ប៉ាស្ព័រជប៉ុនហក់ឡើងចំណាត់ថ្នាក់លេខ ១ មានតម្លៃជាងគេលើលោក! ចុះប៉ាស្ព័រខ្មែរយើងវិញដឹងនៅលេខប៉ុន្មានអត់?
Connect with us

គួរដឹង

ប៉ាស្ព័រជប៉ុនហក់ឡើងចំណាត់ថ្នាក់លេខ ១ មានតម្លៃជាងគេលើលោក! ចុះប៉ាស្ព័រខ្មែរយើងវិញដឹងនៅលេខប៉ុន្មានអត់?

យោងតាមតារាង Henley Passport Index, Henley & Partners ដែលជាក្រុមហ៊ុនផ្តល់ប្រឹក្សាលើលំនៅដ្ឋាន និងសញ្ជាតិ ដែលបានប្រកាសក្នុងព្រឹត្តិបត្រព័ត៌មានមួយ កាលពីថ្ងៃអង្គារកន្លងទៅនេះ ជប៉ុនបានដណ្តើមតំណែងលេខ១ ពីសិង្ហបុរី ក្នុងនាមប្រទេសម្ចាស់លិខិតឆ្លងដែនដែលមានឥទ្ធិពលខ្លាំងបំផុតក្នុងលោក។

បន្ទាប់ពីទទួលបានការអនុញ្ញាតឱ្យចូលទៅប្រទេសមីយ៉ាន់ម៉ា ដោយមិនចាំបាច់មានទិដ្ឋាការ (Visa) កាលពីដើមខែនេះ ជនជាតិជប៉ុនដែលមានលិខិតឆ្លងដែន អាចចូលទៅគោលដៅចំនួន ១៩០ ដោយមិនបាច់ស្នើសុំទិដ្ឋាការ ខណៈសិង្ហបុរីនៅប្រកៀកគ្នាបំផុតក្នុងគោលដៅចំនួន ១៨៩។

គួរឱ្យដឹងថា ជប៉ុន និងសិង្ហបុរី បានប្រជែងគ្នាយ៉ាងស្វិតស្វាញ តាំងពីប្រទេសជឿនលឿនទាំងពីរ ហក់ឡើងមកចំណាត់ថ្នាក់កំពូលៗ កាលពីខែកុម្ភៈ។ 

ក្នុងត្រីមាសចុងក្រោយនេះ អាល្លឺម៉ង់បានធ្លាក់មកលេខ៣ ដែលជាចំណាត់ថ្នាក់ត្រួតគ្នាជាមួយកូរ៉េខាងត្បូង និងបារាំង។ រីឯដាណឺម៉ាក ហ្វាំងឡង់ អ៊ីតាលី ស៊ុយអ៊ែត និងអេស្ប៉ាញ សុទ្ធតែឈរក្នុងលេខរៀងទី ៤ ដោយពលរដ្ឋរបស់ខ្លួនអាចធ្វើដំណើរទៅគោលដៅចំនួន ១៨៧។

ចំណែកប្រទេសដែលនៅបាតតារាងគឺ អ៊ីរ៉ាក់ និងអាហ្វហ្គានីស្ថាន ដែលពលរដ្ឋរបស់ខ្លួនអាចធ្វើដំណើរទៅគោលដៅ ៣០ ប៉ុណ្ណោះដោយមិនបាច់មានទិដ្ឋាការ។

ដោយឡែក កម្ពុជាស្ថិតនៅចំណាត់ថ្នាក់ទី ៨៧ ជាមួយប្រទេស នីហ្សេរ  រវ៉ាន់ដា និង តូហ្គូ ដោយអាចធ្វើដំណើរទៅគោលដៅចំនួន ៥៤ ដោយមិនត្រូវការទិដ្ឋាការ។  

គួរបញ្ជាក់ថា តារាង Henley Passport Index ធ្វើចំណាត់ថ្នាក់លិខិតឆ្លងដែនគ្រប់ប្រទេសក្នុងពិភពលោក ដោយយោងតាមចំនួននៃប្រទេសដែលម្ចាស់លិខិតឆ្លងដែនអាចធ្វើដំណើរទៅបានដោយមិនចាំបាច់ស្នើសុំទិដ្ឋាការ។

តារាងនេះត្រូវបានធ្វើបច្ចុប្បន្នភាពភ្លាមៗ នៅពេលដែលការផ្លាស់ប្តូរគោលការណ៍នៃទិដ្ឋាការ ចាប់ផ្តើមចូលជាធរមាន ហើយការធ្វើចំណាត់ថ្នាក់នេះគឺយោងតាមទិន្នន័យពីសមាគមលិខិតឆ្លងដែននៃជើងហោះហើរអន្តរជាតិ និងតាមរយៈការស្រាវជ្រាវដោយផ្ទាល់៕ (khmerload)

មតិយោបល់

ពីនេះពីនោះ42 mins ago

សាហាវណាស់! ប្តីដែលលួចទៅការប្រពន្ធថ្មីស្ងាត់ៗ គឺធ្លាប់ប្រើអំពើហិង្សា និងគំរាមអារក សម្លាប់ប្រពន្ធ ហើយថែមទាំងចោទប្រពន្ធថាលួចលុយចំនួន…(មានវីដេអូ)

ពីនេះពីនោះ60 mins ago

រំភើបស្ទើរស្រក់ទឹកភ្នែក! ពេលនេះ កីឡាការិនីតេក្វាន់ដូកម្ពុជា ស៊ន សៀវម៉ី ដណ្តើមបានមេដាយមាសជូនជាតិហើយ ក្រោយឈ្នះម្ចាស់ផ្ទះហ្វីលីពីន (មានវីដេអូ)

ពីនេះពីនោះ7 hours ago

ព្រោះតែជំងឺបាក់ទឹកចិត្ត ធ្វើឲ្យកូនខ្មែរដ៏ពូកែមួយរូបមានសតិមិនល្អ និងធ្លាក់ខ្លួនជាអ្នកសុំទាន តែគាត់នៅតែរក្សាទ្រឹស្តីល្អៗ និងនិយាយភាសាបរទេសបានល្អដដែល (មានវីដេអូ)

ពីនេះពីនោះ7 hours ago

ជួយស៊ែរលើកទឹកចិត្ត និងជូនពរដល់ កីឡាការិនីកម្ពុជា ស៊ន សៀវម៉ី ដែលត្រូវប្រកួតជាមួយកីឡាការិនីវៀតណាម នៅវេលាម៉ោង…

ថ្មីៗ19 hours ago

ជួយគាំទ្រ! ងាកមកប្រើទុយោបំពង់ឫស្សី ១ដើមត្រឹមតែ១០០រៀល រួមគ្នាកាត់បន្ថយផ្លាស្ទិកដើម្បីបរិស្ថាន

Trending

Copyright © 2019 ANARCHAK