រឿង "បុរសអ្នកចេះដឹង" ផ្តល់នូវគតិអប់រំដ៏មានតម្លៃ
Connect with us

បែបផែនជីវិត

រឿង “បុរសអ្នកចេះដឹង” ផ្តល់នូវគតិអប់រំដ៏មានតម្លៃ

បុរសម្នាក់ចង់ក្លាយជា ឧបរាជ ក៏ទៅប្រលងនៅរាជធានី។ ពេលប្រលងរួច មហាក្សត្រហៅបុរសនោះទៅជួប​ មហាក្សត្រសួរថា តើឯងចង់ធ្វើការប្រភេទណា ឯងចេះអ្វីខ្លះ? បុរសនោះឆ្លើយដោយអំនួតថា គេចេះច្រើនណាស់ ហើយគេចង់ធ្វើជាឧបរាជ។ លឺហើយមហាក្សត្រសើច ហើយទ្រង់ប្រាប់បុរសនោះថា​ យេីងនឹងអោយឯងធ្វេី ឧបរាជ តែឯង ត្រូវទៅឃ្វាលសេះ១ខែសិន


សេះនោះមាន១០ក្បាល ឯងត្រូវអោយវាដេកម៉ោង១យប់ ហេីយឯងត្រូវក្រោកម៉ោង៥ភ្លឺរកស្មៅខ្ចីដែលទេីបត្រូវសន្សេីមអោយវាស៊ី​ ក្រោយមកឯងធ្វេីរបាយការដាក់មកយេីងពិនិត្យ​ ដោយហាមកុហក់ទោះមានព្រឹត្តការណ៍យ៉ាងណាក៏ដោយ។
ស្ដាប់ចប់បុរសនោះក៏ទៅឃ្វាលសេះ មួយខែក្រោយមកគេយករបាយការណ៍មកអោយស្ដេចមេីល។
របាយការណ៍បង្ហាញថា៖

សេះ ១០ ងាប់អស់ ៥,​ សេះនៅសល់៥ ស្គមស្គាំង,​ សេះពណ៌ស ក្លាយជាប្រផេះ។

ស្ដេចសួរថាហេតុអ្វីបានលទ្ធផលមិនល្អ ?

បុរសនោះថា គាត់ហត់នឿយពេកក្រោកមិនទាន់រកស្មៅ អត់ងងុយគ្មានពេលបានមុជទឹកអោយសេះឯសេះខ្លះមិនស្ដាប់បង្គាប់ផាយគាត់អោយរងរបួសគាត់ក៏វាយសេះនោះបណ្ដាលអោយស្លាប់ខ្លះ។

ស្ដាប់លឺហេីយស្ដេចប្រាប់ថា ឯងទៅស្រុកកំណេីតវិញចុះ​ មិនបាច់បំរេីរាជការទេ។

លឺភ្លាមបុរសនោះ បាននិយាយថា ស្ដេចមេីលងាយគាត់ណាស់​ ដែលយកអ្នកចេះដឹងអោយទៅឃ្វាលសេះទៅវិញ មិនសមនឹងចំណេះគាត់ទេ អ្នកចេះដឹងគេសមការងារឋានៈខ្ពស់មិនមែនឃ្វាលសេះទេ។


ស្ដេចក៏បន្ទូលប្រាប់វិញ៤ចំណុច៖​

១.​ ត្រឹមក្រោកអោយចំណីសេះឯងថាហត់ ឯងម្ដេចអាចមេីលរបាយការបញ្ហារបស់រាស្ត្រអត់ងងុយបានទៅ ព្រោះមន្ត្រីល្អត្រូវដេកក្រោយរាស្ត្រ ងេីបមុនរាស្ត្រ សមត្ថភាពលះបង់កម្លាំងរបស់ឯងមានមិនស្មេីអាមាត្រម្នាក់ផង។

