យើងគួរដឹងថា៖ គោលដៅពិតប្រាកមិនសំខាន់លើ​លុយទេ តែសំខាន់យើងចង់រស់នៅជីវិតបែបណា
Connect with us

បែបផែនជីវិត

យើងគួរដឹងថា៖ គោលដៅពិតប្រាកមិនសំខាន់លើ​លុយទេ តែសំខាន់យើងចង់រស់នៅជីវិតបែបណា

នរណាថាមិនចង់បានលុយ នរណាមិនចង់មាន មិនចង់បាន ព្រោះគ្រប់គ្នាយល់ថាលុយអាចទិញអ្វីបានគ្រប់យ៉ាង ដោះស្រាយបញ្ហាបានគ្រប់រឿង ជាហេតុធ្វើឱ្យមនុស្សភាគច្រើនកំណត់គោលដៅរបស់ខ្លួនផ្អែកទៅលើលុយ។

គ្មានអីខុសនោះទេ ក្នុងការធ្វើការដើម្បីលុយនោះប៉ុន្តែអ្វីដែលសំខាន់សួរថាធ្វើតាមគោលដៅទៅរកលុយនោះដើរបានយូរដែរឬអត់? ស៊ូរនៅជាមួយវាបានដែរឬអត់?

ភាគច្រើនបោះបង់ពាក់កណ្ដាលទីដោយសារតែធ្វើយូរៗទៅវាមានអារម្មណ៍ថា ហត់នឿយ ចាប់ផ្ដើមឆ្ងល់នឹងខ្លួនឯងថាចង់បានអ្វីឱ្យប្រាកដ ហើយធ្វើវាធ្វើអី អស់កម្លាំងចិត្តមកធ្វើបន្តរទៀត ធុញនឹងពេលព្រឹកចាប់ផ្ដើមថ្ងៃថ្មីងើបទៅធ្វើការ។ ក្រោយមកក៏ប្ដូរគោលដៅទៀត តែគោលដៅថ្មីនេះ នៅវិលវល់តែនឹងរឿងលុយណឹងគ្មានទៅណាឆ្ងាយទេ ហើយរឿងដដែលក៏កើតឡើងសារជាថ្មីទៀតអ៊ីចឹងឯង។

ចុះតើគួរកំណត់គោលដៅបែបណា បានមិនឈប់អស់ចិត្តនឿយណាយឆាប់ធ្វើ?

ចម្លើយគឺ ធ្វើអ្វីដែលខ្លួនឯងស្រឡាញ់។ ពេលដែលធ្វើអ្វីដែលខ្លួនស្រឡាញ់ មិនបាច់ចាំនរណាប្រាប់នោះទេ អ្នកនឹងមានអារម្មណ៍ស្ទុះស្ទាងើបទៅធ្វើការដោយខ្លួនឯង ពេលព្រឹកឡើងដឹងថាខ្លួនឯងត្រូវធ្វើអីខ្លះ ជួនកាលសឹងតែថាមិនបាច់ដាក់ម៉ោងរោទ៍ក៏ថាបាន។

គោលដៅដែលខ្លួនឯងស្រឡាញ់ ជាគោលដៅដែលស្ថិតនៅបានយូរអង្វែងមិនងាយសាបរលាបដូចគោលដៅដែលធ្វើឡើងតែដើម្បីលុយ ព្រោះថានៅពេលដែលធ្វើអ្វីដែលអ្នកស្រឡាញ់ បើទោះបីវាមិនទាន់សម្រេចភ្លាមៗឬក៏បានតិចក្តី ក៏អ្នកហាក់មានអារម្មណ៍ថាខ្លួនឯងបានរស់នៅជីវិតមួយដ៏ពេញលេញ។

តែគោលដៅដែលខ្លួនឯងស្រឡាញ់់នោះ ក៏ត្រូវតែជាគោលដៅមួយដែលចុងក្រោយមិនមានមិនបានធ្វើឱ្យអ្នកដ៏ទៃឈឺចាប់ បង្ករជាបញ្ហារទុកលំបាកផ្សេងៗដល់គេ ព្រមទាំងផ្ដល់ជាប្រយោជន៍ដល់សង្គមជាតិនិងមនុស្សជំនាន់ក្រោយផងកាន់តែប្រសើរ៕

ប្រភព៖ dengnas.com

មតិយោបល់

Trending

Copyright © 2019 ANARCHAK