ជិតដល់វគ្គបញ្ចប់ហើយ! តើមានដឹងថាហេតុអ្វីបានជា World Cup ធ្វើ៤ឆ្នាំម្តង?
Connect with us

ថ្មីៗ

ជិតដល់វគ្គបញ្ចប់ហើយ! តើមានដឹងថាហេតុអ្វីបានជា World Cup ធ្វើ៤ឆ្នាំម្តង?

កីឡា​ ដែលទទួលបានការចាប់អារម្មណ៍បំផុតក្នុងពិភពលោក បាននាំមនុស្សមកពីជុំវិញពិភពលោក មកពីជាតិសាសន៍ផ្សេងៗគ្នា មានវប្បធម៌ផ្សេងគ្នា និងតំបន់ផ្សេងគ្នា។ ឥទ្ធិពលរបស់World Cup ត្រូវបានគេស្គាល់ថា ជាវិធីសាស្រ្តដើម្បីបញ្ចប់សង្គ្រាមផ្ទៃក្នុង ដោយផ្តល់នូវក្តីសង្ឃឹមសម្រាប់ជាតិ។ ដូច្នេះ ហេតុអ្វី បានជាWorld Cup ត្រូវបានគេធ្វើឡើង៤ឆ្នាំម្តង? វាគឺជាកីឡា ដែលត្រូវបានគេមើលច្រើនជាងគេលើពិភពលោក ហើយកីឡានេះ ប្រហែលជាគេចង់មើលរាល់ឆ្នាំ។ 

មូលហេតុដំបូង និងចំបង ដែលគេធ្វើ World Cup ក្នុងរយៈពេល៤ឆ្នាំ គឺដោយសារតែ ចំនួនដ៏ច្រើននៃការប្រកួត។ ក្នុងឆ្នាំ ២០១៤ មានប្រទេសចំនួន២០៤ បានចូលរួមប្រកួត ដែលធ្វើឲ្យត្រូវមានការប្រកួតជាច្រើនសំរាប់វគ្គជំរុះ។ យោងទៅតាមប្រតិទិនរបស់ World Cup មានការសំរាកជាលក្ខណៈអន្តរជាតិជាច្រើន។ សំរាប់កីឡាករ និងក្រុមកីឡា ត្រូវការការសំរាកក្នុងរដូវក្តៅ។ ប្រសិនបើការប្រកួតទាំងនោះ ធ្វើឡើងក្នុងរដូវក្តៅ កីឡាករមានឳកាសក្នុងការរងរបួស និងហត់នឿយខ្លាំង។ 

បើក្រឡេកទៅមើលប្រវត្តិសាស្រ្តវិញ នៅពេលដែល World Cup ចាប់ផ្តើមក្នុងឆ្នាំ ១៩៣០ កីឡាករដែលមកពីគ្រប់ប្រទេស ពិបាកក្នុងការធ្វើដំណើរទៅកាន់ទិសដីផ្សេងៗគ្នា។ ដោយហេតុនេះ ក្នុងឆ្នាំ នោះ មានត្រូវតែ១៣ ប្រទេសទេ ដែលចូលរួមក្នុងការប្រកួត World Cup ក្នុងឆ្នាំ ១៩៣០ ដែលមាន៧ប្រទេស មកពីទ្វីបអាមេរិចខាងត្បូង ៤ប្រទេសមកពីទ្វីបអឺរ៉ុប និងពីរប្រទេសមកពី អាមេរិចខាងជើង។ ប្រទេសអឺរ៉ុបជាច្រើនមិនចូលរួមដោយសារតែពិបាកក្នុងការធ្វើដំណើរទៅទ្វីបអាមេរិចខាងត្បូង។ ដូច្នេះ ធ្វើកម្មវិធី World Cup រយៈពេល៤ឆ្នាំម្តង អាចជួយកាត់បន្ថយការលំបាករបស់កីឡាករ តាមរយៈការធ្វើដំណើរតាមផ្លូវគោក និងផ្លូវទឹក ជាជាងផ្លូវអាកាសដូចដែលកីឡាករអាចធ្វើដំណើរដូចសព្វថ្ងៃ។ 

