សុភាសិតស្វីស៖ «ទុក្ខ​កង្វល់​ច្រើន​តែ​ធ្វើ​ឲ្យ​របស់​តូចតាច​ជះ​ស្រមោល​ធំ»
Connect with us

បែបផែនជីវិត

សុភាសិតស្វីស៖ «ទុក្ខ​កង្វល់​ច្រើន​តែ​ធ្វើ​ឲ្យ​របស់​តូចតាច​ជះ​ស្រមោល​ធំ»

ជនជាតិ​ស្វីស​មាន​សុភាសិត​មួយ​ថា «ទុក្ខ​កង្វល់​ច្រើន​តែ​ធ្វើ​ឲ្យ​របស់​តូចតាច​ជះ​ស្រមោល​ធំ។» អ្វីៗ​គឺ​អាស្រ័យ​នៅ​លើ​ការ​គិត។ មនុស្ស​យើង​តែង​ធ្វើ​ឲ្យ​ខ្លួនឯង​លិចលង់​នៅ​ក្នុង​ការ​គិត​របស់​ខ្លួនឯង ក្លាយ​ជា​ទាសករ​នៃ​ការ​គិត​របស់​ខ្លួនឯង ពោល​គឺ​មិន​អាច​គ្រប់គ្រង​បញ្ជា​ការ​គិត​របស់​ខ្លួនឯង​បាន។

នៅ​ពេល​អ្នក​មិន​បាន​ត្រួតពិនិត្យ​យកចិត្តទុកដាក់​ការ​គិត​របស់​ខ្លួនឯង​ទេ នោះ​នៅ​ពេល​ការ​គិត​មិន​ល្អ​មួយ​បាន​លេច​ឡើង​មក ដោយ​មិន​ដឹង​ខ្លួន គ្រាប់​ពូជ​នេះ​នឹង​បណ្ដុះ​នូវ​ការ​គិត​អវិជ្ជមាន​ផ្សេង​ៗ​ទៀត​នៅ​ក្នុង​ការ​គិត​របស់​អ្នក​ជា​បន្តបន្ទាប់​គ្នា។ បើ​អ្នក​ដឹង​ខ្លួន​ទាន់ ដឹង​ថា​ឫសគល់​នៃ​បញ្ហា​គឺ​ស្ថិត​នៅ​ត្រង់​ការ​គិត​របស់​ខ្លួនឯង នោះ​អ្នក​នឹង​អាច​ចាកចេញ​ពី​មហាសមុទ្រ​លិចលង់​នេះ​បាន។

ភាគច្រើន​បញ្ហា​ជាក់ស្ដែង​មាន​សភាព​តូចតាច​នោះ​ទេ ប៉ុន្តែ​ការ​គិត​របស់​អ្នក ទុក្ខ​កង្វល់​របស់​អ្នក​បាន​ធ្វើឲ្យ​បញ្ហា​តូចតាច​នេះ​រីក​ធំ​ឡើង​បន្តិច​ម្ដងៗ​រហូត​ទាល់តែ​បញ្ហា​តូចតាច​នេះ​ហាក់​ដូចជា​មាន​អំណាច​ខ្លាំងក្លា​ណាស់ រហូត​ទាល់តែ​មាន​អ្នក​ខ្លះ​ងើប​មិន​រួច​ពី​ការ​លិចលង់​នេះ។ ទុក្ខ​កង្វល់​នេះ​ឯង​ដែល​បាន​បិទបាំង​ចិត្ត​អ្នក​មិន​ឲ្យ​មើល​ឃើញ​អ្វីៗ​បាន​ច្បាស់លាស់ មិន​ឃើញ​អ្វី​ៗ​ទៅ​តាម​សភាព​ពិត​របស់​វា។ Marcus Aurelius ក៏​បាន​និយាយ​ដែរ​ថា «អ្នក​មាន​អំណាច​ទៅលើ​ការ​គិត​របស់​ខ្លួនឯង មិន​មែន​រឿង​ខាងក្រៅ​នោះ​ទេ។ ដឹង​ការ​ពិត​នេះ នោះ​អ្នក​នឹង​ស្វែងរក​ឃើញ​កម្លាំង​ខ្លាំងក្លា។» បើ​អ្នក​ចង់​ផ្លាស់ប្ដូរ​ជីវិត​របស់​អ្នក នោះ​អ្នក​ត្រូវ​ផ្លាស់ប្ដូរ​ការ​គិត​របស់​អ្នក។

ម្យ៉ាងវិញទៀត អ្នក​ត្រូវ​ចាំ​ថា​មិន​ថា​បញ្ហា​ធំ​ប៉ុណ្ណា​ក៏​ដោយ មាន​ពេល​ខ្លះ​ត្រូវការ​ដំណោះស្រាយ​តូចតាច​មួយ​ប៉ុណ្ណោះ។ បញ្ហា​ធំ​ប៉ុណ្ណា​ក៏​ត្រូវ​បំបែក​វា​តូចៗ ដោះស្រាយ​ចេញ​ពី​រឿង​តូចតាច​ទៅ​មុន​សិន នោះ​ទើប​បញ្ហា​ធំ​ងាយស្រួល​ដោះស្រាយ​បាន។ បើ​ការ​គិត​របស់​អ្នក​ជំពាក់ជំពិន នោះ​សូម្បីតែ​បញ្ហា​តូចតាច​ក៏​អ្នក​សម្លឹង​មើល​ឃើញ​វា​ជំពាក់ជំពិន​ដែរ៕
ដោយ៖ ស្រីពៅ

ប្រភពអត្ថបទ៖ www.bizkhmer.com

គួរដឹង15 hours ago

យល់​ដឹង៖ អ្នកមានពិត និងអ្នកមានក្លែងក្លាយ ក្នុងហ្វេសប៊ុក ខុសគ្នាត្រង់ណា?

ថ្មីៗ15 hours ago

ប្រទេសអាស៊ីមួយនេះសំណាងផ្ទួនៗ ខណៈរោងចក្រផលិតកំពូលស្មាតហ្វូន២ ដណ្តើមគ្នាចូលទៅផលិត

គួរដឹង15 hours ago

មេរៀនជីវិត៖ ត្រចៀកស្តាប់បាន ប៉ុន្តែធ្វើមិនដឹងមិនឮព្រោះតែគំនាប ឬកាលៈទេសៈបង្ខំ

ថ្មីៗ15 hours ago

ប្រសើរណាស់! ទីបំផុតសហគ្រាសកសិដ្ឋានមួយនៅកម្ពុជា បានជោគជ័យក្នុងការផលិតត្រីសុខភាពតាមស្តង់ដារជប៉ុន ដំបូងគេបង្អស់

ថ្មីៗ16 hours ago

លោកឧកញ៉ា ម៉ុង ឫទ្ធី បង្ហោះអារម្មណ៍ពិតរបស់ខ្លួន ខណៈឃើញគេបង្ហោះអួតទ្រព្យសម្បត្តិ ឡាន វីឡា មាសពេជ្រ ពេញ Facebook ស្របពេលប្រទេសប្រឈមវិបត្តិកូវីដ-១៩

Trending

Copyright © 2019 ANARCHAK