ពិតជាឱកាសល្អណាស់ ! «Bill Gates» សម្រេច​ផ្ដល់​អាហារូបករណ៍ «៩៥​កន្លែង» សម្រាប់​បេក្ខជន​ទាំង​អស់ក្នុងនោះក៏មាន «កម្ពុជា» ផងដែរ
Connect with us

ថ្មីៗ

ពិតជាឱកាសល្អណាស់ ! «Bill Gates» សម្រេច​ផ្ដល់​អាហារូបករណ៍ «៩៥​កន្លែង» សម្រាប់​បេក្ខជន​ទាំង​អស់ក្នុងនោះក៏មាន «កម្ពុជា» ផងដែរ

តាម​សេចក្ដី​ជូន​ដំណឹង​មួយ ដែល​ចេញ​ផ្សាយ​ដោយ​ មជ្ឈមណ្ឌល​បណ្ដុះ​បណ្ដាល អាហារូបករណ៍​កម្ពុជា Cambodia Scholarship Center បាន​ឱ្យ​ដឹង​ថា នៅ​ឆ្នាំ​២០២០ ខាង​មុខ​នេះ មហាសេដ្ឋី Bill Gates បាន​សម្រេច​ផ្ដល់​អាហារូបករណ៍ ៩៥​កន្លែង សម្រាប់​បេក្ខជន​ទាំង​អស់ ដែល​មិន​ស្ថិត​ក្នុង​ចក្រភព​អង់គ្លេស ដើម្បី​បន្ត​ការ​សិក្សា​នៅ​សាកលវិទ្យាល័យ Cambridge ហើយ​ក្នុង​នោះ​ក៏​ផ្ដល់​ឱកាស​ដល់​និស្សិត​កម្ពុជា​ផង​ដែរ។

បើ​តាម​សេចក្ដី​ប្រកាស​នោះ បាន​ឱ្យ​ដឹង​ថា អាហារូបករណ៍​សម្រាប់​ថ្នាក់​អនុបណ្ឌិត​នេះ មាន​ទាំង​ថ្លៃ​សិក្សា ថ្លៃ​រស់នៅ​សរុប ២២០០០​ដុល្លារ​ក្នុង​មួយ​ឆ្នាំ សំបុត្រ​យន្តហោះ​ត្រលប់​មក​ប្រទេស​វិញ តម្លៃ​ទិដ្ឋាការ និង​ថ្លៃ​ចំណាយ​ផ្សេងៗ​មួយ​ចំនួន​ទៀត។ សម្រាប់​អ្នក​ដែល​មាន​សិទ្ធិ​ស្នើ​សុំ គឺ​ជា​អ្នក​បញ្ចប់​ថ្នាក់​សិក្សា​បរិញ្ញាបត្រ សញ្ជាតិ​ខ្មែរ និង​អ្នក​ដែល​នៅ​ក្រៅ​ចក្រ​ភព​អង់គ្លេស។

ការ​ទទួល​ពាក្យ នឹង​បញ្ចប់​នៅ​ថ្ងៃ​ទី២ ខែ​ធ្នូ ឆ្នាំ​២០១៩ នេះ។ អ្នក​មាន​ចំណាប់​អារម្មណ៍ អាច​ទាក់​ទង​សួរ​ព័ត៌មាន​ដោយ​ផ្ទាល់​ទៅ​អ្នក​ទទួល​ខុស​ត្រូវ​ផ្នែក​អាហារូបករណ៍ ដែល​មាន​លេខ = 44 1223 338 467 និង Email: info@gates.scholarships.cam.ac.uk ឬ​ចូល​ទៅ​កាន់​វិបសាយ www.gatescambridge.org.

ផ្តល់សិទ្ធិដោយ៖ www.angkorpost.net

មតិយោបល់

Trending

Copyright © 2019 ANARCHAK