ការពិតនៅពីក្រោយ ខ្លោងទ្វារ ដែលរឹងមាំមិនរលំបើទោះមានធ្លាក់គ្រាប់បែកបរិមាណូ និងស៊ូណាមីក៏ដោយ!
Connect with us

ទាក់ទាញ

ការពិតនៅពីក្រោយ ខ្លោងទ្វារ ដែលរឹងមាំមិនរលំបើទោះមានធ្លាក់គ្រាប់បែកបរិមាណូ និងស៊ូណាមីក៏ដោយ!

នៅតាមបណ្តាញសង្គមអ៊ីនធឺណែតបានធ្វើការចែកចាយ និងមានភាពភ្ញាកផ្អើលយ៉ាងខ្លាំងទាក់ទិននឹងខ្លោងទ្វារមួយនៅក្នុងប្រទេសជប៉ុនដែលបើទោះបីជាមានការទម្លាប់គ្រាប់បែកប្រល័យលោក និងរលកយ័ក្សស៊ូណាមីហើយក៏ដោយ ក៏ខ្លោងទ្វារនោះនៅតែឈរយ៉ាងរឹងមាំនៅកន្លែងមួយនោះដដែល នេះបើតាមលើកឡើងរបស់អ្នកថតរូបម្នាក់។

ខ្លោងទ្វារប្រភេទនោះគឺជាប្រភេទខ្លោងទ្វារបុរាណដែលមានគេប្រើប្រាស់សឹងតែនៅគ្រប់ទីតំបន់នៃប្រទេសជប៉ុន។ វាអាចធ្វើពីឈឺ រឺថ្ម អាស្រ័យទៅតាមចំនង់របស់អ្នកដឹកនាំខេត្តស្រុក រឺខ្លោងទ្វារមួយនោះ។

អ្វីដែលមនុស្សជាច្រើនមានការយល់ច្រលំនោះគឺថា ខ្លោងទ្វារដែលគេអះអាងថាបានឆ្លងកាត់ការទំលាក់គ្រាប់បែកបរិមាណូ និងរលកយ័ក្សនោះធាតុពិតទៅគឺមិនត្រឹមត្រូវនោះទេ ព្រោះថាខ្លោងទ្វារនេះគឺស្ថិតនៅទីតាំងពីរកន្លែងផ្សេងគ្នានោះទេ។

ខ្លោងទ្វារទីមួយគឺនៅទីក្រុងណាហ្កាសាគី ដោយវាមានសល់ពីការទម្លាប់គ្រាប់បែកបរិមាណូ និងខ្លោងទ្វារទីពីរគឺស្ថិតនៅខេត្តអ៊ីវ៉ាតិដែលបានសល់ពីរលកយ័ក្សកំណាចស៊ូណាមី។

អ្វីដែលធ្វើអោយមនុស្សគ្រប់គ្នា រួមទាំងអ្នកដែលបានថតនោះមានការយល់ច្រលំគឺដោយសារតែខ្លោងទ្វារទាំងពីរនោះមានរូបរាង និងក្បាច់ដូចគ្នា ប៉ុន្តែពួកគេមិនបានដឹងថាតាមពិតទៅខ្លោងទ្វារប្រភេទនេះគឺមាននៅពាសពេញប្រទេសជប៉ុនឡើយ៕

អត្ថបទល្អផ្សេងទៀត៖ ចម្លែកអីតែប្រទេស ជប៉ុន ចានដែលបែកហើយត្រូវបានយកទៅស្រោបមាសឡើងតម្លៃថ្លៃកប់!!!

ចានដែលបែកហើយយើងតែងតែយកវាទៅបោះចោល ប្រាកដណាស់គ្មានអ្នកណាចង់ប្រើចានដែលបែកហើយនោះទេ។ កន្លងមកក៏មានជំនឿតៗគ្នាផងដែរថា គេមិនឱ្យញ៉ាំបាយទាំងចានបែកនោះទេ វាហាក់ដូចជាមានទំនោរទៅខាងប្រផ្នូលមិនល្អ ដូច្នេះហើយការដែលប្រើចានបែកគឺមិនត្រូវមានអ្នកធ្វើឡើយ។ ដោយឡែក នៅប្រទេស ជប៉ុន វិញគឺជារឿងដ៏អស្ចារ្យ និងគួរឱ្យភ្ញាក់ផ្អើលមួយ ដែលត្រូវបានគេដឹងថាចានដែលបែកហើយត្រូវបានគេប្រមូលយកទៅច្នៃនិងស្រោបដោយមាស ហើយមានតម្លៃថ្លៃមិនធម្មតា។

ការច្នៃប្រឌិតមួយនេះត្រូវបានបកប្រែទៅជា “គ្រឿងលំអមាស” ឬ Kintsugi (ឬ Kintsukuroi ដែលមានន័យថា “ការជួសជុលមាស”) គឺជាសិល្បៈជប៉ុនដែលមានអាយុកាលរាប់សតវត្សរ៍នៃការជួសជុលគ្រឿងស្មូនដែលខូច បែកបាក់ជាមួយនឹងមាសប្រាក់ឬផ្លាទីន។ ខ្សែក្រវ៉ាត់ពណ៌មាសដ៏ស្រស់ស្អាតនៅក្នុងបំណែកនៃគ្រឿងទាំងនោះធ្វើពីសេរ៉ាមិចដែលផ្តល់រូបរាងពិសេសមួយ ដែលមានភាពទាក់ទាញនិងស្អាតសម្បើម។

