ឪក សុគន្ធកញ្ញា ងាកទៅបង្កើតអាជីវកម្មថ្មីស្រឡាងបន្ថែមលើការងារសិល្បៈ
Connect with us

ថ្មីៗ

ឪក សុគន្ធកញ្ញា ងាកទៅបង្កើតអាជីវកម្មថ្មីស្រឡាងបន្ថែមលើការងារសិល្បៈ

​ក្រៅពី​តារាចម្រៀង​ដែលមាន​ឈ្មោះ​បោះ​សម្លេង ឱក សុគន្ធ​កញ្ញា ចាប់ផ្តើម​បង្កើត​ប្រេន​ផ្ទាល់ខ្លួន​ជា​បន្តបន្ទាប់ ។ ទោះបី​កាបូប​ដែលជាប្រេន​របស់​នាង​មិនទាន់​រីក​ទូលាយ​ខ្លាំង​នៅលើ​ទីផ្សារ​ក៏ពិតមែន ។ តែ​ពេលនេះ ឱក សុគន្ធ​កញ្ញា ចាប់ផ្តើម​បង្កើត​ប្រេន​មួយ​បន្ថែមទៀតដែល​នាង​រំពឹងថា​និង​ទទួលបាន​ការគាំទ្រ​ពី​សំណាក់​មហាជន ។ ចង់ដឹងថា​ជា​ផលិតផល​អ្វី​តោះ​ទៅ​មើល​ទាំងអស់គ្នា ។

ចុងក្រោយ​នេះ​គេ​សម្គាល់​ឃើញ​តារា​ជាច្រើន​បាន​បង្កើត​ផលិតផល​ដែលជា​ប្រេន​ផ្ទាល់ខ្លួន​ដែល​ភាគច្រើន​ជា​ផលិតផល​រក្សា​សម្រស់ និង គ្រឿងសម្អាង​ជាដើម ។ សម្រាប់ ឱក សុគន្ធ​កញ្ញា ក៏​មិន​អន់​ប៉ុន្មាន​ដែរ​មួយរយៈ​មុន​នាង​បាន​បង្កើត​កាបូប​ដែលជា​ប្រេន​ផ្ទាល់ខ្លួន​តែ​យ៉ាងណា​គេ​សម្គាល់​ឃើញថា​មិនទាន់មាន​ទីផ្សារ​ទូលាយ​ប៉ុន្មាន​ឡើយ ។

​អ្វីដែល​ចាប់អារម្មណ៍​ថ្មីៗ​នេះ​ម្ចាស់​បទ​«​លើកទីមួយ​»​រូបនេះ​បាន​បង្កើត​ប្រេន​ថ្មី​បន្ថែមទៀត​ដែលជា​កំប៉ុង​ទឹក​ដ៏​ស្រស់ស្អាត​ដែលមាន​គ្រប់​ពណ៌​ហើយ​ដែល​នាង​រំពឹងថា​ប្រេន​ថ្មី​នេះ​និង​ទទួលបាន​ការពេញនិយម​ពី​សំណាក់​មិត្ត​យុវវ័យ​ជាពិសេស​អ្នកគាំទ្រ​រូបនាង​ផ្ទាល់​តែម្តង ។ តារាចម្រៀង​រូបនេះ​បាន​បន្ថែមថា​មូលហេតុ​នាង​មានគំនិត​បង្កើត​កំប៉ុង​សម្រាប់​ដាក់​ទឹក​ក្តៅ និង ​ត្រជាក់​នេះ​គឺ​ក្នុង​គោលបំណង​ថែរក្សា​បរិស្ថាន​និង​កាត់បន្ថយ​ថង់​ផ្លា​ស្ទិ​ច​ជាដើម ។

​មានការ​លើកឡើង​ពី​សំណាក់​អ្នកគាំទ្រ​ថា​មិនធម្មតា​កៀក​ដល់ពេល​រៀបការ ឱក សុគន្ធ​កញ្ញា កាន់តែ​បង្កើត​ជំនួញ​ថ្មីៗ​បន្ថែម​ពីលើ​អាជីពចម្រៀង ។ លុយ​មូល​តែម្តង ។ បើ​គិត​មកដល់ពេលនេះ ឱក សុគន្ធ​កញ្ញា ភ្ជាប់ពាក្យ​ជាមួយ​ប្អូនប្រុស​ថៅកែ​ផលិតកម្ម​មួយរយៈ​ហើយ​ ។ ប៉ុន្តែយ៉ាងណា​រហូតមកដល់​ពេលនេះ​គេ​មិនទាន់​ឃើញ​តារាចម្រៀង​រូបនេះ​បង្ហោះ​រូប​របស់​នាង​ជា​មួយគូ​ដណ្តឹង​ជា​សាធារណៈ​ឡើយ ៕

ប្រភព៖ popular

មតិយោបល់

ពេញនិយម