មហិច្ឆតាចិននៅថ្ងៃមុខគឺមិនចង់ជោគជ័យនៅត្រឹម «ភពព្រះចន្ទ» ឡើយ
Connect with us

ថ្មីៗ

មហិច្ឆតាចិននៅថ្ងៃមុខគឺមិនចង់ជោគជ័យនៅត្រឹម «ភពព្រះចន្ទ» ឡើយ

​ បន្ទាប់ពី​ចិន បាន​ទទួល​ជោគជ័យ​ក្នុងការ​ទៅដល់​ភពព្រះចន្ទ​កាលពី​ពេលថ្មីៗ​នេះ ភ្នាក់ងារ​អវកាស​ចិន ក៏បាន​បង្ហាញ​មហិច្ឆតា​ទៅកាន់​ភព​ផ្សេង​ទៀត ដែលនៅឆ្ងាយពីផែនដី​ផងដែរ ក្នុងនោះ​គឺ​ភព​អង្គារ និង​ព្រហស្បតិ៍ (​ភព​ជូពិទ័រ)​ជាដើម។

លោក Ye Peijian អ្នក​ជំនាញ​អវកាស​ និង​ជា​ប្រធាន​ក្រុមប្រឹក្សា​នៃ​យាន​អវកាស​ភព​ព្រះចន្ទ និង​ព្រះចន្ទ ប្រទេស​ចិន បាន​ថ្លែង​ក្នុងវេទិកា​មួយ​កាលពី​សប្តាហ៍មុន​ថា ចិននឹង​បាញ់​បង្ហោះ​យានអវកាស​ Chang’e-5 តាមរយៈ​គ្រាប់​រ៉ុកកែត Long March-5 ដែល​យាននេះ នឹង​ប្រមូល​គំរូ​នានា​ពី​ភព​ព្រចន្ទ មកកាន់​ផែនដី។ បន្ថែម​ពីនេះ ចិន នឹង​មាន​ផែនការ​អនុវត្ត​បេសកកម្ម​ដូចគ្នានេះ ទៅកាន់​ភព​អង្គារ ហើយក៏នឹង​បញ្ជូន​ទៅកាន់​ភព​ជូពិទ័រ ទៅ​ថ្ងៃអនាគត​ផងដែរ។

សូម​រំលឹក​ថា កាលពីខែ​មករា​កន្លងទៅ ចិន​បាន​សម្រេច​ជោគជ័យ​លើក​ដំបូង​ជា​ប្រវត្តិសាស្រ្ត​ ក្នុងការ​ចុះចត​យាន​មួយឈ្មោះ Chang’e-4 នៅ​លើ​ផ្នែកម្ខាង​ទៀត​នៃ​ភពព្រះចន្ទ (តំបន់​ងងឹត​ដែល​មនុស្ស​លើ​ផែនដី​មិនអាច​មើល​ឃើញ និង​ជា​តំបន់​ដែល​មិនទាន់​មាន​ប្រទេស​ណា​បញ្ជូន​យាន​អវកាស​ទៅដល់)។

លោក Sun Zezhou ប្រធាន​ស្ថាបត្យ​កម្ម​សម្រាប់​យាន Chang’e-4 បាន​ឱ្យដឹងថា បេសកកម្ម Chang’e-5 នឹង​ត្រូវបាញ់​បង្ហោះ​នៅត្រឹមចុងឆ្នាំ​២០១៩ ហើយ​ចិន​នឹង​បន្ត​ការ​អភិវឌ្ឍ​ស្រាវជ្រាវសម្រាប់​បេសកកម្ម​បន្ថែម ដោយ​រួមមាន​ទាំង​ការ​រុករកនៅ​តំបន់​ប៉ូល​របស់​ភព​ព្រះចន្ទ ដើម្បី​បើកផ្លូវ​សម្រាប់​សាងសង់​ស្ថានីយ​ស្រាវជ្រាវ១ នៅ​លើភព​នោះ។

លោក​ Sun បន្ត​ថា​ចំពោះ​កម្មវិធី​បញ្ជូន​យាន​ទៅ​ភព​អង្គារ គឺ​កំពុង​ប្រព្រឹត្ត​ទៅដោយ​រលូន ហើយ​លោក​រំពឹង​ថា បេសកកម្ម​នេះ នឹង​អាច​បាញ់បង្ហោះ​នៅ​ឆ្នាំក្រោយ។ «យើង​ចង់ចុះចត​លើ​ភព​អង្គារ​ត្រឹមឆ្នាំ​២០២១ ដោយ​សុវត្ថិភាព»៕

ប្រភព៖ kleykley

គួរដឹង4 weeks ago

រកឃើញ​មូលហេតុ​ដែល​កំពូល​អធិរាជ​ច្បាំង​មិនដែល​ចាញ់​របស់​ម៉ុង​ហ្គោល​ដកថយ​ពី​ហុង​គ្រី​! កុំ​អី​ទ្វីបអឺរ៉ុប​ទាំងមូល​ខ្ញី​របស់កូនចៅ​សង់​ស៊ី​ខាន់​

បែបផែនជីវិត4 weeks ago

សូមចំណាយពេលរបស់អ្នក ៤-១០នាទីអានអត្ថបទនេះ ដើម្បីទទួលបាននូវគំនិតអប់រំមួយចំនួនពីសង្គមរស់នៅបច្ចុប្បន្ន

គួរដឹង2 weeks ago

ដំបូន្មានចំពោះមនុស្សមានអាយុលើសពី៤០ឆ្នាំ

ថ្មីៗ3 weeks ago

ចាប់ពីពេលនេះទៅ ជួបរឿងអយុត្តិធម៌ គ្រាន់តែខំមិនចូលផេកសម្ដេចក្រឡាហោម ស ខេង នោះសម្ដេចនឹងដោះស្រាយរាល់សំណូមពររបស់បងប្អូនប្រជាពលរដ្ឋ

ថ្មីៗ2 weeks ago

បើមិនចង់ទឹកភ្នែក ! ឡានដែលមិនទាន់កាត់ឈ្មោះឆាប់ទៅកាត់ឲ្យហើយ ប្រយ័ត្នស៊យធំជួបហានិភ័យ៦ចំនុចនេះ

Trending

Copyright © 2019 ANARCHAK