ប្រសិនបើមិនចង់ស្តាយក្រោយក្នុងជីវិត អ្នកមិនត្រូវប្រាប់រឿងទាំង១០យ៉ាងនេះទៅអ្នកដ៏ទៃឡើយ
Connect with us

គួរដឹង

ប្រសិនបើមិនចង់ស្តាយក្រោយក្នុងជីវិត អ្នកមិនត្រូវប្រាប់រឿងទាំង១០យ៉ាងនេះទៅអ្នកដ៏ទៃឡើយ

ពិភពលោកយើងនេះ គឺពោរពេញទៅដោយការពិតជាច្រើន ប៉ុន្តែយើងក៏ត្រូវចេះបត់បែនផងដែរ។ ការពិតខ្លះគួរតែលាក់ អោយជិតវិញល្អជាង។ ហេតុដូចនេះហើយ បានជាបុគ្គលឆ្នើមពេលខ្លះក៏ធ្វើជាមិនដឹងចំពោះរឿងមួយចំនួនដែរ ទោះបីជាពួកគេដឹងរឿងទាំងនោះច្បាស់ក៏ដោយ។ ការលាក់បាំងការពិតវាមិនល្អទេ តែបើការពិតនោះអាចធ្វើអោយ​ប៉ះពាល់​ដល់យើង យើងគួរតែលាក់ទៅវាល្អជាង។ ហេតុនេះហើយ រឿងមួយចំនួនរបស់អ្នក អ្នកមិនគួរអោយនរណាម្នាក់​ដឹងឡើយ ព្រោះពេលខ្លះវាអាចជួយអោយអ្នកសំរេចបាននូវគោលដៅអ្វីមួយក៏ថាបាន។ រឿងទាំង ១០ ខាងក្រោមនេះ អ្នកគួរតែដឹងម្នាក់ឯងបានហើយ។

១. ជំនួយដែលអ្នកបានផ្តល់

វាពិតជារឿងដ៏ប្រសើរមួយ ដែលអ្នកចេះជួយដល់អ្នកទុរគតខ្វះខាត និងមានភ័ព្វសំណាងមិនល្អក្នុងជីវិត។ វាមិនមែនជា​រឿងអាថ៍កំបាំងអ្វីនោះទេ តែវាក៏មិនមែនជារឿងដែលគួរចុះផ្សាយនៅព័ត៌មានទំព័រមុខនោះដែរ។ ការព្យាយាម​រក​ការដឹងគុណ​ និងស្ញប់ស្ញែងតាមវិធីនេះធ្វើអោយគេគិតថាអ្នកជាមនុស្សចង់បានមុខមាត់។ អ្នកធ្វើអំពើល្អ រឿងល្អនឹងមក​រកអ្នកវិញដូចគ្នាទេ ដូចនេះមិនចាំបាច់ប្រកាសពីអំពើល្អដែលអ្នកបានធ្វើនោះទេ។

២. ទ្រព្យសម្បត្តិរបស់អ្នក

គ្មាននរណាម្នាក់នៅលើលោកនេះមិនចង់ មានរបស់ល្អៗប្រើប្រាស់។ នៅពេលអ្នកមានរបស់ល្អៗប្រើប្រាស់ផ្ទាល់ខ្លួន​ហើយអ្នកមិនគួរអួតប្រាប់អ្នកដំទៃទេ ព្រោះគេមិនចាប់អារម្មណ៍ចង់ដឹងរឿងអស់ទាំងនេះទេ។ អ្នកគួរតែនៅស្ងៀមស្ងាត់​ហើយខិតខំធ្វើការ ដើម្បីបន្តស្វែងរករបស់ល្អៗជាច្រើនទៀតដែលអ្នកប្រាថ្នាចង់បាន។ ការដែលអ្នកបា្រប់អ្នកដ៏ទៃពីទ្រព្យ​សម្បត្តិរបស់អ្នក មានតែនាំទុក្ខដល់ខ្លួនអ្នកតែប៉ុណ្ណោះ។ គេអាចកើតចិត្តច្រណែនឈ្នានីស អាចធ្វើរឿងនឹងស្មានមិនដល់​។

