៤ ចំណុចដែលត្រូវដឹងចំពោះអ្នកដែលមានគម្រោងចង់បើកហាងកាហ្វេ Amazon!
Connect with us

គួរដឹង

៤ ចំណុចដែលត្រូវដឹងចំពោះអ្នកដែលមានគម្រោងចង់បើកហាងកាហ្វេ Amazon!


ប្រិយមិត្តប្រហែលជាចាប់អារម្មណ៍ហើយថានៅប្រទេសកម្ពុជាសព្វថ្ងៃជាពិសេសនៅរាជធានីភ្នំពេញអាជីវកម្មកាហ្វេបានរីកព្រោងព្រាត ដោយមានទាំងហាងខ្មែរ និងហាងបរទេស ហើយក្នុងនោះគេក៏សង្កេតឃើញស្លាកយីយោកាហ្វេល្បីមួយពីប្រទេសថៃ គឺ ហាងកាហ្វេអាម៉ាហ្សុន (Cafe Amazon) ដែលមានការគាំទ្រមិនចាញ់ហាងកាហ្វេដែលបើកមុនៗឡើយ។

អ្វីដែលគួរឱ្យកត់សម្គាល់គឺ ហាងកាហ្វេនេះថែមទាំងមានការលក់សិទ្ធិធុរកិច្ចដល់អាជីវករទាំងឡាយណាដែលមានចំណាប់អារម្មណ៍ និងលទ្ធភាពបំពេញលក្ខខណ្ឌគ្រប់គ្រាន់។ ចង់ដឹងថាលក្ខខណ្ឌទាំងនោះមានអ្វីខ្លះ សូមតាមដានចំណុចខាងក្រោមដែលដកស្រង់ចេញពីទំព័ររបស់ហាងកាហ្វេនេះតែម្ដង។

សូមជម្រាបជូនលោក លោកស្រី អ្នកនាងកញ្ញា ដែលជាអ្នកវិនិយោគទុនមេត្តាជ្រាប ពីលក្ខខណ្ឌខ្លះៗ ទាក់ទងនឹងការសុំសិទ្ធិធុរកិច្ច Café Amazon Franchise ដែលមានជាបន្តបន្ទាប់ដូចតទៅ៖

១. លក្ខណៈវិនិច្ឆ័យចំពោះទីតាំង

ទីតាំងលោកអ្នកត្រូវស្ថិតក្នុងទីប្រជុំជន មានចរាចរនៃអ្នកដំណើរឆ្លងកាត់ស្ថិតក្នុងកម្រិតខ្ពស់ដែលអាចទទួលយកបាន ដូចជានៅជិតសាលារៀន គ្រឹះស្ថានឧត្តមសិក្សា មន្ទីរពេទ្យ និងអគារការិយាល័យជាដើម។ ល។ទីតាំងលោកអ្នកថែមទាំងស្ថិតនៅក្បែរតំបន់ដែលជាទីពេញនិយមនៃយុវវ័យសម័យថ្មី ដែលមានចំណង់ចំណូលចិត្ត និងរចនាបទនៃជីវិតតាមបែបផែនយុគសម័យថ្មី ។ លើសពីនេះទៅទៀត ទីតាំងរបស់លោកអ្នកអំណោយផលមានចំណតងាយស្រួល ព្រមទាំង មានទីតាំងស្ថិតនៅឆ្ងាយពី ហាងកាហ្វេអាម៉ាហ្សូនដែលបានបើកដំណើរការមុន និងស្ថានីយប្រេងឥន្ធនៈភីធីធី យ៉ាងតិចក៏ក្នុងរយៈចំងាយពី ២គ.ម ទៅ ៣គ.ម ដែរ។

២. ការបណ្តាក់ទុនដំបូង

លោកអ្នកត្រូវបង់សេវាកម្មនៃការទទួលសិទ្ធិធុរកិច្ច Franchise ចំនួន ១៣,០០០ ដុល្លារអាមេរិច ដែលចំនួនទឹកប្រាក់នេះរួមបញ្ចូលទាំងថ្លៃសេវាកម្មរៀបចំហាងកាហ្វេ ថ្លៃសេវាកម្មរចនានិងគំនូសម៉ូត ព្រមទាំងផ្តល់ការហ្វឹកហ្វឺនដល់បុគ្គលិកចំនួន ៤រូប។ ដំណាក់កាលបន្ត លោកអ្នកត្រូវបង់ ៣ភាគរយ នៃតម្លៃសរុបកម្រៃប្រចាំខែ ដើម្បីជាវិភាគទានផ្នែកទីផ្សារ និង៣ភាគរយទៀតនៃតម្លៃសរុបកម្រៃប្រចាំខែដល់ក្រុមហ៊ុនផងដែរ។