ការពិតទៅ បើយោងទៅតាមភូមិសាស្រ្តនយោបាយ និងបញ្ហាមនុស្សធម៌ ដែលបង្កឡើងដោយសង្រ្គាមលោកលើកទី២ World Cup មិនបានធ្វើឡើង៤ឆ្នាំម្តងទៀតទាត់ទេ ក្នុងកំឡុងឆ្នាំ ១៩៣០ ដល់ឆ្នាំ ១៩៥០។ 

នៅពេលដែលយើងនិយាយពីហេដ្ឋារចនាសម្ព័ន្ធ និងការសាងសង់ដើម្បីធ្វើWorld Cup ឡើង វាអាចជាបញ្ហាមួយសម្រាប់ប្រទេស ម្ចាស់ផ្ទះផងដែរ ប្រសិនបើប្រទេសនោះ មិនមានហេដ្ឋារចនាសម្ព័ន្ធល្អ។ បើយោងតាម Billboard ប្រេស៊ីល បានចំណាយប្រាក់ចំនួន៤ពាន់លានដូល្លា ដើម្បីកែលំអឡើងវិញនូវពហុកីឡាដ្ឋានចំនួន១២ របស់ខ្លួន។ ហើយបើប្រៀបធៀបទៅនឹងការចំណាយរបស់រូស្ស៊ីវិញ គឺច្រើនជាងប្រេស៊ីល៣ដង សម្រាប់ការប្រកួតWorld Cup ឆ្នាំ ២០១៨នេះ ដែលគិតជាទឹកប្រាក់មានចំនួន១២ពាន់លាន់ដូល្លា។ លើសពីនេះទៅទៀត ការរៀបចំពហុកីឡាដ្ឋាន ក៏ត្រូវគិតគូពីចំនួនមនុស្ស ដែលនឹងមកមើលផងដែរ។ និយាយទៅ ការរៀបចំWorld Cup អាចចំណាយពេលលើសពី៥ឆ្នាំ ដើម្បីធានាថា អ្វីៗប្រកបទៅដោយរលូន។ 

ការធ្វើឡើងក្នុងរយៈពេល៤ឆ្នាំម្តង ពិតជាជម្រើសដ៏ល្អសម្រាប់អ្នកគាំទ្រដែលចង់មកហូគាំទ្រ។ ការធ្វើឡើងក្នុងរយៈពេល៤ឆ្នាំម្តងក៏ធ្វើឲ្យWorld Cup កាន់តែវិវឌ្ឍដែរ។ លោក James Rodriguez បានក្លាយជាតារា ដែលល្បីក្នុងឆ្នាំ ២០១៤ នៃរដូវកាល World Cup នៅប្រទេស ប្រេស៊ីល ហើយក៏បានក្លាយជាកីឡាករក្នុងក្រុង Real Madrid ផងដែរ។ 

កាន់និងថើបពានWorld Cup គឺជាក្តីសុបិន្តរបស់កីឡាករបាល់ទាត់ទាំងអស់។ លើសពីសំនួរដែលសួរថាហេតុអ្វីបានជាWorld Cup ត្រូវបានគេធ្វើឡើង ៤ឆ្នាំម្តង យើងគួរតែរីករាយជាមួយនឹងព្រឹត្តិការណ៍ដ៏អស្ចារ្យមួយនេះ៕ 

អត្ថបទល្អផ្សេងទៀត៖ មូលហេតុដែលនឹកស្មានមិនដល់របស់ការរចនាបាល់ World Cup!!!

