គួរដឹង
ជួយ Share តគ្នាផង! ក្រសួងសុខាភិបាលប្រកាសបន្ទាន់ ហាមមិនឱ្យទិញថ្នាំមួយប្រភេទនេះដែលនាំចូលពីចិន
ក្រសួងសុខាភិបាលបានសម្រេចលុបបញ្ជិកាវ៉ាក់សាំងការពារជំងឺឆ្កែឆ្កួតលើមនុស្ស មួយប្រភេទឈ្មោះ Rabies Vaccine ដែលផលិតដោយគ្រឹះស្ថានផលិតឱសថ Changchun Changsheng Life Sciences Ltd., នៃប្រទេសចិន។ ជាមួយគ្នានេះដែរក្រសួងបានប្រាប់ឲ្យក្រុមហ៊ុននេះ ប្រមូលវ៉ាក់សាំងប្រភេទនេះ ពីទីផ្សារនៅកម្ពុជាវិញជាបន្ទាន់។
ថ្លែងនៅក្នុងសេចក្តីជូនដំណឹងរបស់ក្រសួងសុខាភិបាល លោកឱសថការី ជូ យិនស៊ីម រដ្ឋលេខាធិការក្រសួងសុខាភិបាល បានឲ្យដឹងថា ឱសថ Rabies Vaccineនេះ (Purified Rabies Vaccine,.2.5IU) មានគុណភាពក្រោមកម្រិតស្ដង់ដារ ដែលមិនអាចយកប្រើប្រាស់បានឡើយ។រដ្ឋលេខាធិការនៃក្រសួងសុខាភិបាលរូបនោះបានបញ្ជាក់ដូច្នេះថា «ការសម្រេចលុបបញ្ជីឱសថដែលបានលើកឡើងខាងលើ ក្នុងគោលបំណងដើម្បីធានាគុណភាព សុវត្ថិភាព និងប្រសិទ្ធភាព ជូនដល់អ្នកប្រើប្រាស់ ហើយការសម្រេចលុបនេះ ចាប់ពីថ្ងៃជូនដំណឹងនេះទៅ»។
លោកបានណែនាំដល់ក្រុមហ៊ុន និងគ្រឹះស្ថានផលិតឱសថ ដែលពាក់ព័ន្ធត្រូវប្រមូលឱសថ Rabies Vaccine ចេញពីឱសថស្ថាន ឱសថស្ថានរង និងសេវាសុខាភិបាលឯកជនទាំងអស់ បើពុំនោះទេក្រសួងនឹងចាត់វិធានការតាមផ្លូវច្បាប់។
ទន្ទឹមនឹងនេះនៅគ្រប់មន្ទីរពេទ្យរដ្ឋ ឯកជន គ្លីនិក បន្ទប់ពិគ្រោះនិងព្យាបាលជំងឺនិងសេវាព្យាបាលផ្សេងៗទៀតនិងគ្រប់គ្រឹះស្ថានលក់ឱសថទាំងអស់ត្រូវបញ្ឈប់ការប្រើប្រាស់និងតាំងលក់វ៉ាក់សាំងនេះចាប់ពីចេញសេចក្តីជូនដំណឹងនេះតទៅ។
ចំណែកមន្ទីរសុខាភិបាលរាជធានីខេត្តត្រូវធ្វើការណែនាំដល់គ្រឹះស្ថានអាហរ័ណនីហរ័ណត្រូវឈប់នាំចូលវ៉ាក់សាំងប្រភេទរីឯ ឱសថស្ថាន ឱសថស្ថានរងត្រូវបញ្ឈប់ការតាំងលក់ផងដែរ។ក្រសួងសុខាភិបាល នឹងមានវិធានការតាមផ្លូវច្បាប់តឹងរ៉ឹងចំពោះគ្រឹះស្ថានអាហរ័ណនីហរ័ណឱសថស្ថាន ឱសថស្ថានរងដែលនៅតែបន្តការនាំចូលឬតាំងលក់វ៉ាក់សាំងប្រភេទនេះនោះ។
លោកឱសថការីជូយិនស៊ីមបានបញ្ជាក់ថា ឱសថប្រភេទនេះ បានផលិតដោយគ្រឹះស្ថានផលិតឱសថ Changchun Changsheng Life Sciences Ltd., China ដែលនាំចូលដោយក្រុមហ៊ុន K-Man Pharma Co., Ltd។ក្រុមហ៊ុននេះ បានចុះបញ្ជិកាវ៉ាក់សាំងប្រភេទនេះ កាលពីថ្ងៃទី១១ ខែមេសា ឆ្នាំ២០១៦កន្លងទៅនេះ។
