ឃើញភ្លាមនរណាក៏ថាជារូបភាពអាសអាភាស តែពេលដឹងពីអត្ថន័យពិតស្ទើរស្រក់ទឹកភ្នែក!
Connect with us

បែបផែនជីវិត

ឃើញភ្លាមនរណាក៏ថាជារូបភាពអាសអាភាស តែពេលដឹងពីអត្ថន័យពិតស្ទើរស្រក់ទឹកភ្នែក!

នាសតវត្សរ៍ទី១៩ វាមានរឿងព្រេងមួយតំណាលថា ថ្ងៃមួយ ការពិតនិងកុហកបានជួបគ្នានៅក្បែរអណ្ដូងទឹកមួយ។ កុហកនិយាយថា:

-“ ថ្ងៃនេះចំជាអស្ចារ្យមែន!”

ការពិតងើយមើលមេឃហើយស្រូបដង្ហើមយ៉ាងធំ រួចបន្លឺថា:

-“ វាពិតជាថ្ងៃដ៏ល្អមែន!”

កុហកប្រាប់ការពិតថា:

-“ ទឹកអណ្ដូងនេះថ្លានិងត្រជាក់ល្អណាស់ តោះយើងនាំគ្នាងូតទឹកទៅ!”

ការពិតមានការសង្ស័យក៏ពិនិត្យមើលទឹកទៅតែឃើញថា ថ្លានិងត្រជាក់ល្អពិតមែន។ ពួកគេបានចុះងូតទឹក តែបន្តិចក្រោយមក កុហកបានងើបចេញពីអណ្ដូង ហើយយកសម្លៀកបំពាក់របស់ការពិតមកស្លៀកពាក់ហើយរត់បាត់ទៅ។

ការពិតខឹងណាស់ក៏ស្ទុះចេញពីអណ្ដូង រួចរត់ស្វែងរកកុហកគ្រប់ទីកន្លែងដើម្បីទារយកសម្លៀកបំពាក់វិញ។

ពិភពលោកទាំងមូលឃើញការពិតមានរាងកាយអាក្រាតបែបនេះ បានងាកមខចេញដោយស្អប់ខ្ពើម ខឹងក្រេវក្រោធ និងមាក់ងាយ រីការពិតឃើញដូចនេះក៏ត្រឡប់វិលទៅលាក់បំពួនក្នុងអណ្ដូងទឹកវិញដោយសេចក្ដីអៀនខ្មាស។

លោកអ្នកដឹងទេ ចាប់ពីពេលនោះមក កុហកត្រាច់គ្រប់ទីកន្លែងក្នុងសម្លៀកបំពាក់របស់ការពិត ហើយត្រូវបានពិភពលោកស្រឡាញ់រាប់អានគ្រប់ៗគ្នា ដ្បិតគេមិនចូលចិត្ត និងមិនត្រូវការការពិតដែលមានរាងកាយអាក្រាតឡើយ។

តើលោកអ្នកទទួលបាននូវចំណេះអ្វីពីអត្ថបទនេះ?

សម្លោកខ្មែរពោលថា ពាក្យពិតរែងស្លែង! វាមានន័យថា គេមិនសូវចូលចិត្តពាក្យពិតដែលយើងនិយាយនោះទេ ហើយពាក្យសម្ដី អួតអាង អុជអាល អេចអូច និងអែបអប ដែលមានលក្ខណៈកុហកនោះ ត្រូវបានគេចូលចិត្តណាស់…

រូបគំនូរដ៏ល្បីល្បាញពាសពេញពិភពលោករបស់លោក Jean- Léon Gérôm ឆ្នាំ១៨៩៦

អត្ថបទរបស់អ្នកស្រី Yulia Khouri

មតិយោបល់

Trending

Copyright © 2019 ANARCHAK