មកដឹងពីមូលហេតុ ! សង្គមកាន់តែរីកចម្រើនប្រជាជនកូរ៉េកាន់តែចង់នៅលីវ
Connect with us

គួរដឹង

មកដឹងពីមូលហេតុ ! សង្គមកាន់តែរីកចម្រើនប្រជាជនកូរ៉េកាន់តែចង់នៅលីវ

កូរ៉េខាងត្បូង៖  «ពេលណាឯងរៀបការ ជាសំណួរចាក់ដោតបំផុតដែលប្រជាជនកូរ៉េខាងត្បូងតែងតែត្រូវបានឪពុកម្តាយ បងប្អូន មិត្តភក្តិ មិត្តរួមការងារ និងសូម្បីមនុស្សមិនធ្លាប់ស្គាល់គ្នាសោះក៏សួរសំណួរមួយនេះដែរ។

តួយ៉ាងដូចជានារីអាយុ ៣៤ឆ្នាំម្នាក់រស់នៅទីក្រុងសេអ៊ូលបាននិយាយថា៖

«ប៉ាម៉ាក់ខ្ញុំតែងតែដាក់សម្ពាធលើខ្ញុំ សួរថាពេលណារៀបការ គ្រប់ពេលដែលខ្ញុំទៅលេងពួកគាត់។ ដំបូងពួកគាត់ដូចជានិយាយលេងសើចធម្មតា បន្ទាប់មកពួកគាត់ក៏ចាប់ផ្តើមនិយាយមែនទែនទាក់ទងទៅនឹងរឿងរៀបការនេះ។»

 

នារីអាយុ ៣២ឆ្នាំម្នាក់ទៀតរស់នៅទីក្រុងសេអ៊ូលដូចគ្នាបានចែករំលែករឿងស្រដៀងគ្នានេះថា៖

«នៅពេលខ្ញុំជួបចាស់ៗជាលើកដំបូង ពួកគាត់តែងតែសួរខ្ញុំថាហេតុអ្វីបានជាខ្ញុំមិនទាន់រៀបការទៀត។ សំណួរនេះក្លាយជាសំណួរធម្មតា និងទូទៅសម្រាប់ចាស់ៗជនជាតិកូរ៉េសួរទៅហើយ។»

នាងបានបន្ថែមទៀតថា៖

«ក្មេងជំនាន់ក្រោយយល់ថាសំណួរនេះពិតជាខ្វះការគួរសម និងមិនចាំបាច់នោះទេ។»

បើទោះបីជាមានការសួរនាំជារឿយៗទាក់ទិនទៅនឹងរឿងរៀបការក៏ដោយ ក៏ប្រជាជនកូរ៉េខាងត្បូងមិនខ្វល់រឿងរៀការអីដែរ។ ជាក់ស្តែងប្រជាជនកូរ៉េខាងត្បូងភាគច្រើន ឬមួយចំនួនធំលែងគិតគូររៀបការ បង្កើតកូន ឬមានស្នេហាទៀតហើយ។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃទី២០ ខែមករា ឆ្នាំ២០១៩កន្លងទៅនេះ។

ការស្ទង់មតិមួយដែលធ្វើឡើងដោយវិទ្យាស្ថានសុខភាព និងកិច្ចការសង្គមកូរ៉េ បានចេញផ្សាយកាលពីដើមខែមករា ២០១៩នេះ បានឱ្យដឹងថា នៅក្នុងឆ្នាំ២០១២ គឺជាឆ្នាំចុងក្រោយ (ដែលតួលេខអាចរកបាន) ចំនួនអ្នកមានស្នេហាដែលមានអាយុពី ២០ឆ្នាំទៅ ៤៤ឆ្នាំ គឺមានតិចជាង ៤០ភាគរយ ហើយចំនួនអ្នកដែលរៀបអាពាហ៍ពិពាហ៍វិញគឺមានតិចជាងហ្នឹងទៅទៀត។

បន្ថែមពីនេះទៀត អត្រាកំណើតរបស់កូរ៉េខាងត្បូងបានធ្លាក់ចុះទាបបំផុតនៅក្នុងពិភពលោក ពោលគឺធ្លាក់ត្រឹម ០.៩៥ នៅចុងឆ្នាំមុននេះ។  វាមានន័យថានៅក្នុងចំណោមស្រ្តីកូរ៉េទាំង ១០០នាក់ មានតែទារក ៩៥នាក់ប៉ុណ្ណោះដែលត្រូវបានបង្កើត។ ដើម្បីរក្សាចំនួនប្រជាជនឱ្យមានស្ថេរភាព អត្រាកំណើតរបស់កូរ៉េខាងត្បូងត្រូវការ ២.១។ នៅក្នុងទសវត្សរ៍ឆ្នាំ១៩៧០ ទារកកូរ៉េខាងត្បូងមានជិត ១លាននាក់ត្រូវបានបង្កើតជារៀងរាល់ឆ្នាំ ប៉ុន្តែនៅក្នុងឆ្នាំ២០១៧វិញ ចំនួននេះបានថយចុះច្រើនជាងពាក់កណ្តាលទៅទៀត សល់ជាង  ៣៥៧.៧០០ នាក់ប៉ុណ្ណោះ។

