ជីវប្រវត្តិ​សង្ខេប “ព្រះ​បទុមត្ថេរសោម” ឬ “ភិក្ខុសោម”​ ម្ចាស់ស្នាដៃរឿងទុំទាវ 
Connect with us

ពួកគេជានរណា

ជីវប្រវត្តិ​សង្ខេប “ព្រះ​បទុមត្ថេរសោម” ឬ “ភិក្ខុសោម”​ ម្ចាស់ស្នាដៃរឿងទុំទាវ 

ព្រះ​បទុមត្ថេរ​ “សោម បាន​ប្រសូត្រ​នៅ​ឆ្នាំ​១៨៥២ នៅ​ឃុំ​កំព្រៅ​ ស្រុក​ស៊ីធរកណ្ដាល​ ខេត្ត​ព្រៃវែង​។ ព្រះ​អង្គ​មាន​បិតា​នាម​ ងួន និងមាតា​នាម យិន លោក​ទាំង​ពីរ​មាន​មុខ​របរជា​កសិករ។

ព្រះ​អង្គ សោម កាល​មាន​ព្រះ​ជន្ម ១៥ ព្រះ​វស្សា​ទ្រង់​បាន​ចូល​រៀន​អក្សរ លេខ​នព្វន្ដ​ ​នៅ​ស្រុក​កំណើត​ ហើយ​ក៏​បាន​បួស​ជា​សាម​ណេរ​ពីរ​វស្សា​ ក៏​លា​ចាក​សិក្ខា​បទ​​មក​ជួយ​​ធ្វើ​ការ​រក​ស៊ី​ឪពុក​ម្ដាយ​វិញ​។​

ក្រោយមក​ទៀតទ្រង់​មាន​ព្រះ​ជន្ម​ ២១​​វស្សា ទ្រង់​បាន​បំពេញ​ឧបសម្បទា​ជា​ភិក្ខុ នៅក្នុងសំណាក់​ឧបជ្ឈាយ៍​ព្រះ​នាម​ “រស់​ មាន​នាម​បញ្ញាត្តិ​ថា បទុមត្ថេរ​ និង​បាន​បន្ដ​ការ​សិក្សា​នៅ​ក្រុង​ភ្នំ​ពេញ​អស់​ជាច្រើន​ឆ្នាំ​ ហើយ​វិល​ទៅ​ធ្វើ​ជា​ចៅ​អធិការ​នៅ​វត្ត​ កំព្រៅ វិញ។

ព្រះ​អង្គ​មាន​និស្ស័យ​ស្លូត​បូត​ ចូល​ចិត្ត​អាន​សាស្រ្ដាគម្ពីរ​ ស្ដាប់​ចម្រៀង​ចាប៉ី​ រហូត​ដល់​ចេះ​តែង​កាព្យ​យ៉ាង​ប៉ិន​ប្រសប់។ ទ្រង់​សុគត​នៅ​ឆ្នាំ ១៩៣២​ ក្នុង​កំណត់​ជន្មាយុ​ ៨០ ព្រះ​វស្សា​។

ស្នា​ដៃ​របស់​ព្រះ​ភិក្ខុ​សោម​ រួម​មាន​៖

  • រឿង​ ទុំទាវ ដែល​សរសេរ​នៅ​ឆ្នាំ​ ១៩១៥​
  • រឿង​ សព្វ​សិទ្ធិ​ (បញ្ជាក់​ផ្សេង​មួយ​ទៀត​ពី​​របស់​ម៉ឺន​ភក្ដី​អក្សរ​តន់​​)​

អត្ថបទដកស្រង់​នៃ​រឿង​ ទុំទាវ​៖

កាល​នោះ​នាង​នោ​ជា​ពិលៀង​    នាង​ទាវ​​បាន​​ឆៀង​​ចរយាត្រា​

កាន់​​ក្អម​​ថ្និត​ថ្នម​​នឹក​​ប្រាថ្នា​         ចូល​ទៅ​ស្ដាប់​ការណ៍ដឹង​សេចក្ដី ។

ឈរទ្រឹងរឹងខ្លួនពួន​ចាំស្ដាប់​      ពីរោះ​ហាក់ផ្កាប់មុខដល់ដី

ស្រងាក​ស្រងោចស្រងល់​ស្រី   នោ​នឹក​​បេតី​មិន​ស្ដីសោះ ។

 អត្ថបទ​ដោយ៖ ចន្ថា កក្កដា

សម្រួលអត្ថបទ៖ លោក មនោ វិជ្ជា

ឯកសារយោង៖ អ្នកនិពន្ធ​ខ្មែរ​ដែល​មាន​ឈ្មោះ​ល្បី

ប្រភពអត្ថបទ៖ knowledgecambodia.com

មតិយោបល់

Trending

Copyright © 2019 ANARCHAK