កុំរំលង! អ្នកចិត្តវិទ្យាបង្ហាញមូលហេតុ ៣ ដែលធ្វើឲ្យការតាំងចិត្តសម្រាប់ឆ្នាំថ្មីរបស់អ្នកបរាជ័យ​
Connect with us

បែបផែនជីវិត

កុំរំលង! អ្នកចិត្តវិទ្យាបង្ហាញមូលហេតុ ៣ ដែលធ្វើឲ្យការតាំងចិត្តសម្រាប់ឆ្នាំថ្មីរបស់អ្នកបរាជ័យ​

មានមនុស្សច្រើនណាស់ដែលបរាជ័យលើការតាំងចិត្តសម្រេចឲ្យបានភាពជោគជ័យសម្រាប់ឆ្នាំថ្មីរបស់ខ្លួន (New Year’s Resolutions) ខណៈដែលមានមនុស្សតិចតួចប៉ុណ្ណោះបានធ្វើឲ្យការតាំងចិត្តរបស់ពួកគេជោគជ័យ។ ប្រសិនបើអ្នករកឃើញថា អ្នកបានបង្កើតកំហុសក្នុងរឿងនេះដែរ អ្នកជំនាញលើកឡើងថា ដោយសារតែអ្នកមិនបានរៀបចំគោលដៅឲ្យបានត្រឹមត្រូវ។

អ្នកចិត្តវិទ្យាអាមេរិកលោក Jonathan Alpert បានបង្ហាញហេតុផល ៣ដែលធ្វើឲ្យមនុស្សភាគច្រើនបរាជ័យលើការតាំងចិត្តសម្រាប់ឆ្នាំថ្មីរបស់ខ្លួន។ ហេតុផលទាំង ៣នេះបានបង្ហាញជូនដូចខាងក្រោម៖ 

១) ការតាំងចិត្តធ្វើអ្វីមួយសម្រាប់ឆ្នាំថ្មីមិនមានភាពច្បាស់លាស់

លោក Alpert បានលើកឡើងថា មូលហេតុចម្បងមួយក្នុងចំណោមមូលហេតុធំៗបំផុតដែលមនុស្សភាគច្រើនបរាជ័យក្នុងការតាំងចិត្តធ្វើអ្វីមួយសម្រាប់ឆ្នាំថ្មីរបស់ខ្លួន គឺដោយសារតែការតាំងចិត្តនោះខ្វះភាពច្បាស់លាស់របស់វា។ ឧទាហរណ៍ថា អ្នកចង់សម្រកទម្ងន់ អ្នកគួរកំណត់ថា គួរស្រកឲ្យបាន ៥គីឡូក្នុងរយៈពេល៣ខែ។ គួរកំណត់ថា មួយថ្ងៃដើរឲ្យបាន៥គីឡូ និង៥ថ្ងៃក្នុងមួយសប្តាហ៍ ជាជាងនិយាយថា នឹងប្តេជ្ញាចិត្តដើរហាត់ប្រាណ ឲ្យបានរាល់ថ្ងៃ។

បើតាមដំបូន្មានរបស់លោក Alpert  ការតាំងចិត្តរបស់អ្នកត្រូវតែមានដែនកំណត់ច្បាស់លាស់ពីព្រោះវាពិតជាមានប្រយោជន៍ខ្លាំងណាស់ដើម្បីសម្រេចភាពជោគជ័យនោះ។ អ្នកត្រូវកំណត់ការតាំងចិត្តថា តើអ្នកគួរធ្វើអ្វីខ្លះសម្រាប់រយៈពេលខ្លី មធ្យម និងយូរអង្វែង។ នេះវាអាចជួយឲ្យអ្នកដើរឆ្ពោះទៅរកគោលដៅរបស់អ្នកបាន។ ឧទាហរណ៍ថា សប្តាហ៍នេះ ខែក្រោយ និងឆ្នាំក្រោយអ្នកគួរធ្វើអ្វីខ្លះ។

២) បង្កើតទស្សនៈអវិជ្ជមានចំពោះការតាំងចិត្ត

ការបង្ហាញទស្សនៈ ឬការគិតបែបអវិជ្ជមានចំពោះការតាំងចិត្តរបស់ខ្លួន គឺជាកំហុសធំមួយទៀដែលធ្វើឲ្យការតាំងចិត្តរបស់អ្នកក្នុងឆ្នាំថ្មីត្រូវបរាជ័យ។ ឧទាហរណ៍នៅពេលអ្នកតាំងចិត្តឈប់ខ្ជះខ្ជាយលុយ ឬឈប់បរិភោគអាហារឥតបាន គឺអ្នកបានគិតរួចទៅហើយដល់ការបង្កគ្រោះថ្នាក់ចំពោះសុខភាពពីការទទួលទានអហារទាំងនោះ។