៣. ជីវិតផ្ទាល់ខ្លួនរបស់អ្នក

ជីវិតរបស់អ្នកមិនមែនជារឿងរបស់នរណាម្នាក់ឡើយ ហើយរឿងរបស់គេក៏មិនពាក់ព័ន្ធជាមួយអ្នកដែរ។ រាល់ការសម្រេច​ចិត្តទាំងឡាយក្នុងជីវិតអ្នក អ្នកជាអ្នកប្រឈម និងដោះស្រាយ។ គេក៏មានរឿងគេត្រូវខ្វល់នោះដែរ ដូចនេះហើយមានរឿង​ខ្លះអ្នកមិនគួរប្រាប់ ឫពិភាក្សាជាមួយអ្នកដ៏ទៃឡើយ ដូចជារឿងគ្រួសារ និងជីវិតផ្ទាល់ខ្លួនរបស់អ្នកជាដើម។

៤. ដំបៅពីអតីតកាលរបស់អ្នក

អតីតកាលបានកន្លងហួសហើយ។ គិតពីវា ឫលើកមកនិយាយម្តងទៀតគ្រាន់តែធ្វើអ្នកឈឺចាប់តែប៉ុណ្ណោះ។ អ្នកគួរតែ​រក​ដំណោះស្រាយ ឬពិភាក្សានៅពេលរឿងនោះកំពុងកើតឡើង ហើយត្រូវការជំនួយ។ ដូចនេះបើអ្នកមិនអាចដោះស្រាយ​វា​បាន​ពីពេលនោះមកទេ វាគ្មានហេតុផលអ្វីដែលអ្នកគួរយកវាមកនិយាយម្តងទៀតនោះទេ។ ចាត់ទុកថាវាជាបទពិសោធន៍​ហើយបន្តដំណើរទៅមុខប្រសើរជាជាង។

៥. ការគិតរបស់អ្នកចំពោះអ្នកដ៏ទៃ

ប្រសិនបើយើងចង់អោយខ្លួនអោយ អភិវឌ្ឍ និងរីកចំរើនទៅមុខអ្នកគួរតែទទួលស្គាល់ពីភាពខ្សោយរបស់អ្នក និងរៀនកែ​ប្រែចំណុចទាំងអស់នោះអោយទៅជាល្អប្រសើរវិញ។ ការដែលអ្នកប្រាប់នរណាម្នាក់ពីការគិតរបស់អ្នក គេអាចគិតថា​អ្នក​មិនមែនចង់ជួយអ្វីទេ គ្រាន់តែចង់លាបពណ៌ ឫលើកតម្កើងខ្លួនឯងតែប៉ុណ្ណោះ។ ដូច្នេះទោះនិយាយ ឫមិននិយាយក្តី​ក៏មិនជួយចំរើនដល់អ្នក ឫអ្នកផ្សេងទៀតដែរ អញ្ជឹងអ្នកគួរតែដឹងថាធ្វើដូចម្តេចហើយ។

៦. ទង្វើល្អរបស់អ្នក

ទង្វើល្អកើតឡើងដោយមិនចាំបាច់ប្រឹងចេញមុខចេញមាត់ឡើយ។ ទង្វើទាំងនេះគួរតែត្រូវរក្សាទុកអោយបានស្អាតបរិសុទ្ធ​ដូចកែវភ្នែកទាំងទ្វេរបស់អ្នកអញ្ជឹង។ ការចេញមុខចេញមាត់ និងព្យាយាមអួតអាងរបស់អ្នក អាចធ្វើអោយទង្វើល្អរបស់​អ្នកគ្មានន័យ។

៧. សមធម៌របស់អ្នក

មនុស្សជាច្រើនបាននិយាយថា អត្តចរិតពិតប្រាកដរបស់នរណាម្នាក់ អាចបង្ហាញចេញមកយ៉ាងស្ងាត់ៗ ដោយចេញពី​ចិត្ត។ មនុស្សដែលមានសមធម៌ពិតប្រាកដដឹងថាខ្លួនគួរធ្វើអ្វី ដោយមិនចាំបាច់បង្ហាញជាសាធារណៈនោះទេ។ ពួកគេ​មានជំនឿ និងការតាំងចិត្តដោយខ្លួនឯងផ្ទាល់។ រាល់ទង្វើដែលប្រកបដោយសមធម៌ទាំងឡាយរបស់ពួកគេ គេធ្វើឡើង​ប្រកបដោយភាពក្លាហានខ្ពស់ មិនរារែកឡើង។ រឿងនេះកើតចេញពីចិត្តខាងក្នុងដ៏ពិតប្រាកដ ដូច្នេះអ្នកមិនគួរ និងមិនចាំ​បាច់ព្យាយាមបង្ហាញដល់អ្នកដំទៃនោះទេ។​

