មិននឹកស្មានសោះថាប្រទេសនេះ នៅមានច្បាប់ដាក់គុកកុមារអស់មួយជីវិត!
Connect with us

គួរដឹង

មិននឹកស្មានសោះថាប្រទេសនេះ នៅមានច្បាប់ដាក់គុកកុមារអស់មួយជីវិត!

ក្នុងប្រទេសប្រជាធិបតេយ្យនៅបស្ចិមលោក មែកធាងមួយក្នុងចំណោមមែកធាងជាច្រើនទៀតរបស់រដ្ឋាភិបាលឯករាជ្យគឺ “ប្រព័ន្ធតុលាការ” ដែលមានតួនាទីសំខាន់ក្នុងការជំនុំជម្រះ និង អនុវត្តច្បាប់លើសំណុំរឿងផ្សេងៗដែលបានបញ្ជូនទៅ។

ក្នុងនោះដែរ ករណីដែលកុមារជាឧក្រិដ្ឋជនត្រូវបានកាត់ក្តីដោយតុលាការអនីតិជន ដែលកុមារត្រូវបានផ្តន្ទាទោសដោយបង្គាប់ឱ្យធ្វើការសុំទោស និងផ្តល់សំណងចំពោះការខូចខាតដែលខ្លួនប្រព្រឹត្ត ឬ ត្រូវឃុំខ្លួនក្នុងមន្ទីរឃុំឃាំងជាដើម ដើម្បីឱ្យពួកគេពិចារណាកំហុសកែខ្លួនជាថ្មីក្នុងសង្គម។

ប៉ុន្តែអ្វីដែលគួរឱ្យចាប់អារម្មណ៍នោះគឺ ប្រទេសមួយបែរជាអាចដាក់គុកអនីតិជនមួយជីវិតទៅវិញ នោះគឺ សហរដ្ឋអាមេរិក។ 

ប្រវត្តិនៃច្បាប់

អំឡុងប៉ុន្មានឆ្នាំដំបូងៗនៃប្រវត្តិសាស្រ្តអាមេរិក ច្បាប់របស់ខ្លួនទទួលឥទ្ធិពលយ៉ាងខ្លាំងដោយច្បាប់នៃប្រទេសអង់គ្លេស ជាពិសេសគឺច្បាប់សាមញ្ញ (ច្បាប់ដែលឥតមានលាយលក្ខអក្សរ)។ នៅជំនាន់នោះ កុមារអាយុក្រោម ៧ ឆ្នាំមិនត្រូវបានចាត់ទុកថាអាចប្រព្រឹត្តបទល្មើសទេ ដោយពួកគេមិនយល់ពីផលវិបាកនៃសកម្មភាពរបស់ខ្លួន។

ផ្ទុយពីនេះ គេជឿថាក្មេងអាយុលើស ១៤ ឆ្នាំ អាចយល់ដឹងពីទង្វើរបស់ខ្លួន និងត្រូវជំនុំជម្រះដូចមនុស្សពេញវ័យដែរ។ ដោយឡែកប្រសិនបើក្មេងនោះមានវ័យលើស ៧ ឆ្នាំប៉ុន្តែក្រោម ១៤ ឆ្នាំ គេត្រូវបញ្ជាក់ឱ្យច្បាស់សិនថាតើកុមារនោះមានការយល់ដឹងថាអ្វីខុសអ្វីត្រូវឬអត់ មុននឹងធ្វើការចោទប្រកាន់។ 

ទោះយ៉ាងណា សង្គមអាមេរិកបានធ្វើឱ្យមានការវិវឌ្ឍន៍នៃតុលាការអនិតិជនដំបូងបំផុត នៅរដ្ឋអ៊ីលៀន័រ នាឆ្នាំ ១៨៩៩ ក្នុងបំណងស្តារនីតិសម្បទាជនល្មើសវ័យក្មេង ដើម្បីបង្ការពួកគេកុំឱ្យដើរចូលផ្លូវឧក្រិដ្ឋបន្តទៀត។ 

ការផ្តន្ទាទោសមួយជីវិតលើកុមារនៅសហរដ្ឋអាមេរិក

សហរដ្ឋអាមេរិកមានទណ្ឌិតប្រមាណ ១០,០០០ នាក់ដែលជាប់គុកមួយជីវិត ខណៈកុមារអាយុក្រោម ១៨ ឆ្នាំមានចំនួន ២,៥០០ នាក់ដែលមិនបានដាក់ឱ្យមានលទ្ធភាពដោះលែងដោយមានលក្ខខណ្ឌឡើយ។ ក្មេងៗភាគច្រើនដែលជាប់ទោសប្រភេទនេះ ត្រូវបានចោទប្រកាន់ដូចមនុស្សពេញវ័យដែរក្នុងបទល្មើសផ្សេងៗដូចជា ឃាតកម្មកម្រិតទី១។ 

ដំបូងឡើយបញ្ហានេះត្រូវបានលើកឡើងនៅតុលាការជាន់ខ្ពស់ ហើយលទ្ធផលគឺគណៈចៅក្រមបានសម្រេចថា តុលាការត្រូវពិចារណាលើសំណុំរឿងនីមួយៗដោយឡែកពីគ្នា។ ក្នុងឆ្នាំ ២០០៥ តុលាការកំពូលបានសម្រេចថាក្មេងៗមិនអាចទទួលការផ្តន្ទាទោសប្រហារជីវិតឡើយ។ លុះដល់ឆ្នាំ ២០១០ ចៅក្រមបានសម្រេចថាករណីកាត់ទោសកុមារឱ្យជាប់គុកមួយជីវិត គឺលុះត្រាតែជាប់ពាក់ព័ន្ធនឹងករណីមនុស្សឃាត។  