បើតាមការលើកឡើងរបស់លោក Alpert ក្នុងអំឡុងពេលតាំងចិត្តឈប់បរិភោគអ្វីមួយ អ្នកនឹងគិតដល់អាហារឆ្ងាញ់ៗទាំងនោះដែលជាសម្ពាធមួយសម្រាប់អ្នក។ ថ្វីត្បិតតែអ្នកហាមឃាត់ខ្លួនឯង តែអារម្មណ៍របស់អ្នកនៅគិតពីវា ដែលទង្វើនេះគឺជាសញ្ញាណអវិជ្ជមានមួយឆ្លើយតបទៅនឹងការតាំងចិត្តនោះ។ ផ្ទុយមកវិញ ជំនួសឲ្យការគិតដល់អាហារឆ្ងាញ់ៗទាំងនោះ អ្នកគួរប្រាប់ខ្លួនឯងថា គួរផ្តោតមកទទួលទានអាហារផ្សេងជំនួសវិញដូចជា ទទួលទានផ្លែឈើ និងបន្លែឲ្យបានច្រើន។ 

៣) ការតាំងចិត្តរបស់អ្នកវាមិនបានឆ្លុះបញ្ចាំងពីអ្វីដែលអ្នកចង់បាន
ឧបសគ្គធំមួយទៀតដែលមនុស្សភាគច្រើនបានប្រឈមមុខគឺទំនោរក្នុងការតាំងចិត្តធ្វើអ្វីមួយសម្រាប់ឆ្នាំថ្មីវាមិនបានឆ្លុះបញ្ចាំងពីអ្វីដែលពួកគេចង់បាន។ លោក Alpert បាននិយាយថា អ្នកខ្លះបានបង្ខំចិត្តតមអាហារ និងត្រូវទៅហាត់ប្រាណតាមការបង្ខំ ឬការរំពឹងទុកពីមនុស្សផ្សេងទៀតដែលក្រៅពីឆន្ទះ និងស្ថានភាពជាក់ស្តែងរបស់ខ្លួនដូចជា មិត្តភក្តិ គ្រួសារ និងអ្នកជំនាញជាដើម។

បើតាមលោក Alpert បានណែនាំថា គោលដៅដែលអ្នកតាំងចិត្តត្រូវធ្វើ គួរតែគោលដៅរបស់អ្នក។ គោលដៅតាំងចិត្តនោះត្រូវតែមានតម្លៃសម្រាប់អ្នក និងឆ្លើយតបតាមស្ថានភាពជាក់ស្តែងរបស់អ្នក។ វាមិនគួរត្រូវបានកំណត់ដោយអ្នកណាម្នាក់ ឬធ្វើដើម្បីផ្គាប់ចិត្តរបស់អ្នកដទៃឡើយ។ អ្នកត្រូវមានប្លង់គំរូមួយជារបស់អ្នកដែលអ្នកត្រូវតាំងចិត្តធ្វើឲ្យបានក្នុងឆ្នាំថ្មីនេះ៕

ប្រភព៖ Businessinsider 

ដកស្រង់ដោយ៖ www.bizkhmer.com

ពីនេះពីនោះ1 month ago

ពិតជាខ្លាំងមែន ! ប្រទេសរុស្ស៉ីបានផលិតវ៉ាក់សាំងប្រឆាំងជំងឺ កូវីដ-១៩ ជើងដំបូងរួចរាល់ហើយ នឹងត្រូវដាក់ឱ្យប្រើប្រាស់នៅចុងខែនេះ

ពីនេះពីនោះ1 month ago

អបអរសាទរ ! ស្ត្រីជាទាហានមួកខៀវនៅសង្កាត់សិត្បូ ក្រុងតាខ្មៅ នៅថ្ងៃនេះបានជាសះស្បើយហើយ

ពីនេះពីនោះ1 month ago

ព្រាប សុវត្ថិ បញ្ជាក់ច្បាស់ៗថា ៖ «បើខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង»

ពីនេះពីនោះ1 month ago

ធ្វើឲ្យហ្វេនជាច្រើននាំគ្នាភ្ញាក់ផ្អើលមិនស្ទើរ ពេលឃើញ មាស សាលី បង្ហាញរូបកូន និងគូស្នេហ៍

ពីនេះពីនោះ1 month ago

គូស្នេហ៍មួយចំនួនអាចនឹងចុកឈាមពេលលឺ ពេជ្រ សោភា បកស្រាយចំៗ រឿងមិននៅផ្ទះជាមួយសង្សារ ដូចគូស្នេហ៍ដទៃ (មានវីដេអូ)

Trending

Copyright © 2019 ANARCHAK