ហួសចិត្តពេលដែលដឹងថាមហាសេដ្ឋីអាស៊ី Jack Ma ធ្វើរឿងទាំងអស់នេះ
Connect with us

គួរដឹង

ហួសចិត្តពេលដែលដឹងថាមហាសេដ្ឋីអាស៊ី Jack Ma ធ្វើរឿងទាំងអស់នេះ

ស្ថាបនិកក្រុមហ៊ុនអាលីបាបា លោកJack Ma គឺជាមហាសេដ្ឋីល្បីឈ្មោះម្នាក់ក្នុងសម័យបច្ចេកវិទ្យាបច្ចុប្បន្ន។ ពេលដែលគេនិយាយដល់លោក Jack Ma គេតែងគិតដល់ភាពត្រចះត្រចង់របស់លោក ប៉ុន្តែគ្មាននរណាដឹងច្រើននោះទេអំពីរឿងរបស់លោក ដែលគេមិននឹកស្មានដល់មួយចំនួន។

១. ការដាក់ឈ្មោះAlibaba ឲ្យក្រុមហ៊ុនរបស់គាត់

សូម្បីតែការដាក់ឈ្មោះឲ្យក្រុមហ៊ុនរបស់គាត់ លោក​Jack Ma ជ្រើសរើសឈ្មោះ Alibaba នេះមិនមែនជាការចៃដន្យនោះទេ។ រឿងនិទាន អាលីបាបា ត្រូវបានគេស្គាល់ពាសពេញពិភពលោក ហើយការដាក់ឈ្មោះនេះឲ្យក្រុមហ៊ុនរបស់លោក គឺក្នុងគោលបំណងឲ្យគេស្គាល់ក្រុមហ៊ុនរបស់លោកឲ្យបានច្រើនដូចរឿងនិទាននោះដែរ។ មិនតែប៉ុណ្ណោះ Alibaba ចាប់ផ្តើមដោយអក្សរ A ដែលងាយស្រួលសម្រាប់គេស្វែងរកជានិច្ច។

២. ធ្លាប់ឆ្ងល់ទេថាឈ្មោះJack Ma របស់គាត់បានមកដោយរបៀបណា?

ជារឿងមួយមិនគួរឲ្យជឿដែរ ដែលឈ្មោះ Jack Ma នេះគឺត្រូវបានដាក់ឲ្យដោយស្រ្តីបរទេសម្នាក់ ដោយសារតែនាងពិបាកហៅឈ្មោះ Ma Yun ដែលជាឈ្មោះពិតរបស់ Jack Ma។ ដូច្នេះ Jack Ma ក៏ប្រើឈ្មោះនោះរហូតមកដល់សព្វថ្ងៃ។

៣. រឿងអង់គ្លេសខ្លួនឯង

ដើម្បីរៀនភាសាអង់គ្លេស លោកបានចំណាយពេល៩ឆ្នាំ ដោយជិះកង់រយៈ៤០នាទីទៅសណ្ឋាគារធំៗ និងនាំទេសចរបរទេសដើរលេងទីក្រុង Hangzhou ដោយមិនគិតថ្លៃអ្វីទាំងអស់។ ការណ៍ដែលលោកធ្វើបែបនេះក៏ដោយសារតែគ្មានសាលាអង់គ្លេសរៀន និងសៀវភៅអង់គ្លេសត្រឹមត្រូវសម្រាប់គាត់រៀននោះទេ។ ប៉ុន្តែពេលដែលគាត់នាំភ្ញៀវដើរលេងនេះ ក៏ធ្វើឲ្យលោកអាចថែមទាំងរៀនសូត្របានច្រើនពីចំណេះដឹងថ្មីៗជាច្រើនដែលលោកមិនបានរៀននៅសាលា។