លោកវេជ្ជបណ្ឌិតលី សូវ៉ាន់ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលធ្លាប់បានមានប្រសាសន៍ថា «អាចមានប្រជាពលរដ្ឋកម្ពុជាស្លាប់ដោយសារជំងឺឆ្កែឆ្កួតកើនដល់៦០០នាក់ ជារៀងរាល់ឆ្នាំ។ លោកបានបន្តថា ថាជំងឺឆ្កែឆ្កួតនេះគឺជាជំងឺមួយកាចសាហាវ យើងមានដាក់នូវជំងឺនេះក្នុងប្រព័ន្ធតាមដានជំងឺឆ្លងដែលជាជំងឺមួយក្នុងប្រព័ន្ធប្រកាសអាសន្ន។ ការរាយការណ៍របស់ប្រជាពលរដ្ឋមិនទាន់បានល្អនៅឡើយទេ។ ជាផ្លូវការយើងទទួលបានត្រឹមតែ២ ឬ៣ករណីទេ ដែលបញ្ជាក់ថា មានជំងឺឆ្កែឆ្កួត ប៉ុន្តែបើតាមការអង្កេតសិក្សារបស់វិទ្យាស្ថាន ប៉ាស្ទ័រយើងអាចប៉ាន់ប្រមាណថា អ្នកដែលបង្កឲ្យមានជំងឺឆ្កែឆ្កួតនោះមានប្រមាណជាលើសពី៣០០ទៅ៦០០នាក់ ដែលបានស្លាប់ដោយសារជំងឺឆ្កែឆ្កួតនេះ»។
យោងតាមលោកលី សុវណ្ណ ជាង៩០ភាគរយនៃជំងឺឆ្កែឆ្កួតកើតមានចំពោះឆ្កែ ឆ្មា ជ្រូក គោ ក្របី និងប្រចៀវ។ ជំងឺឆ្កែឆ្កួតអាចឆ្លងមកមនុស្សបានយ៉ាងងាយ ប្រសិនបើមនុស្សនោះត្រូវសត្វទាំងនេះខាំ ឬគ្រាន់តែខ្វាចឲ្យរលាត់ចេញឈាមតែប៉ុណ្ណោះ។ ជំងឺនេះគឺជាជម្ងឺកាចសាហាវបំផុតមួយ ដោយសារតែពុំមានថ្នាំណាអាចព្យាបាលបានទេ ក៏ប៉ុន្ដែគេអាចមានថ្នាំការពារវាបាន។
លោក ឆេង កាន់ណារ៉ាន់ អនុប្រធានវិទ្យាស្ថានជាតិសុខភាពសាធារណៈបានឲ្យដឹងថា ប្រសិនបើអ្នកដែលត្រូវឆ្កែដែលមានជំងឺឆ្កែឆ្កួតខាំ ហើយមិនបានចាក់ថ្នាំការពារក្នុងរយៈពេល៧២ម៉ោងនោះទេ រយៈពេលចន្លោះពីមួយសប្តាហ៍ទៅ៦ខែ ក្រោយរោគសញ្ញាជំងឺឆ្កែឆ្កួត នឹងលេចចេញជារូបរាង។ នៅពេលនោះ អ្នកជំងឺមានអាការៈផ្លែកដូចជាវង្វេងវង្វាន់ហើយញាំមិនបាន។ រួចបន្ទាប់មកអ្នកជំងឺអាចស្លាប់ក្នុងរយៈដ៏ខ្លី។
លោកបន្តថា «ជំងឺនេះជាជំងឺដែលគេហៅថាអត់ទាន់មានការចាប់អារម្មណ៍ទេដោយសារតែយើងមានជំងឺផ្សេងទៀតច្រើនដែលវាផ្ទុះឡើង។ ប្រជាជនដោយសារគាត់ខ្វះព័ត៌មានច្រើនណាស់ តាមពិតទៅពីជំងឺនេះ សូម្បីតែបុគ្គលិកសុខាភិបាលក៏គាត់មិនបានយល់ច្បាស់ថា ជំងឺនេះវាមានទំហំប៉ុន្មាន វាមានគ្រោះថ្នាក់ដូចម្តេចក៏មិនទាន់បានយល់ច្បាស់ដែរ»៕
ប្រភព៖ khmershare
មតិយោបល់
ល្អណាស់! «តំណាងក្រុមហ៊ុនលំដាប់ពិភពលោកមួយ» គ្រោងនាំយកបច្ចេកវិទ្យាទំនើបដើម្បីអភិវឌ្ឍន៍ខ្សែសង្វាក់តម្លៃ «ស្រូវអង្ករកម្ពុជា»
ពិតជាអរគុណដល់ទឹកចិត្ត «ជប៉ុន» ដែលបានជួយ «ឡានក្រុង» ដល់កម្ពុជាចំនួន ៨០ គ្រឿង
តើអ្នកធ្លាប់ដឹងទេ «នីវ៉ូទឹកសមុទ្រ»ជាអ្វី ហើយគេវាស់វាដោយរបៀបណា ?
