ព្រះច័ន្ទពេញវង់ប៉ះពាល់ដល់ដំណេករបស់យើងដែរទេ?
Connect with us

គួរដឹង

ព្រះច័ន្ទពេញវង់ប៉ះពាល់ដល់ដំណេករបស់យើងដែរទេ?

មនុស្សជាច្រើន កំពុងរងការរំខានដំណេកដ៏ល្អ ដែលមានដូចជា សម្លេងឆ្កែព្រូស សម្លេងក្មេងយំ សំពាធការងារ និង ការទុកដាក់ឧបករណ៍អេឡិចត្រូនិច។ ដោយមានការរំខានទាំងអស់នេះ វាមិនចំលែកទេ ដែលជនជាតិអាមេរិចជាងពាក់កណ្តាល មិនអាចទទួលទានដំណេកបានតាមចិត្តចង់។ ប៉ុន្តែ អ្នកប្រហែលជាមិនដឹងពីរឿងមួយ ដែលអាចប៉ះពាល់ដល់ការទទួលទានដំណេករបស់អ្នកផងដែរ ហើយ វាកើតឡើង ម្តងក្នុងមួយខែ។ វាជារបស់ដែលមានពន្លឺនៅក្នុងលំហ ដែលគេហៅថាព្រះច័ន្ទពេញវង់។

អត្ថបទនេះ នឹងឆ្លើយនូវសំនួរអំពីព្រះច័ន្ទពេញវង់ ដែលមានប៉ះពាល់ដំណេករបស់មនុស្ស។ ដំបូង យើងត្រូវដឹងថា តើអ្វីទៅជាព្រះច័ន្ទពេញវង់។ ព្រះច័ន្ទពេញវង់កើតឡើងនៅពេលដែលព្រះអាទិត្យ ផែនដី និង ព្រះច័ន្ទ ស្ថិតនៅលើគន្លងជាមួយគ្នា ដែលផែនដីនៅចំកណ្តាលរវាងព្រះអាទិត្យ និង ព្រះច័ន្ទ។ ក្នុងទីតាំងបែបនេះ ព្រះច័ន្ទ ទទួលពន្លឺពេញលេញពីព្រះអាទិត្យ ដែលយើងអាចមើលឃើញពីផែនដីបាន។ នេះអាចកើតឡើងប្រហែលរាល់ ២៩ថ្ងៃម្តង។

តើបាតុភូតនេះ មានឥទ្ធិពលអ្វីមកលើមនុស្សនៅលើផែនដីទៅ? រឿងមួយដែលគួរឲ្យកត់សំគាល់នោះគឺ នៅពេលដែលមាន ព្រះច័ន្ទពេញវង់ មេឃនៅពេលយប់ភ្លឺជាងមុន។ ព្រះច័ន្ទក៏ជាកំលាំងដែលធ្វើឲ្យមានជំនោរ និង លំនាចនៃសមុទ្រ ដែលកើតឡើងដោយសារទំនាញព្រះច័ន្ទ និង ទំនាញព្រះអាទិត្យ។ ប្រសិនបើគ្មានព្រះច័ន្ទ យើងនឹងគ្មានការលំបាកមួយចំនួននោះទេ។

ការយល់ដឹងអំពីឥទ្ធិពលរបស់ព្រះច័ន្ទមកលើឥរិយាបថរបស់មនុស្ស កើតឡើងមកពីអង្គភាពសិក្សាស្រាវជ្រាវ ដែលមានលទ្ធផលផ្សេងគ្នា។ ឧទាហរណ៍ ការសិក្សាមួយ ក្នុងចំណោមក្មេងដាណឺម៉ាកចំនួន ៦៧៥នាក់ ដែលមានអាយុពី៨ឆ្នាំ ទៅ១១ឆ្នាំ បានរកឃើញថា ក្មេងគេងយូរជាងមុនបន្តិចក្នុងពេលដែលមានព្រះច័ន្ទពេញវង់។ ផ្ទុយមកវិញ ការសិក្សាផ្សេងមួយទៀត ដែលមានមនុស្សពេញវ័យចំនួន ៣១៩នាក់ បានរកឃើញថា ព្រះច័ន្ទពេញវង់មានការជាប់ទាក់ទងនឹង ប្រសិទ្ធិភាពនៃដំណេកដែលបានតិច។

