សញ្ញាណបង្ហាញថា មនុស្សម្នាក់កំពុងស៊ាំនឹងបញ្ហា និងរឿងរ៉ាវកំពុងកើតក្នុងជីវិត
Connect with us

បែបផែនជីវិត

សញ្ញាណបង្ហាញថា មនុស្សម្នាក់កំពុងស៊ាំនឹងបញ្ហា និងរឿងរ៉ាវកំពុងកើតក្នុងជីវិត

តើ​អ្នក​ធ្លាប់​ទេ​ដែល​ពេល​ខ្លះ​ជួប​ឧបសគ្គ​ និង​អស់​សង្ឃឹម​ណាស់​ តែ​រំលង​បាន​មួយ​ថ្ងៃ​ក៏​ស្រស់​ស្រាយ​ឡើង​វិញ​ហើយ។​ បើ​អ្នក​ធ្លាប់​ដូច្នេះ​ ​មាន​ន័យ​ថា​ អ្នក​ជា​មនុស្ស​គួរ​ឲ្យ​ស្ញប់ស្ញែង​ណាស់​ ហើយ​មនុស្ស​សុទិដ្ឋិនិយម​ដូច​អ្នក​ពិត​ជា​ពិសេស​ និង​ជះ​ឥទ្ធិពល​ល្អ​ៗ​ដល់​​មនុស្ស​នៅ​ជុំ​វិញ​ខ្លួន​។​ ដូច្នេះ​ហើយ​ កញ្ញា​ ចង់​បង្ហាញ​ពី​ចំណុច​ខ្លះ​ដែល​​ថា​អ្នក​ជា​មនុស្ស​ធន់​នឹង​បញ្ហា៖

១.​ រៀន​ចប់​ហើយ​​រក​ការងារ​មិន​បាន​ក៏​នៅ​ញញឹម

ពេល​មាន​គេ​សួរ​សំនួរ​ថា​តើ​អ្នក​ចង់​ក្លាយ​ទៅ​ជា​អ្វី​នៅ​ថ្ងៃ​មុខ​ អ្នក​ឆ្លើយ​ថា​ អត់​ទាន់​គិត​ ទោះ​ពេល​នោះ​អ្នក​រៀន​ចប់​ហើយ​ក៏​ដោយ។​ ទោះ​អត់​ការងារ​ធ្វើ​ហើយ​ដាច់​លុយ​យ៉ាង​ណា​ ក៏​អ្នក​នៅ​អាច​ញញឹម​ញ៉ាំ​មី​ម៉ា​ម៉ា​បាន​យ៉ាង​ឆ្ងាញ់​ ដោយ​សង្ឃឹម​ថា​និង​មាន​គេ​ខល​ហៅ​ធ្វើ​ការ​ឆាប់ៗ​នេះ។​

២.​ ​មាន​បញ្ហា​យ៉ាង​ណា​ក៏​អាច​គិត​វិជ្ជមាន​បាន

បើ​ទោះ​បី​ជា​មាន​រឿង​កើត​ឡើង​ដូច​ជា​ប្រលង​ធ្លាក់​ ឬ ​ដាក់​ពាក្យ​សុំ​ធ្វើ​ការ​មិន​ជាប់​ ដល់​ថ្ងៃ​បង់​ឈ្នួល​ផ្ទះ​តែ​មិន​ទាន់​មាន​លុយ​បង់​ ហើយ​ខ្លួន​ឯង​ឈឺ​ទៀត​ ក៏​អ្នក​នៅ​តែ​គិត​ថា​វា​មិន​មែន​ជា​រឿង​ធំ​ដុំ​ឡើយ​ មាន​អ្នក​ខ្លះ​រស់នៅ​ពិបាក​ជាង​នេះ​ទៀត​។ដូច្នេះ​អ្នក​គឺ​សុទិដ្ឋិនិយម​ណាស់​ដែល​មិន​ចុះ​ចាញ់​ក្នុង​កាលៈទេសៈ​នោះ។​

