ឧបករណ៍ ៨ ប្រភេទចាប់ផ្តើម​​អស់​តម្លៃ​ប្រើប្រាស់ពីមួយថ្ងៃទៅមួយថ្ងៃ​ ក្រោយ​មានវត្តមាន​ស្មាតហ្វូន
Connect with us

ទាក់ទាញ

ឧបករណ៍ ៨ ប្រភេទចាប់ផ្តើម​​អស់​តម្លៃ​ប្រើប្រាស់ពីមួយថ្ងៃទៅមួយថ្ងៃ​ ក្រោយ​មានវត្តមាន​ស្មាតហ្វូន

ក្រោយ​ការ​វិវត្ត​នៃ​ស្មាតហ្វូន​កាន់​តែ​ទំនើប​ឡើង វា​បាន​ផ្ដល់​ភាព​ងាយស្រួល​និង​ភាព​រហ័ស​កាន់​តែ​សម្បូរ​បែប​ដល់​អ្នក​រាល់​គ្នា។ ក្នុង​នោះ​មាន​ឧបករណ៍ ៨ ប្រភេទ ត្រូវ​បាន​គេ​ចាត់​ទុក​ថា​លែង​មាន​តម្លៃ បន្ទាប់​ពី​មនុស្ស​ផ្ដើម​ស្គាល់​ស្មាតហ្វូន។

១.ម៉ាស៊ីន​ចាក់ MP3:

ការ​បញ្ចប់​នៃ iPod Nano របស់ Apple ជា​សញ្ញា​បញ្ជាក់​យ៉ាង​ច្បាស់​ថា​ម៉ាស៊ីន​ចាក់ MP3 ត្រូវ​បាន​បញ្ចប់​ហើយ។ ទន្ទឹម​ស្មាតហ្វូន​ពេញ​និយម​បច្ចុប្បន្ន មាន​ទាំង​អង្គ​ផ្ទុក​ទិន្នន័យ​ក្នុង​ម៉ាស៊ីន​និង​រន្ធ​បន្ថែម​ MicroSD ពី​ខាង​ក្រៅ ដែល​អាច​ផ្ទុក​ចម្រៀង​បាន​រាប់​មុឺន​បទ​ឯ​ណោះ។​

២.ប្រព័ន្ធ GPS:

អតីតកាល​មនុស្ស​ធ្លាប់​កាន់​ក្រដាស​ផែនទី​មួយ​សន្លឹក ជាប់​ដៃ​រហូត​រាល់​ពេល​ធ្វើ​ដំណើរ ប៉ុន្តែ​ក្រោយ​មក​វា​ត្រូវ​បាន​បាត់បង់​បន្តិចៗ​ម្ដង អំឡុង​ពេល​ Google និង Apple បាន​បញ្ចេញ​កម្មវិធី GPS របស់​ខ្លួន ដែល​អាច​ឲ្យ​មនុស្ស​ស្គាល់​ផ្លូវ​គ្រប់​ទិសទី​ទាំង​អស់ ទាំង​ដែល​ពួក​គេ​មិន​ធ្លាប់​បាន​ទៅ​ដល់​ពី​មុន​មក។​

៣.ម៉ាស៊ីន​ថត​រូប:

ពី​មុន​ទូរសព្ទ​ក៏​មាន​កាមេរ៉ា​ដូច​គ្នា តែ​អ្នក​ខ្លះ​បើ​គេ​មាន​ថវិកា​គ្រប់គ្រាន់​រមែង​ទិញ​ម៉ាស៊ីន​ថត​រូប​មក​ប្រើប្រាស់ ព្រោះ​វា​មាន​គុណភាព​ល្អ​ជាង។ ប៉ុន្តែ​ពេល​នេះ​មិន​ដូច្នោះ​ទៀត​ទេ ព្រោះ​ស្មាតហ្វូន​ស៊េរី​ទំនើប ជួន​កាល​អាច​ធ្វើ​បាន​ប្រសើរ​ជាង​ពពួក​កាមេរ៉ា​មួយ​ចំនួន​ថែម​ទៀត​ផង។ សោត​យ៉ាង​ដូច​ជា iPhone 7 Plus, Galaxy Note 8 និង LG V30 ជាដើម។​

៤.វិទ្យុ:

វិទ្យុ FM ពេញ​និយម​ស្ដាប់​ សឹង​តែ​គ្រប់​ផ្ទះ​កាល​ពី​ជាង ១០ ឆ្នាំ​មុន។ សព្វថ្ងៃ​ស្មាតហ្វូន​ក៏​មាន​មុខងារ​ជំនួស​ឧបករណ៍​វិទ្យុ​ទាំង​នោះ​បាន ប៉ុន្តែ​មិន​ជា​ពេញ​និយម​ស្ដាប់​ទៀត​ឡើយ ព្រោះ​បណ្ដាញ​សង្គម​ច្រើន​ផ្ដល់​ការ​កម្សាន្ត​និង​ព័ត៌មាន​ទាន់​ហេតុការណ៍​បាន​រហ័ស​ជាង​ទៀត​ផង។

