រដ្ឋបាលខេត្តព្រះសីហនុ៖ ទឹកបឹងព្រែកទប់ លែងជាប្រភពផ្គត់ផ្គង់ទឹកស្អាតទៀតហើយសំរាប់អ្នកក្រុងព្រះសីហនុ
Connect with us

ថ្មីៗ

រដ្ឋបាលខេត្តព្រះសីហនុ៖ ទឹកបឹងព្រែកទប់ លែងជាប្រភពផ្គត់ផ្គង់ទឹកស្អាតទៀតហើយសំរាប់អ្នកក្រុងព្រះសីហនុ

ភ្នំពេញ៖ ទឹកបឹងព្រែកទប់ លែងជាប្រភពផ្គត់ផ្គង់ ទឹកស្អាតសំរាប់អ្នកក្រុងព្រះសីហនុ ប្រើប្រាស់ទៀតហើយ ដោយសារថ្មីៗនេះរាជរដ្ឋាភិបាល បានផ្តល់សិទ្ធិឲ្យក្រុមហ៊ុនឯកជន ដោយកាត់ផ្ទៃបឹងមួយចំណែក សំរាប់ធ្វើការអភិវឌ្ឍ និងមួយភាគធំទៀតសំរាប់ កែលម្អរឲ្យទៅជាសួន រមណីយដ្ឋានទេសចរណ៍ ។ នេះបើតាមការផ្សព្វផ្សាយ ពីគេហទំព័រររបស់ រដ្ឋបាលខេត្តព្រះសីហនុ ចេញផ្សាយមុននេះបន្តិច នារសៀលថ្ងៃទី១៨ ខែតុលា ឆ្នាំ២០១៨ ។

ក្នុងគម្រោងដែលបានគ្រោងទុក ក៏មានសាងសង់នូវផ្លូវកាត់ ដើម្បីបញ្ជៀសចរាចរ ព្រមទាំងមានការរៀបចំតុបតែង លម្អដោយភ្លើងពណ៌ផងដែរ ។ ការរៀបចំកែលម្អផ្ទៃបឹងនេះ នឹងត្រូវធ្វើឡើងប្រកបដោយ លក្ខណៈបច្ចេកទេសខ្ពស់ ព្រមទាំងឲ្យក្លាយទៅជា រមណីយ៍ដ្ឋានទេសចរណ៍ កំសាន្តដែលមានភាពទាក់ទាញ សំរាប់ភ្ញៀវទេសចរជាតិ និងអន្តរជាតិមកទស្សនាកំសាន្ត ។

ចំពោះប្រភពទឹកស្អាត ដែលត្រូវផ្គត់ឲ្យការប្រើប្រាស់ របស់ប្រជាពលរដ្ឋនៅ ទូទាំងខេត្តព្រះសីហនុ ត្រូវបានយកចេញពីអាងស្តុក ទឹកតំបន់ក្បាលឆាយ ដែលជាប្រភពទឹកធម្មជាតិ មានវិសាលភាពផ្គត់ផ្គង់ លើការប្រើប្រាស់គ្មានការព្រួយបារម្មណ៍ ជំនួសបឹងព្រែកទប់ ដែលពីមួយឆ្នាំ ទៅមួយឆ្នាំបានគោករាក់ និងបាត់បង់គុណភាព ៕

ប្រភព៖ dap-news.com

មតិយោបល់

Trending

Copyright © 2019 ANARCHAK