សកម្មភាពប្រឆាំងការផ្តន្ទាទោសមួយជីវិតលើកុមារ

ក្មេងៗភាគច្រើនដែលជាប់គុកអស់មួយជីវិតបច្ចុប្បន្ន ខ្វះខាតអ្នកតំណាងផ្នែកច្បាប់ដើម្បីដាក់សម្ពាធឱ្យមានការពិនិត្យឡើងវិញលើសំណុំរឿងរបស់ពួកគេ។ អង្គការមួយក្នុងចំណោមអង្គការជាច្រើនដែលកំពុងតវ៉ាចំពោះការផ្តន្ទាទោសបែបនេះមានឈ្មោះថា អង្គការផ្តួចផ្តើមសមភាពយុត្តិធម៌។ សមាជិកអង្គការនេះជឿថាការដាក់ទណ្ឌកម្មដូច្នេះមានលក្ខណៈព្រៃផ្សៃពេកហើយ ដោយហេតុថាកុមារទូទៅខ្វះការយល់ដឹងអំពីអ្វីដែលត្រូវ និងអ្វីដែលខុស។  

ផលប៉ះពាល់លើកុមារដែលជាប់គុក

បុគ្គលណាដែលត្រូវបានកាត់ទោសឱ្យជាប់គុក ជាពិសេសគឺកុមារតែម្តងតែងពិបាកក្នុងការសម្របខ្លួនក្នុងសហគមន៍ជាថ្មីក្រោយពីដោះលែង ដូចជាការស្វែងរកការងារធ្វើជាដើម ព្រោះមនុស្សភាគច្រើនរើសអើងលើពួកគេ។ 

ថ្វីបើបែបនេះក្តី ពន្ធនាគារក៏មានឥទ្ធិពលល្អចំពោះកុមារដែរ ខណៈពួកគេអាចស្តារនីតិសម្បទាដោយព្យាបាលទាំងផ្លូវកាយ និងផ្លូវចិត្ត។ ឱកាសទទួលបានការអប់រំក៏មានផងដែរសម្រាប់ទណ្ឌិតកុមារ ដោយអ្នកជំនាញភាគច្រើនយល់ស្របថា ពន្ធនាគារគួរផ្តោតកាន់តែខ្លាំងលើការស្តារនីតិសម្បទាដល់អ្នកដែលត្រូវផ្តន្ទាទោស ជាជាងការដាក់ទណ្ឌកម្ម៕ 

មតិយោបល់

ថ្មីៗ13 hours ago

ចិនលេងមែនទែនហើយ! ហាមមិនឲប្រជាជនប្រើប្រាស់ iPhone ជាការវាយបកទៅអាមេរិកភ្លាមៗ

ថ្មីៗ14 hours ago

ក្រោយមានការដាក់បង្គោលពុះលក់សមុទ្រ ពេលនេះ «អភិបាលខេត្តកំពត» បានបញ្ជាភ្លាមៗឲចុះត្រួតពិនិត្យករណីនេះ

ពួកគេជានរណា1 day ago

ក្នុងឱកាសទិវាជាតិនៃការចងចាំ សូមរំលឹកជូនខ្លះៗពីប្រវិត្តរបស់ «សាឡុត ស» ឬប៉ុល ពត

ថ្មីៗ1 day ago

ទីបំផុត! «ក្រុមហ៊ុនផលិត​​យន្តហោះ​ប៊ូអ៊ីង» ព្រមប្រកាសទទួល​ស្គាល់​កំហុសខ្លួន​ជាលើកដំបូង ក្រោយជួបហេតុការណ៍…

បែបផែនជីវិត1 day ago

យុទ្ធជនស៊ាំម៉ូរ៉ៃជប៉ុន៖ «ថ្ងៃនេះជាជ័យជម្នះលើខ្លួនឯងកាលពីម្សិលមិញ ហើយថ្ងៃស្អែកនឹងក្លាយជាជ័យជំនះរបស់អ្នកលើជនដែលកំសាក»

គួរដឹង2 weeks ago

ស្តាប់ហើយព្រឺក្បាល! នេះជារឿងពិតមួយនៅខេត្តកំពង់ធំ បើយោងតាមមន្ត្រីសុខាភិបាលម្នាក់ «ពេលថ្ងៃជាព្រៃតម្កល់ខ្មោច តែយប់ឡើងបែរក្លាយជា…»

ថ្មីៗ3 weeks ago

ខេត្តសៀមរាប ស្រុក​បន្ទាយស្រី​ ​​នឹង​ប្រែក្លាយខ្លួនជាផ្សារបណ្តែតទឹកដំបូងគេរបស់កម្ពុជានៅចុងឆ្នាំនេះ ក្នុងរង្វង់ផ្ទៃដី ៥០ហិ​ក​តា

ថ្មីៗ3 weeks ago

កូនខ្មែរម្នាក់ខិតខំប្រឹងប្រែង រហូតបានក្លាយជាវិស្វករថាមពលនុយក្លេអ៊ែរនៅប្រទេសបារាំង

ទេសចរណ៍4 weeks ago

ខេត្តស្ទឹងត្រែង គឺជាឋានសួរគ៌ក្រោមមេឃនៅកម្ពុជា ដែលអ្នកទេសចរណ៍មិនគួរមើលរំលង

គួរដឹង4 weeks ago

ការពិតបុព្វបុរសខ្មែរ កសាងចម្រឹង​​បង្អួចប្រាសាទ​អង្គរ​វត្តឡើង​​គឺបង្កប់​នូវ​អាថ៌​កំបាំងមួយ​ដ៏​អស្ចារ្យ

Trending

Copyright © 2019 ANARCHAK