«Steve Jobs» សល់ទឹកប្រាក់ជាង ៧​ ពាន់លានដុល្លារមុនស្លាប់ ហើយនេះជាពាក្យចុងក្រោយដែលគាត់ចង់និយាយ....
Connect with us

បែបផែនជីវិត

«Steve Jobs» សល់ទឹកប្រាក់ជាង ៧​ ពាន់លានដុល្លារមុនស្លាប់ ហើយនេះជាពាក្យចុងក្រោយដែលគាត់ចង់និយាយ….

«នៅក្នុងភ្នែកអ្នកដទៃជីវិតរបស់ខ្ញុំគឺជាមនុស្សម្នាក់ដែលមានភាពជោគជ័យខ្លាំង ប៉ុន្តែគេមិនបានដឹងទេថាក្រៅពីការងារខ្ញុំមានពេលវេលារីករាយតិចតួចប៉ុណ្ណោះ។ ហើយនៅទីបំផុតទ្រព្យសម្បត្តិគ្រាន់តែជាការពិតនៃជីវិតដែលខ្ញុំអាចធ្វេីបាន។»

«នៅពេលនេះការគេងនៅលើគ្រែអ្នកជំងឺហើយរំលឹកនូវអ្វីៗពេញមួយជីវិត ខ្ញុំដឹងថាការទទួលស្គាល់ពីមនុស្សគ្រប់គ្នា និងទ្រព្យសម្បត្តិទាំងអស់ដែលខ្ញុំមាន គឺគ្មានន័យទៀតទេនៅចំពោះមុខនៃការស្លាប់ដែលជិតមកដល់។ អ្នកអាចជួលអ្នកណាម្នាក់មកបេីកឡានអោយអ្នក រកលុយអោយអ្នក តែអ្នកមិនអាចជួលនរណាម្នាក់អោយឈឺជំនួសអ្នកបានទេ។ មនុស្សម្នាក់ៗអាចរករបស់របរដែលគេចង់បាន ប៉ុន្តែមានរឿងមួយដែលមិនអាចរកបាន គឺនៅពេលដែលវាបាត់បង់ “ជីវិត”។»

«មេីលថែខ្លួនឯងឱ្យបានល្អ និងស្រឡាញ់អ្នកដទៃ។ នៅពេលដែលយើងកាន់តែចាស់ យើងកាន់តែឆ្លាត ហើយយើងដឹងបន្តិចម្តងៗថា នាឡិកាដែលមានតម្លៃ ៣០ ដុល្លារ ឬ ៣០០ ដុល្លារ នាឡិកាទាំងពីរនេះបង្ហាញពេលវេលាដូចគ្នា។ មិនថាយើងកាន់កាបូបដែលមានតំលៃ ៣០ ដុល្លារ រឺ ៣០០ ដុល្លារទេ ចំនួនទឹកប្រាក់នៅក្នុងកាបូប គឺនៅតែដដែល។ មិនថាយើងបើកឡានតម្លៃ ១៥០,០០០ ដុល្លារ រឺក៏ឡានដែលមានតម្លៃ ៣០,០០០ ដុល្លារ ផ្លូវនិងចំងាយ គឺដូចគ្នា យើងអាចឈានដល់គោលដៅដូចគ្នា។ ប្រសិនបើយើងផឹកស្រាមួយដបដែលមានតំលៃ ៣០០ ដុល្លារ ឬ ស្រាដែលមានតម្លៃ ១០ ដុល្លារ អ្នកកំសាន្តជាមួយគឺដូចគ្នា។ ប្រសិនបើផ្ទះដែលយើងរស់នៅមានទំហំ ៣០០ ម៉ែត្រក្រឡា ឬ ៣០០០ ម៉ែត្រការ៉េ ភាពឯកោគឺដូចគ្នា។»

«សុភមង្គលពិតរបស់អ្នកមិនមែនបានមកពីរបស់របរខាងក្រៅនោះទេ។ មិនថាអ្នកកំពុងជិះហោះ ថ្នាក់ទីមួយ ឬ ថ្នាក់អ្នកអាជីវកម្មនោះទេ ប្រសិនបើយន្តហោះគាំង អ្នកនឹងគាំងជាមួយវា។

ដូច្នេះខ្ញុំសង្ឃឹមថាអ្នកយល់ថានៅពេលអ្នកមានមិត្តភក្តិ ឬ នរណាម្នាក់ដែលអ្នកអាចនិយាយជាមួយរឿងគ្រប់យ៉ាង នេះគឺជាសុភមង្គលពិត!

