WHO ប្រកាសឈ្មោះផ្លូវការថ្មីឲ្យវីរុសកូរ៉ូណាថា “COVID-19” ខណៈចំនួនអ្នកស្លាប់ឡើងដល់ ១១០៧នាក់
Connect with us

គួរដឹង

WHO ប្រកាសឈ្មោះផ្លូវការថ្មីឲ្យវីរុសកូរ៉ូណាថា “COVID-19” ខណៈចំនួនអ្នកស្លាប់ឡើងដល់ ១១០៧នាក់

អាជ្ញាធរសុខាភិបាលខេត្តហ៊ូប៉ីនៅក្នុងប្រទេសចិនបានរាយការណ៍នៅព្រឹកថ្ងៃពុធនេះថាមនុស្ស ៩៤ នាក់ទៀតហើយបានស្លាប់ដោយសារវីរុសកូរ៉ូណាកាលពីម្សិលមិញ ដែលធ្វើឱ្យចំនួនអ្នកស្លាប់នៅខេត្តដែលមានការផ្ទុះខ្លាំងជាងគេនេះឡើងដល់ ១០៦៨ នាក់។

រីឯចំនួនស្លាប់សរុបនៅក្នុងប្រទេសចិនដីគោកមានយ៉ាងហោចណាស់ ១១០៥ នាក់ អ្នកស្លាប់ម្នាក់នៅហុងកុង និងម្នាក់ទៀតនៅហ្វីលីពីន ធ្វើឲ្យចំនួនអ្នកស្លាប់នៅទូទាំងពិភពលោកយ៉ាងហោចណាស់មានចំនួន ១១០៧នាក់។

ចំពោះចំនួនអ្នកឆ្លង អាជ្ញាធរហ៊ូប៉ីបានបញ្ជាក់ថាបានរកឃើញករណីថ្មីប្រចាំថ្ងៃចំនួន ១៦៣៨ ករណីដែលនាំមកនូវចំនួនករណីសរុបក្នុងខេត្តនេះឡើងដល់ ៣៣៣៦៦ នាក់។ ចំនួនករណីឆ្លងសរុបនៅទូទាំងពិភពលោកនៅពេលនេះ គឺយ៉ាងហោចណាស់ ៤៤១៣៨ ករណី ដែលភាគច្រើនស្ថិតនៅចិនដីគោក។

កាលពីយប់ថ្ងៃអង្គារកន្លងទៅ ទីភ្នាក់ងារសុខភាពរបស់អង្គការសហប្រជាជាតិបានប្រកាសថា “COVID-19” នឹងក្លាយជាឈ្មោះផ្លូវការនៃវីរុសកូរ៉ូណាថ្មីនេះ ដោយនិយាយថាជំងឺនេះតំណាងឱ្យ “ការគំរាមកំហែងយ៉ាងធ្ងន់ធ្ងរ” សម្រាប់ពិភពលោកប៉ុន្តែនៅមានឱកាសជាក់ស្តែងដែលអាចបញ្ឈប់វាបាន។

ប្រធានអង្គការសុខភាពពិភពលោកលោក Tedros Adhanom Ghebreyesus បានប្រាប់ក្រុមអ្នកយកព័ត៌មាននៅទីក្រុងហ្សឺណែវថា “ឥឡូវនេះយើងមានឈ្មោះសម្រាប់ជំងឺនេះហើយវាជាជំងឺ COVID-19” ។

លោក Tedros បាននិយាយថា “co” តំណាងឱ្យ “corona ” “v” សម្រាប់ “virus” និង “d” សម្រាប់ “disease” ខណៈពេលដែល “19” គឺសម្រាប់ឆ្នាំដែលវិរុសផ្ទុះ ដែលត្រូវបានកំណត់ដំបូងនៅថ្ងៃទី៣១ ខែធ្នូ ឆ្នាំ២០១៩ ៕

ប្រភព៖ kampucheathmey.com  

ពីនេះពីនោះ1 month ago

ពិតជាខ្លាំងមែន ! ប្រទេសរុស្ស៉ីបានផលិតវ៉ាក់សាំងប្រឆាំងជំងឺ កូវីដ-១៩ ជើងដំបូងរួចរាល់ហើយ នឹងត្រូវដាក់ឱ្យប្រើប្រាស់នៅចុងខែនេះ

ពីនេះពីនោះ1 month ago

អបអរសាទរ ! ស្ត្រីជាទាហានមួកខៀវនៅសង្កាត់សិត្បូ ក្រុងតាខ្មៅ នៅថ្ងៃនេះបានជាសះស្បើយហើយ

ពីនេះពីនោះ1 month ago

ព្រាប សុវត្ថិ បញ្ជាក់ច្បាស់ៗថា ៖ «បើខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង»

ពីនេះពីនោះ1 month ago

ធ្វើឲ្យហ្វេនជាច្រើននាំគ្នាភ្ញាក់ផ្អើលមិនស្ទើរ ពេលឃើញ មាស សាលី បង្ហាញរូបកូន និងគូស្នេហ៍

ពីនេះពីនោះ1 month ago

គូស្នេហ៍មួយចំនួនអាចនឹងចុកឈាមពេលលឺ ពេជ្រ សោភា បកស្រាយចំៗ រឿងមិននៅផ្ទះជាមួយសង្សារ ដូចគូស្នេហ៍ដទៃ (មានវីដេអូ)

Trending

Copyright © 2019 ANARCHAK