វិធីសាស្រ្តជួសជុល និងកែច្នៃនេះបានប្រារព្ធធ្វើតាំងពីប្រវត្តិសាស្រ្តតែមួយគត់នៃវត្ថុបុរាណដោយសង្កត់ធ្ងន់ទៅលើការបាក់បែកនិងការបំបែករបស់ វាជំនួសឱ្យការលាក់ឬក្លែងបន្លំដោយធ្វើការផ្គុំជាមួយវត្ថុធាតុដទៃ។ Kintsugi ជាញឹកញាប់ធ្វើឱ្យបំណែកបែកបាក់ទាំងនោះត្រូវបានជួសជុលកាន់តែស្រស់ស្អាតជាងដើមទៅទៀតដែលធ្វើឱ្យជីវិតរបស់វាមានជីវិតថ្មីម្តងទៀត។

សិល្បៈ Kintsugi មានតាំងពីសតវត្សទី 15 ។ យោងតាមរឿងព្រេងនៃសិល្បះនេះបានចាប់ផ្តើមនៅពេលដែលជនជាតិជប៉ុនឈ្មោះ Ashikaga Yoshimasa បានបញ្ជូនបាវចាន ទៅប្រទេសចិនដើម្បីធ្វើការជួសជុល។ នៅពេលវិលត្រឡប់មកវិញ Yoshimasa មិនពេញចិត្តដែលចានទាំងនោះត្រូវបានជួសជុលដោយលោហធាតុដែកឆើតឆាយពេក។ នេះជាសិប្បករសម័យទំនើបមួយដែលបានជម្រុញឱ្យរកឃើញវិធីសាស្រ្តមួយផ្សេងទៀតនៃការជួសជុលកែសម្ផស្សនៃចានបែក និងជាកំណើតនៃសិល្បៈ Kintsugi នេះឯង។

ចាប់តាំងពីគំនិតមួយនេះកើតឡើង (Kintsugi) ត្រូវបានទទួលឥទ្ធិពលយ៉ាងខ្លាំងដោយគំនិតទស្សនវិទូជាទូទៅ។ ជាក់ស្តែងការអនុវត្តនេះត្រូវបានទាក់ទងទៅនឹងទស្សនវិជ្ជារបស់ជប៉ុននៃ wabi-sabi ដែលអំពាវនាវឱ្យមើលឃើញភាពស្រស់ស្អាតនៅក្នុងកំហុសឬភាពមិនល្អឥតខ្ចោះ។ វិធីសាស្រ្តជួសជុលនេះក៏ត្រូវបានកើតចេញពីអារម្មណ៍របស់ជនជាតិជប៉ុនផងដែរដែលបង្ហាញពីការសោកស្តាយនៅពេលដែលអ្វីមួយត្រូវបានខ្ជះខ្ជាយក៏ដូចជាការទទួលយកការផ្លាស់ប្តូរថ្មី។

ហើយការច្នៃប្រឌិតដ៏ល្អមួយនេះគឺមានវិធីផ្សេងៗគ្នាដូចជាការាលាបឆ្នូតទៅលើបំណែកដែលបែក មួយទៀតគឺការប៉ះ ប៉ះនេះមានន័យថាប៉ះចន្លោះប្រហោងដែលចំណែកណាមួយនៃចាននោះត្រូវបានបាត់បង់ទៅ ដូច្នេះគេប៉ះវាដោយប្រើធាតុមាសតែម្តង។ មួយវិញទៀត គឺកន្លែងដែលបែកបាក់នោះ ត្រូវបានយកមកប៉ះជំនួសជាមួយបំណែកដទៃ ដោយតភ្ជាប់គ្នាជាមួយនឹងធាតុមាសនេះតែម្តង។

ពិតជាអស្ចារ្យណាស់ដែលគំនិតមួយនេះត្រូវអនុវត្តតៗគ្នារហូតគ្នាដល់សព្វថ្ងៃ ហើយមានការច្នៃប្រឌិតតៗគ្នាជាច្រើនម៉ូតរាប់មិនអស់ ដែលមើលទៅធ្វើឱ្យរបស់ដែលបែក គ្មានតម្លៃហើយនោះក្លាយជារបស់ថ្មីមួយ ដែលមានជីវិតម្តងទៀត។ ហើយវាក៏ជាសិល្បៈដែលអាចឆ្លុះបញ្ចាំងពីជីវិតមនុស្សផ្ទាល់ផងដែរ ថាមនុស្សយើងដែលជួបរឿងរ៉ាវមិនល្អ ជូរចត់ មានរឿងបែកបាក់ណាមួយ គឺអាចប៉ះប៉ូវឡើងវិញ និងនៅតែទទួលស្គាល់ដោយសង្គមជុំវិញខ្លួន ឬនិយាយបានថាការជួសជុលរបួសផ្លូវចិត្តរបស់មនុស្សឡើងវិញជាមួយនឹងរបស់មានតម្លៃថ្មីមួយដែលអស្ចារ្យ៕

មតិយោបល់

ពេញនិយម