មូលហេតុចម្បង ដោយសារការចំណាយថ្លៃពេកសម្រាប់ចិញ្ចឹមកូន ហើយប្រជាជនកូរ៉េខាងត្បូងត្រូវធ្វើការជាច្រើនម៉ោង ទើបហេតុនេះហើយពួកគេអស់អារម្មណ៍ មិនសូវខ្វល់ខ្វាយរឿងមានស្នេហា បង្កើតកូន និងបង្កើតគ្រួសារអីទៀតនោះទេ។

ជាក់ស្តែងនៅក្នុងសង្គមស៊ីវិល័យដែលឱ្យអាទិភាពលើការសិក្សា និងការងារចៀសជាងរឿងស្នេហានោះ ទើបធ្វើឱ្យប្រជាជនកូរ៉េខាងត្បូងសុខចិត្តនៅលីវ ច្រើនជាងមានគូ។ យោងតាមទិន្និន័យ OECD បានបង្ហាញថា នៅក្នុងឆ្នាំ២០១៧ ចំនួនមធ្យមនៃប្រជាជនកូរ៉េខាងត្បូងត្រូវធ្វើការមានចំនួនច្រើនម៉ោង ពោលគឺពួកគេត្រូវធ្វើការច្រើនជាងអាមេរិកដល់ទៅ ២៥០ម៉ោង និងច្រើនជាងអាល្លឺម៉ង់ដល់ទៅ ៤២៤ម៉ោងក្នុងមួយឆ្នាំ។  កាលពីឆ្នាំមុន ការស្ទង់មតិមួយលើមនុស្ស ១,១៤១នាក់តាមរយៈវេបសាយការងារ Job Korea និង Albamon បានរកឃើញថាមនុស្ស ៦៨.៣ភាគរយ ផ្តោតលើការងារច្រើនជាងការរៀបការ ខណៈពេលដែល ៤៧.៥ភាគរយបារម្ភរឿងហិរញ្ញវត្ថុ។

ទាក់ទិនទៅនឹងបញ្ហាខាងលើ រដ្ឋាភិបាលកូរ៉េខាងត្បូងក៏បានដឹងអំពីបញ្ហានេះដែរ ដូច្នេះទើបពួកគេបានចំណាយលុយជាង ៣២.១ ពាន់លានដុល្លារ ចាប់តាំងពីឆ្នាំ២០០៥មកម្ល៉េះ ដើម្បីលើកទឹកចិត្តដល់ក្រុមគ្រួសារណាដែលមានកូន ហើយគ្រួសារនីមួយៗនឹងទទួលបានប្រាក់ឧបត្ថម្ភធនចំនួន ២៦៩ ដុល្លារជារៀងរាល់ខែដើម្បីជាការលើកទឹកចិត្តឱ្យប្រជាជនបង្កើតគ្រួសារ។

យ៉ាងណាមិញ សេដ្ឋកិច្ចវិទូលោក Kang Sung-jin បាននិយាយថា «វិធីសាស្រ្តខាងលើគឺគ្មានប្រសិទ្ធភាពនោះទេ ដោយសារតែការចំណាយលើថ្លៃអាពាហ៍ពិពាហ៍ និងចិញ្ចឹមកូនគឺមានតម្លៃថ្លៃពេក ហើយការផ្គត់ផ្គង់របស់រដ្ឋាភិបាលគឺមិនទាន់គ្រប់គ្រាន់នោះទេ៕»

ប្រភពអត្ថបទ៖ www.khmerload.com  

មតិយោបល់

ពីនេះពីនោះ3 hours ago

លោកសុវណ្ណ រិទ្ធី៖ បើក្លាយខ្លួនជាមនុស្សល្បី សំរាប់តែថតស្ពតផ្សព្វផ្សាយអោយក្រុមហ៊ុនស្រាបៀរ ទោះស្លា​ប់ក៏ខ្ញុំមិនធ្វើដែរ!

គួរដឹង15 hours ago

យល់​សប្ដិ​ឃើញ​គេ ​ដោយ​សារ​គេ​កំពុងនឹក​យើង? នេះជាហេតុ​ផលទាំង ៤ធ្វើ​ឲ្យ​យើងសុបិន​ឃើញ​គេ!

គួរដឹង15 hours ago

នៅខ្មែរយើង!!! លោកយាយអាយុ៧១ឆ្នាំហើយនៅតស៊ូរៀនសូត្ររហូតចប់ថ្នាក់បរិញ្ញាបត្រ!!!

ថ្មីៗ16 hours ago

ពលរដ្ឋម្ដុំច្បារអំពៅទ្រាំស្ទះផ្លូវរាប់ម៉ោងរាល់ថ្ងៃលែងបាន ដាច់ចិត្តស្រែកសុំអន្ដរាគមន៍ពីថ្នាក់ដឹកនាំ!

ពីនេះពីនោះ20 hours ago

ទីបំផុត សួស វីហ្សា និង ថមមី បានបញ្ចេញ MV បទ “អរគុណ” ដែលរៀបរាប់អំពីសាច់រឿងពិតនៃស្នេហាពួកគេ ដែលមិនអាចបំភ្លេចបានហើយ (មានវីដេអូ)

Trending

Copyright © 2019 ANARCHAK