ដូចគេធ្វើសង្គ្រាមចឹង ស្រមោចរាប់លានក្បាលពូនគ្នាជាស្ពានដើម្បីកំចាត់សំបុកសត្វឪម៉ាល់
Connect with us

ទាក់ទាញ

ដូចគេធ្វើសង្គ្រាមចឹង ស្រមោចរាប់លានក្បាលពូនគ្នាជាស្ពានដើម្បីកំចាត់សំបុកសត្វឪម៉ាល់

តាមរយៈវីដេអូខាងក្រោម គឺបានធ្វើឱ្យមនុស្សម្នាភ្ញាក់ផ្អើលជាមួយនឹងសកម្មភាពធ្វើសឹកសង្គ្រាមរបស់សត្វស្រមោច និងសត្វឪម៉ាល់។ ដែលឃើញថាសត្វស្រមោចនោះបានពូនគ្នារាប់លានក្បាលដើម្បីទៅវាយប្រហារសំបុករបស់សត្វឪម៉ាល់យ៉ាងធំមួយ។

បើតាមខ្សែវីដេអូនេះត្រូវបានបង្ហោះតាម Twitter ដោយ Francisco Boni ដែលសរសេរថា: “ការវាយប្រហាររបស់សឹកស្រមោច (ដែលគេស្គាល់ផងដែរថាជាកងទ័ពស្រមោច) ទៅកាន់សំបុកឪម៉ាល់”។ អ្វីដែលគួរអោយចាប់អារម្មណ៍នៃការវាយប្រហារមួយនេះ គឺវាពិតជាសមូហភាពមួយដ៏អស្ចារ្យរបស់សត្វស្រមោចដែលខំតស៊ូ​និងចេះសាមគ្គីគ្នាដើម្បីបង្កើតស្ពាននោះទៅវាយប្រហារសត្រូវរបស់ខ្លួន។

វីដេអូនេះផងដែរ គឺមានគេចូលមើលដល់ទៅ ៧ សែននាក់ឯណោះ ហើយ អ្នកចូលចិត្ត ២៣០០នាក់ និង អ្នកចែកចាយបន្តដល់ទៅ ១ម៉ឺននាក់ផងដែរ។

បន្ថែមលើនោះទៀត លោក Boni បានពន្យល់បន្ថែមអំពីឈុតឆាកមិនគួរឱ្យជឿនេះដោយបន្ថែមថា “នៅពេលការវាយប្រហារបែបនេះកើតឡើងសត្វឪម៉ាល់នោះតែងតែរត់គេចខ្លួន ហើយស្រមោចមិនចាកចេញទៅងាយៗនោះទេ រហូតទាល់តែពួកគេអាចលួចរបស់របរពីសំបុកនោះ និងវាយកម្ទេចសំបុកនោះបន្តិចម្តងៗ៕

មតិយោបល់

ពេញនិយម