២.​ ត្រឹមសេះផាយឯង ឯងមិនអាចអត់ធ្មត់បានផង តេីឯងអាចអត់ធ្មត់ពេលរងការរិះគន់ ជួបបញ្ហាស្មុគស្មាញ ជាពិសេសរងការមួលបង្កាច់ បានយ៉ាងណាទៅ ? ព្រោះមន្ត្រីពូកែតែងមានអ្នកឈ្នានិះ អ្នកស្អប់ មន្ត្រីធ្វេីច្រេីនតែងមានអ្នករិះគន់ បេីអត់ធ្មត់មិនបានឯងឈរក្នុងដំណែងបំរេីរាស្ត្រម្ដេចនឹងបាន ? សមត្ថភាពអត់ធ្មត់របស់ឯងមានមិនស្មេីអ្នកឈរយាមទ្វាវាំងផង។

៣.​ ត្រឹមសេះ១០ក្បាលជាសត្វតិរច្ឆានចេះតែឃ្លាន ចេះតែរត់ និងដេក ឯងគ្រប់គ្រង មានខ្លះងាប់ ខ្លះរបួស ឯងគ្រប់គ្រងមិនបានផង តេីឯងមានសមត្ថភាពឯណាទៅគ្រប់គ្រងមនុស្សរាប់លាននាក់ដែលមានសតិសម្បជ្ជញ្ញៈ មានការលោភលន់ បាននោះ ? សមត្ថភាពនៃការគ្រប់គ្រងរបស់ឯងមិនស្មេីចៅហ្វាយស្រុកមួយផង។

៤.​ ត្រឹមយេីងពន្យល់ឯង ឯងថាយេីងមេីលងាយឯង ឯងប្រតិកម្មមួយរំពេច តេីឯងម្ដេចនិងអាចនឹងនរ ក្នុងនាមជាមន្ត្រីដែលមានស្មារតីរឹងមាំដោះស្រាយបញ្ហាជាតិបាន ? សមត្ថភាពនៃការគ្រប់គ្រងអារម្មណ៍របស់ឯងមិនស្មេីនិងភីលាងមួយផង។

ព្រះមហាក្សត្រក៏បានប្រាប់បន្ថែមថា ៖ ចំណេះមួយមុខមិនគ្រប់គ្រាន់ទេក្នុងការក្លាយជាអ្នកជោគជ័យ និងអ្នកដឹកនាំ បេីគ្មាន ភាពអត់ធ្មត់ បទពិសោធន៍ ការដាក់ខ្លួន ភាពសុច្ចរឹត និងភាពនឹងនរ រួមទាំងគុណធម៌ សីលធម៌ សច្ចធម៌ ។
ស្ដាប់ចប់​ បុរសនោះអៀនខ្លួនពេកក៏លាមហាក្សត្រទៅស្រុកកំណេីតវិញទៅ!

ប្រភព៖ បរទេស

មតិយោបល់

ពីនេះពីនោះ5 hours ago

ពិតជាមោទនភាពណាស់! មាស សុខសោភា បង្ហាញខ្លួនក្នុងបទចម្រៀងបរទេស ជាមួយតារាចម្រៀងមកពី ១០ ប្រទេសផ្សេងទៀត (មានវីដេអូ)

ពីនេះពីនោះ8 hours ago

ប្រពៃណាស់! ឧកញ៉ា ឡេង ណាវ៉ាត្រា ផ្តល់អោយបងប្អូនសិក្សាភាសាកូរ៉េដោយឥតគិតថ្លៃ ព្រោះលោករ៉ាប់រងរាល់ការចំណាយទាំងស្រុងលើការសិក្សា ដូច្នេះ…

ពីនេះពីនោះ9 hours ago

កំសត់ពេកហើយ! អ្នកច្រៀងក៏យំ អ្នកមើលក៏យំ ក្រោយស្តាប់បទថ្មី សុវត្ថិឌី ធារិកា រៀបរាប់ពីជីវិតរបស់លោកតាធាក់ស៊ីក្លូ (មានវីដេអូ)

បែបផែនជីវិត20 hours ago

បដិសេធអាចជាជម្រើសល្អ! ១០ ចំណុចជាហេតុផលដែលអ្នកគួររៀនបដិសេធ

បែបផែនជីវិត20 hours ago

អ្នកប្រាជ្ញចិន ឡៅជឺ៖ “នៅពេលជាតិរងទុក្ខវេទនា នឹងមានអ្នកស្នេហាជាតិងើបឡើង”

Trending

Copyright © 2019 ANARCHAK