ការសិក្សាឆ្នាំ ២០១៣ បានបង្ហាញពីទិន្នន័យដែលគួរឲ្យចាប់អារម្មណ៍។ គេបានធ្វើការសិក្សាទៅលើមនុស្សពេញវ័យចំនួន៣៣នាក់ ក្នុងរយៈពេលលើសពី៣ឆ្នាំ ហើយ បានរកឃើញថា ព្រះច័ន្ទពេញវង់មានទំនាក់ទំនងនឹងការទទួលទានដំណេកយូរជាងសព្វដង កាត់បន្ថយប្រសិទ្ធិភាពនៃដំណេក និង ការបន្ថយពេលសរុបនៃដំណេកផងដែរ។ ការសិក្សា Cajochen ត្រូវបានគេស្គាល់ក្នុងប៉ុន្មានឆ្នាំចុងក្រោយនេះថាជា ការគាំទ្រទៅលើទឡ្ហីករណ៍ដែលថា ព្រះច័ន្ទពេញវង់ប៉ះពាល់ដល់ការទទួលទានដំណេក។ សន្និដ្ឋានថា ទិន្នន័យទាំងអស់នោះត្រឹមត្រូវ ដូច្នេះយើងអាចនិយាយបានថាព្រះច័ន្ទពេញវង់ពិតជាប៉ះពាល់ដល់ការគេងរបស់មនុស្សមែន។ ប៉ុន្តែសំនួរសួរទៀតថា តើវាប៉ះពាល់បានដូចម្តេច?

មូលហេតុជាមូលដ្ឋានមួយ គឺថា នៅមុនពេលគេបង្កើតអំពូលភ្លើង មនុស្សមានតែព្រះច័ន្ទទេ ដែលបំភ្លឺនៅពេលយប់។ សង្គមមនុស្សក្នុងសម័យបុរាណ ជាទូទៅ រស់នៅ និង ទទួលទានដំណេកខាងក្រៅផ្ទះ ដែលពួកគាត់ត្រូវបានប៉ះពាល់ដោយរស្មីនៃព្រះច័ន្ទពេញវង់ ដែលរបស់អ្វីដែលមានពន្លឺ អាចរំខានដល់ការគេងរបស់មនុស្សក្នុងកំរិតណាមួយ។

សម្មតិកម្មនេះ ពិតជាគួរឲ្យចាប់អារម្មណ៍ណាស់ ប៉ុន្តែវាប្រហែលជាមិនអាចផ្តល់ការពន្យល់ពេញលេញទេ។ ការសិក្សា Cajochen ត្រូវបានធ្វើឡើងក្នុងបន្ទប់ពិសោធន៍ដ៏ងងឹតមួយ ដែលគេសង្ស័យថា ការប៉ះពាល់នេះប្រហែលជាមកពីកំណើត មិនមែនមកពីបរិយាកាសទេ។ នៅពេលដែលអ្នកស្រាវជ្រាវនៅតែមិនអាចបើកបង្ហាញអាថ៌កំបាំងនោះ គេបានស្នើថា ប្រហែលជាគន្លងរបស់ព្រះច័ន្ទ តំណាងឲ្យមជ្ឈដ្ឋានថ្មីមួយ ក្នុងសង្វាក់ជីវសាស្រ្តមនុស្ស ដែលជាហេតុធ្វើឲ្យព្រះច័ន្ទពេញវង់ប៉ះពាល់ដល់ការគេង។

សំនួរជាច្រើនដែលមិនមានចំលើយ នៅតែចោទសួរឡើងអំពីព្រះច័ន្ទពេញវង់ ដែលមានឥទ្ធិពលមកលើការទទួលទានដំណេករបស់មនុស្ស វាពិតជាពិបាកសំរាប់មនុស្សក្នុងការបាំងកុំឲ្យពន្លឺព្រះច័ន្ទចូលក្នុងបន្ទប់គេងរបស់ពួកគេ។ ពេលវេលាក្នុងខ្លួនរបស់យើង មានឥទ្ធិពលជាពេលវេលាដែលយើងផ្តល់តំលៃឲ្យ។

មនុស្សយើងប្រើប្រាស់ពន្លឺសិប្បនិម្មិត ដើម្បីគ្រប់គ្រងជីវិត។ ប៉ុន្តែទោះជាយ៉ាងណា យើងគួរដឹងដែរថា យើងនៅតែទទួលរងឥទ្ធិពលពីកំលាំងធម្មតា ប៉ុន្តែខ្លាំង ដែលនៅជុំវិញខ្លួនយើងនេះ៕

អត្ថបទល្អផ្សេងទៀត៖ ដើម្បី​ធ្វើដំណើរទៅឋានព្រះច័ន្ទ និងភពអង្គារ​ដោយ​ជោគជ័យ ក្រុម​អវកាស​យានិក​ត្រូវការ​របស់សំខាន់មួយនេះ…