រឿង៥យ៉ាងដែលយេីងមិនអាចប្រកែកប្រែបាន

១. កុំអប់រំកូនអ្នកឱ្យក្លាយជាអ្នកមាន។ ចូរអប់រំពួកគេឱ្យសប្បាយរីករាយ។ ដូច្នេះពេលគេធំឡើងគេនឹងដឹងពីតម្លៃរបស់ផ្សេងៗ មិនមែនតែតម្លៃលុយនោះទេ។

២. ចូរបរិភោគអាហាររបស់អ្នកជាថ្នាំ បើមិនដូច្នេះទេអ្នកនឹងត្រូវបរិភោគថ្នាំរបស់អ្នកជាអាហារវិញម្តង។

៣. អ្នកស្រឡាញ់អ្នកនឹងមិនចាកចេញពីអ្នកឡើយ បើទោះបីជាគាត់មានហេតុផល ១០០ ដើម្បីបោះបង់ក៏ដោយ។ គេនឹងរកឃើញហេតុផលមួយដើម្បីនៅក្បែរអ្នកជានិច្ច។

៤. មានភាពខុសគ្នាខ្លាំងរវាង មនុស្សដែលមានទំនួលខុសត្រូវខ្ពស់ និងមនុស្សធម្មតា។

៥. ប្រសិនបើអ្នកចង់ទៅលឿន – ទៅតែម្នាក់ឯង! ប៉ុន្តែប្រសិនបើអ្នកចង់ទៅឆ្ងាយ – ទៅជាក្រុម។

នេះជាវេជ្ជបណ្ឌិតល្អបំផុតទាំង ៦ នៅលើពិភពលោក៖

១. ពន្លឺព្រះអាទិត្យ
២. ការសម្រាក
៣. លំហាត់ប្រាណ
៤. របបអាហារ
៥. ទំនុកចិត្តលើខ្លួនឯង
៦. មិត្តភក្តិ

រក្សាចំនុចទាំងនេះនៅគ្រប់ដំណាក់កាលនៃជីវិត ហើយរីករាយនឹងជីវិតដែលមានសុខភាពល្អ៕

ប្រភព៖ Facebook

មតិយោបល់

បែបផែនជីវិត14 mins ago

សញ្ញាទាំង ៨ របស់មនុស្សដែលនឹងត្រូវស្ពាយទុក្ខជាប់មួយជីវិត! បើមានប្រញ៉ាប់ជម្រុះវាចោល!

ថ្មីៗ16 mins ago

ស៊ែរឱ្យពួកគាត់ដឹងផង! អាជ្ញាធរកម្ពុជា កំពុងស្វែងរកមនុស្សទាំងអស់ ដែលជិះយន្តហោះជាមួយបុរសចិនផ្ទុកមេរោគកូរ៉ូណា!

ពីនេះពីនោះ2 hours ago

អបអរសាទរ ! កញ្ញា ជីមមី ទទួលបានពានរង្វាន់ THAILAND DIGITAL AWARDS 2020 លើកទី៣ ពីប្រទេសថៃ

ពីនេះពីនោះ17 hours ago

វីវរហើយ ! ពេលនេះកម្ពុជារក​ឃើញ​វីរុស​ប្រភេទ​ថ្មី​កូរ៉ូណា​លើក​ដំបូង មាននៅក្នុងខ្លួនជនជាតិ​ចិន​ម្នាក់​ នៅខេត្តព្រះសីហនុ…(មានវីដេអូ)

គួរដឹង22 hours ago

​ការ​កម្សាន្ត​ទាំង ៧​ ​ ​ធ្វើ​ឲ្យ​ខួរ​ក្បាល​អ្នក​កាន់​តែ​ឆ្លាត ដោយផ្អែក​តាម​ការ​សិក្សា​បែប​វិទ្យាសាស្ត្រ​

Trending

Copyright © 2019 ANARCHAK