រឿងសំខាន់ដែលអ្នកត្រូវធ្វើពេលបាត់កាបូបលុយ!
Connect with us

គួរដឹង

រឿងសំខាន់ដែលអ្នកត្រូវធ្វើពេលបាត់កាបូបលុយ!

កាបូបលុយជារបស់សំខាន់ព្រោះវាមានផ្ទុកលុយ អត្តសញ្ញាណបណ្ណ័ កាតធនាគារ បណ្ណ័បើកបរ និងឯកសារផ្សេងៗដែលអាចយកតាមខ្លួនបាន។ យ៉ាងណាមិញទោះប្រយត្ន័យ៉ាងណាក៏អាចមានការភ្លាត់ស្នៀត ឬចោរលួចបានដែរ ជាពិសេសចំពោះស្រ្តីកម្ពុជាទន់ខ្សោយដែលងាយរងគ្រោះ។ អ្វីទាំង4នេះគឺជារឿងចាំបាច់ដែលអ្នកត្រូវធ្វើភ្លាមៗបន្ទាប់ពីបាត់កាបូប៖

១. ទីមួយ តើអ្នកភ្លេច ត្រូវគេលួច ឬ ច្រឡំដៃ

ពេលខ្លះអ្នកអាចមកធ្វើការហើយភ្លេចយកកាបូបលុយមក ឬ ចូលហាងទិញឥវ៉ាន់ហើយភ្លេចកាន់ចេញ ឬ ច្រឡំដៃទុកចោល។ តែបើមិនមែនទាំងពីរនេះទេ អ្នកប្រហែលជាអាចត្រូវចោរលួច។ ដូចនេះសូមស្វែងរកឲអស់លទ្ធភាព និងប្រាកដក្នុងចិត្តសិនសឹមប្ដឹងប៉ូលីសជាជាងធ្វើឲពួកគេខាតពេល។

២. ខលទៅធនាគារដើម្បីឲពួកគេបិទបណ្ណ័ឥណទានរបស់អ្នកជាប្រញ៉ាប់

បើអ្នកយឺតក្នុងការផ្ដល់ដំណឹងដល់ធនាគារនោះអ្នកអាចនឹងមានគ្រោះធំព្រោះ ពួកចោរ ឬអ្នកដែលរើសបានកាបូបលុយរបស់អ្នកអាចយកកាតនោះទៅដកលុយចាយវាយបានយ៉ាងងាយ។

៣. រាយការណ៍ទៅកាន់អាជ្ញាធរក្នុងតំបន់

បើសិនជាអ្នកបាត់បង់ឬត្រូវចោរលួច អ្នកពុំគួរនៅស្ងៀមនោះទេ គួរប្ដឹងប៉ូលីស ឬដាក់ពាក្យបណ្ដឹងតាមចាប់ចោរកុំឲវាហ៊ានធ្វើបែបនេះម្ដងទៀតនៅថ្ងៃក្រោយចំពោះអ្នកដទៃ។ មិនថានៅកម្ពុជាឬនៅទីណានោះទេ ចោរតែងតែមាន ដូចនេះហើយឲច្បាប់ជាអ្នកចាត់ការ។

៤. ទៅទីស្នាក់ការបណ្ណ័បើកបរ

ធម្មតាទេ បណ្ណ័បើកបរជារបស់ដែលត្រូវការយកតាមខ្លួន ដូចនេះហើយបើរបាត់អ្នកត្រូវប្រញ៉ាប់ទៅធ្វើថ្មី នៅមន្ទីរស្នាក់ការសាធារណៈនិងដឹកជញ្ជូននៅម្ដុំទួលគោក៕

 ប្រភពអត្ថបទ៖ spean-kh.com

មតិយោបល់

Trending

Copyright © 2019 ANARCHAK