(វ៉ាស៊ីនតោន)៖ វាមិនមែន​ជារឿងងាយឡើយ ដែលត្រូវច្នៃប្រឌិត​សំលៀកបំពាក់ ពីមួយ​ជំនាន់ទៅមួយជំនាន់ សម្រាប់ក្រុមអវកាសយានិក​របស់អង្គការ NASA ដើម្បីបំពេញ​បេសកកម្មនៅ​ទីអវកាសដ៏លំបាក អាចស៊ូទ្រាំនឹង​គ្រប់កាលៈទេសៈ និងធ្វើឲ្យ​អវកាស​យានិកយើង​មានផាសុខភាព​​នោះ។ នេះបើតាមការ​​ចេញផ្សាយដោយ វែបសាយ​ព័ត៌មាន​អង់គ្លេស Mirror នារសៀល​ថ្ងៃសុក្រ ទី២៣ ខែកុម្ភៈ ឆ្នាំ២០១៨។

ពិតប្រាកដណាស់​​សម្រាប់​អវកាសយានិក ដែលនឹងជិះនៅ​លើ​យាន​អវកាសថ្មី Orion ដែលនឹងបំពេញ​​បេសកកម្ម​សាកល្បង ទៅកាន់ឋាន​​ព្រះច័ន្ទនោះ នឹងមិនលំបាក​ក្នុងការបន្ទោរ​បង់​ទៀតនោះ​ឡើយ ព្រោះថាសំលៀកបំពាក់​​របស់ពួកគេ មានបង្កប់នូវ​បង្គន់តូចមួយ​រួច​ជាស្រេច ដែលអាចធ្វើការ​សម្រួល​កាកសំណល់​ ចេញពីរាងកាយ​ប្រកបដោយ​​ផាសុខភាព។

បច្ចុប្បន្នសំលៀក​បំពាក់​​ខាងលើ កំពុងស្ថិតនៅក្នុង​ការ​អភិវឌ្ឍនៅឡើយ ដើម្បីឲ្យវា​អាច​ប្រើប្រាស់បាន​ ប្រកបដោយ​ប្រសិទ្ធភាព និងជាពិសេសនោះ គឺ​វាអាចផ្ទុក​បាន​កាក​សំណល់​ជាមធ្យម​នៅក្នុងរយៈពេលយូរ។ ជាក់ស្តែង​ឈុតសំលៀកបំពាក់ថ្មី នឹងអាចក្រុម​អវកាសយានិកនីមួយៗ តស៊ូនឹងវាបាន​រយៈពេល ០៦ថ្ងៃ, អាចដកដង្ហើមបាន បូកជាមួយការ​ទទួលទាន​អាហារ និងបន្ទោរបង់នៅ​ក្នុងនោះមួយកំផ្លេ​តែម្តង។

ងាកមកកាន់​យានអវកាស Orion វិញ គឺជាបន្ទប់នៃ​អវកាយានិក​សរុប ០៤នាក់ ដែលពួកគេត្រូវ​មានសមត្ថភាព​រស់នៅ និងសិក្សានៅក្នុងនោះ​រយៈពេលរាប់ខែ-ឆ្នាំ ហើយវាមានគោលដៅ​ធំបំផុត នៅក្នុងការបញ្ជូន​មនុស្សទៅ​ភពអង្គារ នៅឆ្នាំ២០៣០ ជាពេល​អង្គការ NASA បានកំណត់គោលដៅ នៃការនាំក្រុម​មនុស្សដំបូង ទៅជាន់ភពអង្គារ ប៉ុន្តែ​ក្រុមហ៊ុន SpaceX បានកំណត់​គោលដៅមុន​នេះទៀតទៅហើយ។

គួរបញ្ជាក់ថា ដើម្បីអាចឲ្យ​វាធ្វើដំណើរ​ទៅភពអង្គារបាន ប្រកបដោយ​ប្រសិទ្ធភាព និងសុវត្ថិភាព​ខ្ពស់ ១០០% នោះ យាន​អវកាស Orion ត្រូវតែទទួល​ការធ្វើតេស្ត​យ៉ាងលំបាក នោះគឺការហោះហើរ​ទៅកាន់គន្លង​គោចរ​នៃឋានព្រះច័ន្ទ​ ដោយគ្មាន​អវកាសយានិក ដើម្បីឲ្យប្រាកដ​អំពីប្រសិទ្ធភាពនៃប្រព័ន្ធ​​ទំនាក់ទំនង និងសុវត្ថិភាព​ជារួម។ បន្ថែមពី​នេះ​ទៀត ឈុតសំលៀកបំពាក់​អវកាសថ្មី ក៏នឹងក្លាយជា​ប្រយោជន៍ សម្រាប់គំរោង​បញ្ជូនមនុស្ស ទៅជាន់ឋានព្រះច័ន្ទ​ជាថ្មីនោះផងដែរ៕

មតិយោបល់

ពេញនិយម