ហេតុអ្វីបានជា បាល់សម្រាប់កីឡាបាល់ទាត់ពិភពលោក តែងតែមានលក្ខណៈប្លែកគ្នាពីមួយឆ្នាំទៅមួយឆ្នាំយ៉ាងនេះ? វាជាសំនួរមួយ ដែលយើងធ្លាប់បានលើកឡើងដើម្បីសួរទៅកាន់ លោកJohn Eric Goff ដែលជាសាស្រ្តាចារ្យរូបវិទ្យានៅសាកលវិទ្យាល័យLynchburg និងជាអ្នកនិពន្ធសៀវភៅ Gold Medal Physics: The Science of Sports។ ប៉ុន្តែការរចនាប្លែកៗគ្នាយ៉ាងនេះហើយ នៅតែត្រូវគេគិតថា វាមិនទាន់ល្អគ្រប់គ្រាន់ទេ។ ហើយបង្កបញ្ហាជាច្រើនជាអ្វីដែលពួកគេបានដោះស្រាយហើយទៅទៀត។

បាល់ធម្មតា មើលទៅមិនមានអ្វីខុសពីគ្នាទេ ដោយវាមានពណ៌ខ្មៅ និងពណ៌ស ជាមួយនឹងខ្សែភ្ជាប់គ្នាពីមួយទៅមួយ។ ប៉ុន្តែ នេះមិនមែនជាបាល់ទាត់ដែលក្រុមបាល់ទាត់ពិភពលោកលេងទេ។ តើវាខុសគ្នាយ៉ាងណា?

ជាដំបូង យើងចង់ឲ្យបាល់ទាត់មូលតាមដែលអាចធ្វើទៅបាន។

John Eric Goff៖ “កាលពីមុន យើងមានបាល់ទាត់ ដែលមានបំណះ ដែលមិនមូលពេញលក្ខណៈ។ ហើយវាត្រូវបានគេគិតថាមូលហើយ។ ប៉ុន្តែ ចាប់ពីឆ្នាំ ២០១៦ នៅពេលដែល បាល់ទាត់ពិភពលោកនៅប្រទេសអាឡឺម៉ង់ មានការច្នៃឲ្យបាល់កាន់តែមូលជាមុន”។

បច្ចេកវិទ្យាថ្មីៗ បានធ្វើឲ្យ Adidas ចាប់ផ្តើមរចនាបាល់នោះ ដែលមានផ្នែកបំណះជ្រុងនោះតិចជាងមុន ដែលជាមូលហេតុនាំឲ្យកើតមានបញ្ហាច្រើន ដោយសារតែផ្នែកដែលជ្រុងនោះ កាន់តែតិចប៉ុណ្ណា មានន័យថាមានស្នាមថ្នេរតិចជាងមុនផងដែរ។ សំខាន់ជាងនេះ ផ្ទៃនៃបាល់ទាត់កាន់តែស្មូតផងដែរ។

John Eric Goff៖ “ប្រសិនបើបាល់មានលក្ខណៈស្មូតពេក សំណឹកជាមួយខ្យល់កើនឡើង។ នេះវាហាក់ដូចជាទាត់បាល់លើខ្សាច់អញ្ចឹង”។

ហើយនេះជាអ្វីដែលកើតឡើងចំពោះកាលឆ្នាំ ២០០៦។ កីឡាករ បានប្តឹងថា បាល់មិនទៅចំទិសដៅ ដែលពួកគេចង់ឲ្យទៅទេ។ ដូច្នេះ ឆ្នាំ ២០១០ Adidas បានបង់សំណង ដោយបន្ថែមចំណុចខ្វះខាតមួយចំនួន ដើម្បីធ្វើឲ្យផ្ទៃបាល់កាន់តែតិចនិងគ្រឺម។ បញ្ហាត្រូវបានដោះស្រាយហើយមែនទេ?

