សូមបងប្អូនប្រយ័ត្នជំនន់ទឹកភ្លៀង ខណ:កម្ពុជានៅតែបន្តធ្លាក់ភ្លៀងពីថ្ងៃនេះ ដល់ថ្ងៃទី ២៩ កញ្ញា
Connect with us

ថ្មីៗ

សូមបងប្អូនប្រយ័ត្នជំនន់ទឹកភ្លៀង ខណ:កម្ពុជានៅតែបន្តធ្លាក់ភ្លៀងពីថ្ងៃនេះ ដល់ថ្ងៃទី ២៩ កញ្ញា

ភ្នំពេញ: ក្រសួងធនធានទឹក និងឧតុនិយមនៅថ្ងៃទី២៣ កញ្ញានេះ បានចេញសេចក្តីជូនដំណឹងស្តីពីបញ្ហាអាកាសធាតុ ចាប់ពីថ្ងៃនេះ ដល់ថ្ងៃទី២៩ ខែកញ្ញា ឆ្នាំ២០១៩ ដោយបញ្ជាក់ថា ដោយសារឥទ្ធិពលនៃប្រព័ន្ធសម្ពាធខ្ពស់ បានធ្លាក់ចុះសង្កត់លើប្រព័ន្ធសម្ពាធទាម ធ្វើភ្លៀងនៅតែបន្តធ្លាក់ តាមបណ្តារាជធានី-ខេត្តក្នុងកម្រិតពីមធ្យមទៅច្រើន។

សេចក្តីជូនដំណឹងបន្ថែមថា លក្ខណ: បែបនេះនិងធ្វើឲ្យ៖

១,នៅតាមបណ្តារាជធានី-ខេត្ត ភ្លៀងបន្តធ្លាក់រាយប៉ាយនៅក្នុងកម្រិតបរិមាណពីមធ្យមទៅច្រើន និងនៅផ្នែកខ្លះមានភ្លៀងធ្លាក់ខ្លាំង។ ដោយឡែក នៅថ្ងៃទី២៤-២៥ ភ្លៀងមានភាពរអាក់រអួលច្រើន។

២, នៅតំបន់មាត់សមុទ្រ នឹងអាចមានភ្លៀងធ្លាក់តិចទៅបង្គួរ។

ជាមួយគ្នានេះ ក្រសួងបានអំពាវនាវដល់ប្រជាពលរដ្ឋ មានការប្រុងប្រយ័ត្នខ្ពស់ ចំពោះជំនន់ទឹកភ្លៀង អាចកើតមានឡើងចាប់ពីថ្ងៃទី២៦ ដល់ ២៩ ខែកញ្ញា ឆ្នាំ២០១៩៕

ប្រភព៖ ក្រសួងធនធានទឹក និងឧតុនិយម

មតិយោបល់

Trending

Copyright © 2019 ANARCHAK