៣.​ អ្នក​មិន​គិត​ថា​ទាល់​តែ​មាន​ស្នេហា​ទើប​ជីវិត​មាន​រស្មី​នោះ​ទេ

អ្នក​រីករាយ​បាន​គ្រប់​ស្ថាន​ភាព​ មិន​ថា​ពេល​នៅ​ម្នាក់​ឯង​ឯកា​ ឬ​មាន​គូរ​ទេ​ គឺ​អ្នក​មិន​ដែល​ពិបាក​ចិត្ត​ថា​ខ្លាច​ឯកា​ ឬ​រឿង​ក្បត់​ចិត្ត​អី​ទេ។​ អ្នក​បើក​ចិត្ត​ទូលាយ​ គឺ​ថា​អត់​ខ្វល់​ ទោះ​នៅ​ម្នាក់​ឯង​ក៏​អត់​អី​ ហើយ​មាន​គួរ​ក៏​សប្បាយ​តាម​ហ្នឹង​ទៅ។

៤.​ អត់​ចេះ​ច្រណែន​អ្នក​ណា​មាន​ឬ​ក្រ​អី​ទេ

អ្នក​មិន​ដែល​ខ្វល់​ថា​មិត្ត​ភក្តិ​គេ​ក្លាយ​ជា​អ្នក​មាន​អស់​ហើយ​នៅ​តែ​អ្នក​ដែល​មិន​ទាន់​រក​ការងារ​បាន​​ធ្វើ​នៅ​ឡើយ។​ អ្នក​យល់​ថា​រូបភាព​ដែល​ពួក​គេ​ផូស​ក្នុង​ទំព័រ​ហ្វេសប៊ុក​គ្រាន់​តែ​ជា​ការ​អួត​ដោយ​រឿង​ខ្លះ​មិន​មែន​ជា​ការ​ពិត​។​ ម៉្យាង​ទៀត​ចង់​គេ​អួត​អី​អួត​ទៅ​អ្នក​នៅ​តែ​សប្បាយ​ជា​មួយ​អ្វី​ដែល​អ្នក​មាន។​

៥.​ អ្នក​មាន​អារម្មណ៍​ថា​ខ្លួន​គ្មាន​អ្វី​ទាំង​អស់​ តែ​មាន​គេ​រាប់​អាន​ច្រើន

ទោះ​អ្នក​គ្មាន​ទ្រព្យ​សម្បត្តិ​យ៉ាង​ណា​ក៏​ដោយ​ ក៏​នៅ​មាន​មនុស្ស​ជុំ​វិញ​ខ្លួន​រាប់​អាន​ច្រើន​ និង​ជួយ​យក​អាសា​។​ ការ​ពិត​ទៅ​អ្នក​មិន​ទាន់​ដឹង​ខ្លួន​ថា​អ្នក​ជា​មនុស្ស​គ្មាន​ភាព​លោភលន់​ និង​សុទិដ្ឋិនិយម​ ដែល​អ្នក​ផង​គោរព​ស្រលាញ់​រ៉ាប់​អាន ៕

ប្រភព៖ thoughtcatalog 

ប្រែសម្រួល៖ Pencharm

ដកស្រង់ដោយ៖ kanha.sabay.com.kh

មតិយោបល់

ពីនេះពីនោះ5 hours ago

ពិតជាមោទនភាពណាស់! មាស សុខសោភា បង្ហាញខ្លួនក្នុងបទចម្រៀងបរទេស ជាមួយតារាចម្រៀងមកពី ១០ ប្រទេសផ្សេងទៀត (មានវីដេអូ)

ពីនេះពីនោះ8 hours ago

ប្រពៃណាស់! ឧកញ៉ា ឡេង ណាវ៉ាត្រា ផ្តល់អោយបងប្អូនសិក្សាភាសាកូរ៉េដោយឥតគិតថ្លៃ ព្រោះលោករ៉ាប់រងរាល់ការចំណាយទាំងស្រុងលើការសិក្សា ដូច្នេះ…

ពីនេះពីនោះ8 hours ago

កំសត់ពេកហើយ! អ្នកច្រៀងក៏យំ អ្នកមើលក៏យំ ក្រោយស្តាប់បទថ្មី សុវត្ថិឌី ធារិកា រៀបរាប់ពីជីវិតរបស់លោកតាធាក់ស៊ីក្លូ (មានវីដេអូ)

បែបផែនជីវិត19 hours ago

បដិសេធអាចជាជម្រើសល្អ! ១០ ចំណុចជាហេតុផលដែលអ្នកគួររៀនបដិសេធ

បែបផែនជីវិត20 hours ago

អ្នកប្រាជ្ញចិន ឡៅជឺ៖ “នៅពេលជាតិរងទុក្ខវេទនា នឹងមានអ្នកស្នេហាជាតិងើបឡើង”

Trending

Copyright © 2019 ANARCHAK