៥.ម៉ាស៊ីន​ថត​សំឡេង:

អ្នក​សារព័ត៌មាន​ភាគ​ច្រើន ពេល​ចេញ​ទៅ​បំពេញ​ភារកិច្ច រមែង​កាន់​ជាប់​នៅ​ម៉ាស៊ីន​ថត​សំឡេង​មួយ​នៅ​ក្នុង​ដៃ។ តែ​នេះ​កាល​ពី​ជាង ១០ ឆ្នាំ​មុន បច្ចុប្បន្ន​បែប​នោះ​មាន​តិច​បំផុត ដោយ​ប្ដូរ​មក​កាន់​ស្មាតហ្វូន ព្រោះ​វា​អាច​ថត​សំឡេង​បាន​ល្អ និង​មាន​ថាមពល​ថ្ម​កាន់​យូរ​គ្រាន់​បើ។

៦.នាឡិកា​រោទ៍:

​​​​​​​ជឿ​ថា​អ្នក​ក៏​ជា​មនុស្ស​ម្នាក់ ដែល​បោះបង់​នាឡិកា​រោទ៍​ចោល​ដូច​គ្នា ក្រោយ​ពេល​មាន​ស្មាតហ្វូន។ ព្រោះ​វា​អាច​កំណត់​មុខងារ​ពិសេស​បាន​កាន់​តែ​ងាយ​ស្រួល ហើយ​អាច​ប្រើ​បាន​ដោយ​សេរី និង​រហ័ស​បំផុត។​

៧.ម៉ាស៊ីន​គិត​លេខ:

តាម​បណ្ដា​អាជីវកម្ម​​មួយ​ចំនួន បាន​បញ្ឈប់​ការ​ប្រើ​ម៉ាស៊ីន​គិត​លេខ ជំនួស​មក​ប្រើ​ស្មាតហ្វូន​វិញ ហើយមាន​មុខងារ​គណនា​លេខ​បែប​វិទ្យាសាស្ត្រ ធ្វើ​បាន​គ្រប់​បែប​យ៉ាង​មិន​ចាញ់​ម៉ាស៊ីន​គិត​លេខ​ឡើយ។

៨.នាឡិកា:

ស្មាតហ្វូន​អាច​ប្រើ​ជំនួស​នាឡិកា​ដៃ​ធម្មតា ហើយ​ពិសេស​បំផុត​នោះ គឺ​អាច​មើល​ម៉ោង​ប្រចាំ​តំបន់​នីមួយៗ ​តាម​ចិត្ត​ចង់។ បន្ថែម​នឹង​ការ​កំណត់ ការ​ដាស់តឿន Reminder ណាមួយ​ដោយ​សរសេរ​អក្សរ​បញ្ជាក់​បាន​ទៀត​ផង៕

ប្រភព៖ news.sabay.com.kh

មតិយោបល់

ពីនេះពីនោះ5 hours ago

នាយ​ចឺម​ មកពីអាមេរិកភ្លាម នាំគូស្នេហ៍ថ្មី អូនហ្វា​ ដេីរលេងសៀមរាបយ៉ាងផ្អែមល្ហែម ក្រោយបែកគ្នាច្រើនខែ

ពីនេះពីនោះ5 hours ago

មិនធម្មតា! កញ្ញា សុខ ពិសី បង្ហាញរាងក្នុងឈុតហាត់ប្រាណ មានសាច់ដុំពោះធំៗ ដែលនារីៗប្រាថ្នាចង់បាន…

ពីនេះពីនោះ5 hours ago

ដើម្បីចូលរួមថែរក្សាធនធានធម្មជាតិរបស់ខ្មែរ! អ្នកអង្គម្ចាស់ក្សត្រីតូច នរោត្តម ជេនណា ជូនបទចម្រៀងមួយបទ “កោះអូន កោះបង” ដើម្បីអបអរថ្ងៃបុណ្យព្រៃកោងកាង ពិរោះរណ្តំចិត្ត (មានវីដេអូ)

ពីនេះពីនោះ6 hours ago

សូមចូលរួមអបអរសាទរ ទីបំផុតតារាជើងចាស់លោក ជា សំណាង បានសម្រេចចិត្តចូលរោងការថ្ងៃនេះហើយ ដោយកូនក្រមុំគឺជា

អន្តរជាតិ9 hours ago

គួរដឹង! ចំណុចសំខាន់ៗ​ជុំវិញការ​ដកតំណែង “​ដូណាល់ត្រាំ” ពី​ប្រធានាធិបតីអាមេរិក

Trending

Copyright © 2019 ANARCHAK