«ស្ថានទូតកម្ពុជានៅជប៉ុន» បានប្រកាសឱ្យពលរដ្ឋ និងនិស្សិតខ្មែរប្រុងប្រយ័ត្នចំពោះ «រលកសូណាមិ» នៅជប៉ុន
ចាប់ពីថ្ងៃទី ២០-២៦ ភ្លៀងនឹងនៅតែបន្តរធ្លាក់ ដោយក្នុងនោះមានលាយឡំជាមួយបាតុភូត ផ្គររន្ទះ និងខ្យល់កន្ត្រាក់
កុំឲក្មេងសួរអត់ដឹង! នេះជា «ប្រវត្តិនៃនំបញ្ចុកខ្មែរ» ដែលកូនខ្មែរជំនាន់ក្រោយមិនសូវបានដឹង
កំហឹងកាន់តែផ្ទុះ! «ជនជាតិចិន» អ្នកជាតិនិយមនាំគ្នាបោក Iphone ចោល ក្រោយអាមេរិកធ្វើឲ Huawei រងការឈឺចាប់
អ្នកប្រកាន់យក «ទស្សនៈអញនិយម» អានអត្ថបទនេះហើយនឹងភ្លឺភ្នែកច្បាស់
ក្តៅមែនទែនហើយ ! ក្រុមហ៊ុន «Microsoft » បានប្រកាសទាំងយប់សម្រេចចិត្តដាក់ទណ្ឌកម្មលើ «Huawei» ដូចក្រុមហ៊ុន Google ដែរ
បន្ទាន់ណាស់ ! «អង្គការសុខភាពពិភពលោក WHO» ហាមឪពុកម្ដាយកុំឲកុមារក្រោមអាយុ ៤ ឆ្នាំលេងទូរស័ព្ទឲសោះ ព្រោះវាប៉ះពាល់ធ្ងន់ណាស់ដល់ពួកគេ
-
ថ្មីៗ8 months agoស៊ែរបន្ទាន់! ពលរដ្ឋខ្មែរ គ-ថ្លង់ពីកំណើត ពេលនេះអាចស្ដាប់ និងនិយាយបាន១០០% ដោយការវះកាត់បច្ចេកវិទ្យាទំនើប!
-
គួរដឹង1 year agoឯកសារដ៏កម្រស្ដីពីការបែកបាក់បន្ទាយលង្វែក! នេះជាប្រវត្តិសាស្ដ្រដែលកូនខ្មែរគ្រប់រូបគួរដឹង!
-
គួរដឹង1 year agoវិធីគ្រប់គ្រងមនុស្សទាំង៦យ៉ាង ដែលមានប្រសិទ្ធិភាពបំផុតសម្រាប់អ្នកដឹកនាំ!
-
គួរដឹង3 months agoតោះ! សូមមកដឹងទាំងអស់គ្នា តើរណ្តាប់សម្រាប់ទទួលទេវតាឆ្នាំថ្មី “ឆ្នាំកុរ” មានអ្វីខ្លះ?
-
គួរដឹង2 weeks agoកុំឲក្មេងសួរអត់ដឹង! នេះជា «ប្រវត្តិនៃនំបញ្ចុកខ្មែរ» ដែលកូនខ្មែរជំនាន់ក្រោយមិនសូវបានដឹង
-
គួរដឹង2 years agoអីយ៉ា! វែបសាយទាំងនេះដឹងតែជាទីពេញចិត្តរបស់ប្រុសៗតែម្ដង!
-
គួរដឹង2 months agoដឹងពីវិធីទាំងនេះដើម្បីជៀសផុតពីរឿងមិនល្អផ្សេងៗក្នុងសណ្ឋាគារឬផ្ទះសំណាក់
-
បែបផែនជីវិត2 years agoស្ដ្រីចំណាស់សួរទៅព្រះពុទ្ធថា៖ “ធ្វើម្ដេចទើបឈប់ក្រ?” ទ្រង់មានពុទ្ធដីកាតបយ៉ាងមានអត្ថន័យ!