៤. គេបដិសេធរហូត

មុនទទួលបានជោគជ័យដូចសព្វថ្ងៃ មហាសេដ្ឋីរូបនេះត្រូវបានគេបដិសេធរាប់មិនអស់នោះទេ។ លោកដាក់ពាក្យធ្វើការជាង៣០កន្លែង លោកត្រូវបានគេបដិសេធទាំង៣០កន្លែង។ លោកដាក់ពាក្យធ្វើការនៅKFC ក្នុងចំណោមអ្នកដាក់ពាក្យទាំង២៣នាក់ គេជាប់ទាំងអស់ តែធ្លាក់តែJack Ma មួយរូបគត់។ លោកក៏ធ្លាប់ដាក់ពាក្យទៅរៀននៅសាកលវិទ្យាល័យអាមេរិច Harvard ១០ដង តែលោកក៏ត្រូវបានគេបដិសេធទាំង១០ដងផងដែរ។

៥. Beer ជាអ្វីដែលJack Ma ស្វែងរកក្នុងអុីនធឺណែតមុនដំបូងគេបង្អស់

លោកបានមកដល់ទឹកដីប្រទេសអាមេរិចនៅឆ្នាំ ១៩៩៥ ដែលជាឆ្នាំដំបូងដែលលោកប្រើប្រាស់អុីនធឺណែត ដោយស្វែងរកពាក្យBeer មុនគេបង្អស់។ បន្ទាប់មកគាត់ស្វែងរកពាក្យ China ប៉ុន្តែគាត់មិនទទួលបានពត៌មានអ្វីទាំងអស់ពីពាក្យដែលគាត់ស្វែងរកនោះ។ ដោយហេតុនេះ គាត់ត្រូវបានជំរុញទឹកចិត្តដើម្បីបង្កើតអ្វីមួយដើម្បីធ្វើឲ្យពត៌មានទាក់ទងនឹងចិនបង្ហាញឡើង ហើយនេះជាអ្វីដែលគាត់បង្កើតគេហទំព័រភាសាចិន Alibaba ឡើង៕

ប្រភព៖ Localnews

មតិយោបល់

គួរដឹង2 hours ago

ភ្ងាក់ខ្លួនព្រើត! ចំណុចខ្លាំងទាំង៨ ជួយវៀតណាមពីប្រទេសក្រីក្រទៅជាខ្លាសេដ្ឋកិច្ចអាស៊ី!

គួរដឹង2 hours ago

អស់បារម្ភពិបាករៀនឬទន្ទេញ! អ្នកវិទ្យាសាស្ដ្ររកឃើញ “បន្ទះឈីប”បញ្ចូលចំណេះដឹងចូលក្នុងខួរក្បាល

ពីនេះពីនោះ6 hours ago

សាហាវណាស់! ប្តីដែលលួចទៅការប្រពន្ធថ្មីស្ងាត់ៗ គឺធ្លាប់ប្រើអំពើហិង្សា និងគំរាមអារក សម្លាប់ប្រពន្ធ ហើយថែមទាំងចោទប្រពន្ធថាលួចលុយចំនួន…(មានវីដេអូ)

ពីនេះពីនោះ7 hours ago

រំភើបស្ទើរស្រក់ទឹកភ្នែក! ពេលនេះ កីឡាការិនីតេក្វាន់ដូកម្ពុជា ស៊ន សៀវម៉ី ដណ្តើមបានមេដាយមាសជូនជាតិហើយ ក្រោយឈ្នះម្ចាស់ផ្ទះហ្វីលីពីន (មានវីដេអូ)

ពីនេះពីនោះ12 hours ago

ព្រោះតែជំងឺបាក់ទឹកចិត្ត ធ្វើឲ្យកូនខ្មែរដ៏ពូកែមួយរូបមានសតិមិនល្អ និងធ្លាក់ខ្លួនជាអ្នកសុំទាន តែគាត់នៅតែរក្សាទ្រឹស្តីល្អៗ និងនិយាយភាសាបរទេសបានល្អដដែល (មានវីដេអូ)

Trending

Copyright © 2019 ANARCHAK