អស់ទាស់! វៀតណាមកាន់តែមានមហិច្ឆតាធំ ចង់បង្កើតថាមពលពន្លឺព្រះអាទិត្យធំជាងគេបំផុតនៅអាស៊ីអាគ្នេយ៍
Connect with us

ថ្មីៗ

អស់ទាស់! វៀតណាមកាន់តែមានមហិច្ឆតាធំ ចង់បង្កើតថាមពលពន្លឺព្រះអាទិត្យធំជាងគេបំផុតនៅអាស៊ីអាគ្នេយ៍

គម្រោងថាមពលពន្លឺព្រះអាទិត្យដែលមានទំហំ ៤២០ មេហ្គាវ៉ាត់ដែលជាថាមពលធំបំផុតនៅអាស៊ីអាគ្នេយ៍បានចាប់ផ្តើមផលិតកម្មជាផ្លូវការហើយដែលគម្រោងមួយនេះមានទីតាំងស្ថិតនៅខេត្ដ តានិញ ប្រទេស វៀតណាម។ទឹកប្រាក់ប្រមាណជាង ៣៩១ លានដុល្លារ ត្រូវបានចំណាយលើគម្រោងមួយនេះ ស្របពេលដែល ផ្ទៃដីប្រមាណ ៥៤០ ហិកតា នៅតំបន់ដីលិចទឹកនៅឯបឹង ដាវទៀង ដែលជាបឹងធំបំផុតនៅក្នុងប្រទេស វៀតណាម ត្រូវបានជ្រើសយកមកធ្វើជាទីតាំងសម្រាប់គម្រោងមួយនេះ។

គួរបញ្ជាក់ផងដែរថាគម្រោងមួយនេះបានចាប់ផ្ដើមសាងសង់ចាប់តាំងពីខែ មិថុនា ឆ្នាំមុន ហើយរំពឹងថានឹងបញ្ចប់ការសាងសង់ក្នុងរយៈពេល ១០ ខែ។ ហើយគម្រោងមួយនេះជាគម្រោងដែលបណ្តាក់ទុនរួមគ្នារវាងក្រុមហ៊ុនសំណង់វៀតណាម  Xuan Cau និងក្រុមហ៊ុនថៃ Conglomerate B.Grimm។

បន្ទាប់ពីគម្រោងមួយនេះសាងសង់រួចគេរំពឹងទុកថានឹងមានការផ្គត់ផ្គង់អគ្គីសនីប្រហែល ៦៨៨ លានគីឡូវ៉ាត់ម៉ោង ក្នុងមួយថ្ងៃដែលស្មើនឹងការប្រើប្រាស់ ៣២០ ០០០ គ្រួសារ ហើយគម្រោងមួយនេះនឹងផ្គត់ផ្គង់ថាមពលបន្ថែមទៅលើភាគខាងត្បូងនៃប្រទេសវៀតណាម ។  នាពេលបច្ចុប្បន្ននេះប្រទេសវៀតណាមពឹងផ្អែកទៅលើថាមពលវារីអគ្គិសនី និងរោងចក្រថាមពលកំដៅសម្រាប់តំរូវការថាមពលអគ្គីសនីប៉ុន្តែគម្រោងនេះតែងតែទទួលបានការរិះគន់ពីសហគមន៍ជាតិ និងអន្តរជាតិ ពីព្រោះវាបង្កអោយមានផលប៉ះពាល់ដល់បរិស្ថាន។

លើសពីនេះទៅទៀតប្រទេស វៀតណាម ក៏មានបំណងផលិតថាមពលអគ្គីសនីរបស់ខ្លួនអោយបាន ១០.៧ ភាគរយតាមរយៈថាមពលកកើតឡើងវិញនៅកំឡុងឆ្នាំ ២០៣០ ជាពិសេសគឺថាមពលពន្លឺព្រះអាទិត្យ និងខ្យល់៕

អត្ថបទដោយ៖ ស្រីពេជ្រ

ប្រភពអត្ថបទ៖ www.doctor-business.asia

មតិយោបល់

Trending

Copyright © 2019 ANARCHAK