John Eric Goff៖ “Jabulani គឺជាបាល់ដែលបង្កើតឡើងដោយ Adidas ដែលក្លាយជាបាល់ផ្លូវកាយនៅបាល់ទាត់ពិភពលោកឆ្នាំ ២០១០។ វាគឺជាបរាជ័យមួយ ដោយសារតែវាមិនសូវគ្រឺម។ នៅពេលដែលបាល់ត្រូវបានគេទាត់ក្នុងល្បឿនមួយ អ្នកនឹងកត់សំគាល់ឃើញថា ល្បឿនរបស់វាថយចុះយ៉ាងខ្លាំងនៅពេលដែលវាហៅ”។

ហើយផ្នែកដែលជ្រុង ឬបំណះនោះត្រូវបានកាត់បន្ថយ។ នៅឆ្នាំ២០១៤ បំណះនោះ ត្រូវគេកាត់សល់តែពីរប៉ុណ្ណោះ។

John Eric Goff៖ “ទោះជាមានផ្នែកបំណះតែពីរទេ ប្រវែងនៃថ្នេរជុំវិញបាល់ មានប្រហែល៦៨%វែងជាបាល់ Jabulani”។

ដូច្នេះ យ៉ាងហោចណាស់ បាល់នេះ មានលក្ខណៈគ្រឺម ហើយអាចហៅបានឆ្ងាយជាងបាល់កាលពីឆ្នាំ ២០១០។ ចំពោះបាល់ក្នុងឆ្នាំ ២០១៨វិញ៖

John Eric Goffបាននិយាយថា៖ “ថ្នេរសរុប គឺមានត្រឹមតែ៣០%ប៉ុណ្ណោះ ដែលវែងជាងបាល Brazuca។ ដូច្នេះ ឥឡូវ បាល់នោះ មានលក្ខណៈគ្រឺមជាមុនបន្តិច”។

Adidas បានបង់ថ្លៃ សំណងដោយធ្វើឲ្យបាល់ស្រាលជាមុន។ ហើយការសិក្សាមួយ ដែល Goff បានដឹកនាំ បានបង្ហាញថា Telstar ១៨ បានបង្ហាញ ពីភាពស្រដៀងគ្នានឹង បាល់ Brazuca។ ប៉ុន្តែ វាប្រហែលជាមិនទៅបានឆ្ងាយ តាមតែកំលាំងជើងដែលទាត់នោះទេ។

ទោះបីជាយ៉ាងណា អ្វីទាំងអស់នេះ នៅតែជាសំនួរ៖ ប្រសិនបើគោលដៅ ជាដើម្បីបង្កើតបានបាល់មួយ ដែលប្រហាក់ប្រហែលទៅនឹងបាល់ដែលកីឡាករ​ហ្វឹកហាត់អស់ពេលជាច្រើនឆ្នាំនោះ ហេតុអ្វីបានជា បាល់ទាត់ពិភពលោក តែងតែផ្លាស់ប្តូររហូតយ៉ាងនេះ? ប៉ុន្តែវាមិនមែនដោយសារតែអ្នកលេង ឬកីឡាទេ។

John Eric Goff៖​ “មានបាល់ថ្មីមួយ ដែលត្រូវបានបញ្ចេញក្នុងរដូវកាលកីឡាបាល់ទាត់ពិភពលោក ហើយខ្ញុំគិតថា មូលហេតុគឺលុយ”។

បាល់នៃកីឡាបាល់ទាត់ពិភពលោក មានតម្លៃដល់ទៅ ជាង១០០ដូល្លា។

John Eric Goff៖​ “ហើយបាល់ទាំងអស់នោះ នឹងត្រូវគេយកទៅទុកនៅលើថ្នើរ”។

វាជាការវិនិយោគយ៉ាងធំ ទោះបីជាអ្នកអាចទទួលបានប្រាក់ត្រឹមតែ តិចជាង២០ដូល្លាសំរាប់បាល់នោះ។

John Eric Goff៖​ “បច្ចេកវិទ្យា ដែលត្រូវបានប្រើដើម្បីធ្វើឲ្យបាល់ទាំងអស់នេះ មានគុណភាពល្អជាងបាល់ដែលយើងធ្លាប់លេងកាលពីនៅក្មេង។ បំណះនៅលើបាល់ ត្រូវបានបន្តឹង ហើយវាអាចជួយឲ្យរក្សាបាល់កុំឲ្យទទួលភាពអាក់ខានដោយបាល និងធ្វើឲ្យវាធ្ងន់ជាងមុន”៕

មតិយោបល់

ពេញនិយម