លើកមុខមាត់ជាតិណាស់! ចៅស្រីសម្ដេចជាប់ចំណាត់ថ្នាក់លេខ១ ផ្នែកគណិតវិទ្យាកម្រិតពិភពលោក!
Connect with us

ទាក់ទាញ

លើកមុខមាត់ជាតិណាស់! ចៅស្រីសម្ដេចជាប់ចំណាត់ថ្នាក់លេខ១ ផ្នែកគណិតវិទ្យាកម្រិតពិភពលោក!

ពិតជាគួរឲ្យមោទនភាពកុមារីរបស់កម្ពុជាមួយរូប បានសាងភាពល្បាញល្បីលើឆាកអន្តរជាតិ តាមរយៈការប្រកួតប្រជែងសមត្ថភាពផ្នែកគណិតវិទ្យាកម្រិតពិភពលោកមួយ ហើយដណ្តើមបានចំណាត់ថ្នាក់លេខ១ នោះគឺ ហ៊ុន ពេជ្រមុន្នីលីណា ជាចៅស្រីរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

លទ្ធផលដែលបង្ហាញនៅលើគេហទំព័រប្រឡងគណិតវិទ្យាកម្រិតពិភពលោកបានបង្ហាញថា កុមារី ហ៊ុន ពេជ្រមុន្នីលីណា បានឈរនៅលើកំពូលតារាងសម្រាប់ការប្រកួតប្រជែងកម្រិតពិភពលោកជាមួយពិន្ទុ ១១,៩៩០។ ហើយបានចំណាត់កំពូលតារាងសម្រាប់ការប្រកួតប្រជែងកម្រិតអាស៊ីផងដែរ ជាមួយពិន្ទុ ១១,៣៩០។

ចំពោះការប្រកួតនេះគឺ មានការប្រកួតប្រជែងគណិតវិទ្យារបស់កុមារា កុមារី មកពីប្រទេសជាច្រើននៅលើពិភពលោក។តាមរយៈបញ្ញាញៀនដ៏វៃឆ្លាតរបស់កុមារី ហ៊ុន ពេជ្រមុន្នីលីណា ដណ្តើមយកចំណាត់ថ្នាក់លេខ១ ក្នុងការប្រកួតប្រជែងគណិតវិទ្យានេះ ជាការនាំមកនូវមោទនភាពសម្រាប់កុមារកម្ពុជា និងជាតិកម្ពុជាផងដែរ។

លទ្ធផលនេះ ក៏បានលើកតម្លៃផងដែរ ពីការអប់រំនៅកម្ពុជានាពេលបច្ចុប្បន្ន ហើយបានបង្ហាញថា ភាពវៃឆ្លាតរបស់កុមារកម្ពុជា មិនចាញ់កុមារនៅលើពិភពលោកនោះឡើយ។ សូមជម្រាបផងដែរថា កុមារី ហ៊ុន ពេជ្រមុន្នីលីណា ជាកូនស្រីទី ២របស់លោក ហ៊ុន ម៉ាណែត និងលោកស្រី ពេជ ចន្ទមុន្នី៕ (freshnews)

មតិយោបល់

Trending