ពីក្មេងក្រីក្រកំព្រាម្តាយតំាងពីទើបកើត ក្លាយជាមហាសេដ្ឋីពាន់លានរបស់ប្រទេសចិន!
Connect with us

បែបផែនជីវិត

ពីក្មេងក្រីក្រកំព្រាម្តាយតំាងពីទើបកើត ក្លាយជាមហាសេដ្ឋីពាន់លានរបស់ប្រទេសចិន!

លោក Hui Ka Yan ជាប្រធានក្រុមហ៊ុន និងជាម្ចាស់ភាគហ៊ុនធំបំផុតរបស់ក្រុមហ៊ុន China Evergrande Group ជាក្រុមហ៊ុនអភិវឌ្ឍអចនទ្រព្យដែលបានកសាងគម្រោងច្រើនជាង ៥០០គម្រោងនៅក្នុង ២៨០ទីក្រុងក្នុងប្រទេសចិន។ ក្រុមហ៊ុនេះមានមូលដ្ឋាននៅទីក្រុងក្វាងចូវគឺជាក្រុមហ៊ុនអភិវឌ្ឍន៍អចលនទ្រព្យធំបំផុតទី២ របស់ចិន។

លោក Hui មានឈ្មោះជាភាសាចិនកុកងឺហៅថា Xu Jiayin បានកើតនៅក្នុងក្រុមគ្រួសារក្រីក្រ​ និងចំណាស់មួយនៅខេត្ដហឺណាន (Henan)។ ក្រោយពេលលោកកើតបាន៨ខែ ជាអកុសលម្តាយរបស់លោកក៏បានលាចាកលោក ធ្វើឲ្យលោក Hui ក្លាយជាកូនកំព្រាម្តាយគួរឲ្យកំសត់ ដោយទទួលបានការចិញ្ជឹមបីបាច់ថែរក្សាពីជីជូនរបស់គាត់ ដែលអ្នកធ្វើទឹកខ្មេះលក់ផលិតដោយដៃ និងឪពុករបស់លោកជាអ្នករកស៊ីកាប់យើង ដើម្បីយកប្រាក់មកផ្តគ់ផ្គង់គ្រួសារ​។

ហេតុតែគ្រួសារក្រីក្រពេក ធ្វើឲ្យឪពុករបស់ Hui Ka Yan ស្ទើរតែគ្មានលទ្ធភាពបញ្ជូនកូនទៅសាលារៀនផង តែលោកមានជំនឿយ៉ាងមុតមាំថា “ ចំណេះដឹង នឹងផ្លាស់ប្តូរវាសនារបស់មនុស្ស”។

ក្រោយមកលោក Hui ក៏បានក្លាយនិស្សិតម្នាក់ ក្នុងចំណោមនិស្សិតដែលចូលរៀនថ្នាក់មហាវិទ្យាល័យ ក្រោយពេលបញ្ចប់បដិវត្តវប្បធម៌របស់ម៉ៅសេទុង។ នៅពេលបញ្ចប់ការសិក្សាគាត់ត្រូវបានគេចាត់ឱ្យទៅធ្វើការនៅក្រុមហ៊ុនដែកថែបរដ្ឋមួយនៅក្នុងខេត្តកំណើតរបស់គាត់។ ក្រោយពេលបំពេញការងារអស់ជាច្រើនឆ្នាំ លោក Hui បានឡើងដំណែងពីអ្នកបច្ចេកទេសទៅប្រធាននាយកដ្ឋាននិងជាអ្នកគ្រប់គ្រង។

នៅក្នុងកំឡុងឆ្នាំ ១៩៩២ លោកបានធ្វើដំណើរឆ្ពោះទៅភាគខាងត្បូងឆ្ពោះទៅ Shenzhen ជាតំបន់សេដ្ឋកិច្ចពិសេសដំបូងបង្អស់របស់ចិនដែលលោកបានចូលក្នុងទីផ្សារអចលនទ្រព្យ។ ប្រាំឆ្នាំក្រោយមកលោក Hui បានបង្កើត Evergrande និងបានជោគជ័យក្នុងការអភិវឌ្ឍន៍អចលនទ្រព្យនៅក្វាងចូវ (Guangzhou) ដែលជាទីក្រុងរដ្ឋធានីនៃខេត្តក្វាងទុងភាគអាគ្នេយ៍។

លោក Hui Ka Yan បច្ចុប្បន្នគឺជាមហាសេដ្ឋីអចនទ្រព្យដែលមានជាងគេ ក្នុងចំណោមអ្នកមានជាងគេទាំង១០នៅប្រទេសចិន និងជអ្នកមានជាងគេបំផុតទី៦០ នៅលើពិភពលោក ដែលមានទ្រព្យសម្បត្តិសរុបចំនួន ៣៧.២ពាន់លានដុល្លារអាមេរិកគិតត្រឹមម៉ោងនេះ៕

មតិយោបល់

ពេញនិយម