហានមួកខៀវនៅសង្កាត់សិត្បូ ក្រុងតាខ្មៅ នៅថ្ងៃនេះបានជាសះស្បើយហើយ

ពីនេះពីនោះ1 month ago

ព្រាប សុវត្ថិ បញ្ជាក់ច្បាស់ៗថា ៖ «បើខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង»

ពីនេះពីនោះ1 month ago

ធ្វើឲ្យហ្វេនជាច្រើននាំគ្នាភ្ញាក់ផ្អើលមិនស្ទើរ ពេលឃើញ មាស សាលី បង្ហាញរូបកូន និងគូស្នេហ៍

ពីនេះពីនោះ1 month ago

គូស្នេហ៍មួយចំនួនអាចនឹងចុកឈាមពេលលឺ ពេជ្រ សោភា បកស្រាយចំៗ រឿងមិននៅផ្ទះជាមួយសង្សារ ដូចគូស្នេហ៍ដទៃ (មានវីដេអូ)

Trending

Copyright © 2019 ANARCHAK