ស្ពាននេះអច្ឆរិយមែន! អាយុ១ពាន់ឆ្នាំហើយ នៅតែអាចទ្រទម្ងន់ឡានម៉ូតូបាន

នៅក្នុងខេត្តសៀមរាប មានសំណង់អច្ឆរិយជាច្រើន ដែលបន្សល់ទុកដោយដូនតាខ្មែរសម័យអង្គរ។ សំណង់ទាំងនោះ មានដូចជា ប្រាង្គប្រាសាទ ស្ពាន អាងស្តុកទឹក ផ្លូវបុរាណជាដើម ដែលសុទ្ធតែមានការគិតគូរយ៉ាងល្អិតល្អន់ដោយស្ថាបត្យករសម័យនោះ។

នៅក្នុងចំណោមសំណង់ទាំងនោះ ស្ពានមួយដែលបង្ហាញខ្លួនយ៉ាងសង្ហា ប្រកបដោយភាពរឹងមាំ មានអាយុជាង១ពាន់ឆ្នាំមកហើយ។ ស្ពាននោះ គឺស្ពានកំពង់ក្តី ដែលភ្ញៀវទេសចរណ៍ តែងចុះមកទស្សនាពីភាពអស្ចារ្យ និងភាពរឹងមាំនៃស្អានមួយនោះ ហើយពួកគេតែងកោតសរសើរមិនដាច់ពីមាត់នូវភាពរឹងមាំនៃស្ពានមួយនេះ។ ប្រជាពលរដ្ឋនៅតំបន់នោះ ធ្លាប់បានលើកឡើងផងដែរថា មិនត្រឹមត្រូវឡាន និងម៉ូតូទេ ដែលធ្លាប់បើកកាត់ស្ពាននោះ កាលពីមិនទាន់មានការអភិរក្សត្រឹមត្រូវ សូម្បីតែរថក្រោះក៏ធ្លាប់បរកាត់ស្ពាននោះដែរ ប៉ុន្តែស្ពាននេះ នៅតែអាចទ្រទម្ងន់រថក្រោះបាន។

ស្ពានបុរាណនេះ មានប្រវែង៨៦មែត្រ និងទទឹង១៦មែត្រ ព្រមទាំងកំពស់១០មែត្រ ដែលមានចម្ងាយ៦០គីឡូមែត្រពីទីក្រុងសៀមរាប។ ចម្លាក់រូបនាគនៅតាមបង្កាន់ដៃ បង្ហាញឲ្យឃើញភាពស្រស់ស្អាតនៃស្ពាន ហើយរូបនាគនោះ តំណាងដល់ការស្រលាញ់ និងការថែរក្សាការពារដល់ប្រទេសជាតិ។ បច្ចុប្បន្ន ចម្លាក់នាគត្រូវបានគេគោរពបូជាដើម្បីសុំសេចក្តីសុខសម្រាប់ខ្លួនគេផ្ទាល់៕

មតិយោបល់