៣. ឯកសារកិច្ចសន្យាផ្តល់សិទ្ធិធុរកិច្ចរយៈពេលចំនួន ៦ឆ្នាំ។

៤. លោកអ្នកត្រូវបង់ទឹកប្រាក់កក់ចំនួន ៣,០០០ ដុល្លារអាមេរិច

ទឹកប្រាក់នេះនឹងត្រូវបង្វិលជូនលោកអ្នកវិញនៅពេលដែលកិច្ចសន្យាផ្តល់សិទ្ធិធុរកិច្ចត្រូវបានបញ្ចប់ជាស្ថាបពរ។

ក្រុមការងារ Café Amazon នឹងផ្តល់នូវសេវាកម្មចំពោះលោកអ្នកដែលទទួលបាននូវការផ្តល់សិទ្ធិធុរកិច្ច ដែលជា franchisee ចាប់ផ្តើមតាំងពីដំណើរការនៃការរៀបចំហាង ហ្វឹកហ្វឺនបុគ្គលិក និងរៀបចំគ្រប់គ្រងដំណើរការទាំងមូលជាដើម។ លោកអ្នកដែលទទួលបាននូវការផ្តល់សិទ្ធិធុរកិច្ច ដែលជា franchisee មានភារៈទទួលខុសត្រូវលើការបណ្តាក់ទុន និងចំណាយទាំងឡាយលើបុគ្គលិកតែប៉ុណ្ណោះ។

ខាងលើជាលក្ខខណ្ឌចាំបាច់ដែលលោកអ្នកត្រូវមាន បើសិនជាមានចំណាប់អារម្មណ៍ចង់បណ្ដាក់ទុករកស៊ីជាមួយយីហោកាហ្វេដ៏ល្បីនេះ។ តើលោកអ្នកមានគ្រប់គ្រាន់ហើយឬនៅ? 

ចុចអានផ្សេងៗ៖ បៀបរៀបចំកន្លែងធ្វើការតាមក្បួនហុងស៊ុយ

ចុចអានផ្សេងៗ៖ ធ្លាប់តែលឺគេនិយាយពីវា ពេលនេះបានអានហើយ!

ដោយ៖ កណ្ណិកា
ប្រភព៖ Cafe Amazon

មតិយោបល់

ពីនេះពីនោះ35 mins ago

សាហាវណាស់! ប្តីដែលលួចទៅការប្រពន្ធថ្មីស្ងាត់ៗ គឺធ្លាប់ប្រើអំពើហិង្សា និងគំរាមអារក សម្លាប់ប្រពន្ធ ហើយថែមទាំងចោទប្រពន្ធថាលួចលុយចំនួន…(មានវីដេអូ)

ពីនេះពីនោះ52 mins ago

រំភើបស្ទើរស្រក់ទឹកភ្នែក! ពេលនេះ កីឡាការិនីតេក្វាន់ដូកម្ពុជា ស៊ន សៀវម៉ី ដណ្តើមបានមេដាយមាសជូនជាតិហើយ ក្រោយឈ្នះម្ចាស់ផ្ទះហ្វីលីពីន (មានវីដេអូ)

ពីនេះពីនោះ6 hours ago

ព្រោះតែជំងឺបាក់ទឹកចិត្ត ធ្វើឲ្យកូនខ្មែរដ៏ពូកែមួយរូបមានសតិមិនល្អ និងធ្លាក់ខ្លួនជាអ្នកសុំទាន តែគាត់នៅតែរក្សាទ្រឹស្តីល្អៗ និងនិយាយភាសាបរទេសបានល្អដដែល (មានវីដេអូ)

ពីនេះពីនោះ7 hours ago

ជួយស៊ែរលើកទឹកចិត្ត និងជូនពរដល់ កីឡាការិនីកម្ពុជា ស៊ន សៀវម៉ី ដែលត្រូវប្រកួតជាមួយកីឡាការិនីវៀតណាម នៅវេលាម៉ោង…

ថ្មីៗ19 hours ago

ជួយគាំទ្រ! ងាកមកប្រើទុយោបំពង់ឫស្សី ១ដើមត្រឹមតែ១០០រៀល រួមគ្នាកាត់បន្ថយផ្លាស្ទិកដើម្បីបរិស្ថាន

Trending

Copyright © 2019 ANARCHAK