យី បន្លំខ្លួនធ្វើជាអ្នកដឹកឥវ៉ាន់អោយគេស្រាប់តែលួចទិញពេជ្រអោយប្រពន្ធរាប់ម៉ឺនដុល្លារ
Connect with us

គ្រួសារ & ស្នេហា

យី បន្លំខ្លួនធ្វើជាអ្នកដឹកឥវ៉ាន់អោយគេស្រាប់តែលួចទិញពេជ្រអោយប្រពន្ធរាប់ម៉ឺនដុល្លារ

គេថាមនុស្សមិនអាចមើលតែសម្បកក្រៅបានទេ ព្រោះអ្នកខ្លះធ្វើខ្លួនសាមញ្ញបំផុតប៉ុន្តែអាចមានលទ្ធភាពទិញរបស់មានតម្លៃជាច្រើន ហើយអាចបំពេញចិត្តមនុស្សជាទីស្រលាញ់មិនអាចខ្វះចន្លោះឡើយ។ ជាក់ស្ដែង បុរសម្នាក់ជាថៅកែហាង ដែលធ្លាប់តែស្លៀកពាក់ខោខ្លី ធ្វើខ្លួនសាមញ្ញ ដឹកឥវ៉ាន់អោយភ្ញៀវ ពេលម៉ូតូឌុបមិននៅ ហើយបានទាំងលុយធីបផងនោះ បានធ្វើអោយប្រពន្ធរំភើបចិត្តព្រោះតែកាដូចិញ្ចៀនពេជ្រមួយវង់ តម្លៃជាង ៤ម៉ឺនដុល្លារ។

បើតាមការរៀបរាប់នៅលើគណនីហ្វេសប៊ុក របស់នារីជាប្រពន្ធឈ្មោះ Ngil Vaddarakalin បានអោយដឹងថា បុរសជាប្តីបានធ្វើអោយខ្លួនមានការភ្ញាក់ផ្អើលយ៉ាងខ្លាំងតែម្តងពេលស្ងាត់ៗទិញចិញ្ចៀនយកមកអោយទាំងយប់។ អ្នកនាងបាននិយាយថា កាលពីមុន ប្តីតែងប្រាប់ថា មិនអោយរបស់មានតម្លៃស្មើឡាន និងផ្ទះ ទៅពាក់លើដៃ វាមិនល្អឡើយ សុខចិត្តទុកលុយជាប់ខ្លួនដើម្បីរកស៊ីវិញប្រសើរជាង។

ស្រាប់តែពេលយប់ បុរសជាប្តីបានយកកាដូមកអោយប្រពន្ធហើយបើកមើលភ្លាម ក៏ឃើញចិញ្ចៀនពេជ្រមួយវង់ តម្លៃ ៤១៤៧១ ដុល្លារ។ ចិញ្ចៀនដ៏ភ្លឺចិញ្ចាចនោះ មានទំហំ ៨,១លី មានរចនាម៉ូដយ៉ាងស្រស់ស្អាត។ ឃើញបែបនេះប្រពន្ធមានអារម្មណ៏ថារំភើបចិត្តផង និងអាណិតប្តីផងព្រោះតែប្តីរបស់ខ្លួនជាមនុស្សសាមញ្ញ មិនចូលចិត្តបង្ហាញឡើយ ហើយមានពេលខ្លះស្លៀកខោខ្លី ដឹកឥវ៉ាន់អោយគេច្រឡំម៉ូតូឌុបក៏មាន។

អ្នកនាង Ngil Vaddarakalin បានរៀបរាប់ថា មានពេលមួយនោះ​ប្តីរបស់នាងស្លៀកខោខ្លី ដឹកឥវ៉ាន់អោយភ្ញៀវស្រាប់តែគេអោយលុយធីប ១០០០០រៀល ព្រោះស្មានតែម៉ូតូឌុប។​ មកដល់ផ្ទះវិញ ប្តីថែមទាំងអួតប្រពន្ធថែមទៀត។ ឃើញស្ងាត់ៗបែបនេះ ស្រាប់តែទិញចិញ្ចៀនពេជ្រអោយប្រពន្ធហើយប្រាប់ថា ឃើញឈឺពេក​ទើបទិញអោយដើម្បីសប្បាយចិត្តស្រស់ស្រាយឡើងវិញ កុំអោយទៅពេទ្យញឹក។

ខាងក្រោមនេះ ជាការបង្ហោះទាំងស្រុងរបស់អ្នកស្រី៖ “ដេកមិនលក់ទេលោកអើយ! ប្តីខ្ញុំចេះរៀនតាមគេមក surprise ប្រពន្ធទាំងយប់។ ប៉ុន្តែលើកនេះ បែបសាហាវម៉ង អោយតាប្រាប់ថាស្រលាញ់ គ្រាប់ធំហើយ Mention អោយមើលយាយដាក់ប្រពន្ធថាកុំយកឡាន ឬផ្ទះទៅពាក់លើដៃអត់ល្អទេអូន ទុកលុយទៅ។ គិតមិនដល់ថាហ៊ានទិញអោយសោះ អញ្ចឹងបានម៉ានយប់ហ្នឹងយល់សប់ល្អគិតថាមានលាភអីហើយ មែនទែន។ សុំសរសើរប្តីខ្ញុំមួយថ្ងៃមួយថ្ងៃពាក់តែខោខ្លីនៅហាង ពេលខ្លះទៅដឹកឥវ៉ាន់អោយទៀត ពេលស្ទះឥវ៉ាន់ពេក។ មានម៉ូយខ្ញុំខ្លះហុចលុយធីបអោយគាត់ទៀត​​ ពេលមកដល់ហាងគាត់អួតថា គេអោយលុយធីបគាត់ ១០០០០រៀល អត់មានអ្នកនឹកស្មានថាពូម៉ូតូឌុបមួយនេះមានលុយទិញ ពេជ្រ  ៨,១លី អោយប្រពន្ធទេ អ្នកដឹងបានដឹង។ បងប្អូនម៉ូយៗ បើឃើញមុខគាត់ដឹកឥវ៉ាន់អោយកុំភ្លេចអោយលុយគាត់ច្រើនៗផង៕ 

ប្រភព៖ Reak Reay

មតិយោបល់

ពេញនិយម