៨. របៀបរស់នៅ និងធ្វើការរបស់អ្នក

មនុស្សគ្រប់គ្នាសុទ្ធតែមាន អត្តចរិត និងលក្ខណៈខុសៗគ្នា។ ការបង្រៀនអោយអ្នកដ៏ទៃរស់នៅ និងធ្វើការតាមរបៀប​ដែលអ្នកកំពុងប្រព្រឹត្តិ មិនអាចសុទ្ធតែជួយនរណាម្នាក់បានឡើយ ព្រោះយើងទាំងអស់សុទ្ធតែ​មានភាពខុសប្លែក​រៀងៗ​ខ្លួន។ ដូចនេះហើយ អ្នកគួរតែបន្តរស់នៅ និងធ្វើការតាមរបៀបរបស់អ្នក អោយតែវិធីទាំងនោះធ្វើអោយអ្នកសប្បាយ និ​ង​មានភាពងាយស្រួល។

៩. បញ្ហាក្នុងគ្រួសារ

នៅពេលដែលអ្នកមានគ្រួសារ បញ្ហាទាំងឡាយដែលកើតមានឡើងគឺសុទ្ធតែជារឿងសំងាត់របស់គ្រួសារអ្នក។ ទោះបីអ្នក​មិនគិតពីខ្លួនឯង អ្នកគួរតែការពារអ្នកនៅជុំវិញខ្លួនអ្នក។ មិនថារឿងតូច រឿងធំ រឿងទាំងអស់សុទ្ធតែអាចធ្វើអោយប៉ះ​ពាល់ដល់កិត្តិយសប្រពន្ធអ្នក កូនអ្នក ឪពុកម្តាយរបស់់អ្នក ឫសាច់ញាតិបងប្អុនឆ្ងាយជិតក្តី។ បញ្ហាគ្រួសារមិនមែនដូច​ជាកូនតុក្តតាដែលអ្នកអាច ចែករំលែកទៅអ្នកដ៏ទៃស្រេចតែចិត្តអ្នកនោះទេ។

១០. គំរោងការរយៈពេលវែងរបស់អ្នក

បុគ្គលឆ្លាតៗ និងឆ្នើមៗ ជាច្រើនរូបបាននិយាយថា អ្នកមិនគួរទម្លាយគំរោងការរយៈពេលវែងរបស់អ្នក អោយនរណាម្នាក់​បានដឹងឡើយ។ អ្នកគួរតែលាក់វាអោយជិត រហូតដល់រឿងនោះត្រូវបានគេដឹងដោយខ្លួនឯង។ ការគិតរបស់អ្នកដ៏ទៃ ខុសពីការគិតរបស់អ្នក ដូចេ្នះហើយអ្នកមិនគួរអោយអ្នកដ៏ទៃមកវាយតម្លៃលើគំរោងការអនាគតរបស់អ្នកបានឡើយ។ មិនថាគំរោងការនោះអាចសម្រេចក្តីស្រមៃរបស់អ្នក ឫក្លាយជាមេរៀនសម្រាប់អ្នក អ្នកសុទ្ធតែបានធ្វើវាដោយខ្លួនឯង។

អត្ថបទល្អផ្សេងទៀត៖ មេរៀនក្នុងជីវិតទាំង ៥យ៉ាងដែលយើងមិនដែលបានដឹង និងចាប់អារម្មណ៍

ពាក្យស្លោកជាច្រើនបានបង្រៀនអោយយើងចេះចង់មានបាន និងជោគជ័យក្នុងជីវិត។ មានវិធីជាច្រើនអាចជួយអោយអ្នកមានភាពជោគជ័យក្នុងជីវិត ប្រសិនបើអ្នកមានបំណងប្រាថ្នាច្បាស់លាស់ពិតប្រាកដមែន។ មនុស្សមួយចំនួនគិតរិះរកពីវីធីជួយអោយខ្លួនជោគជ័យដោយខ្លួនឯង។ មនុស្សខ្លះទៀតរៀនតាមបទពិសោធន៍អ្នកជោគជ័យ និងអានសៀវភៅជាដើម។ ប្រសិនបើអ្នកកំពុងតែក្រ ហើយមិនដឹងធ្វើយ៉ាងដូចម្តេចដើម្បីជៀសឆ្ងាយពីការលំបាកមួយនេះ អ្នកត្រូវធ្វើការសម្រេចចិត្តដ៏សំខាន់ក្នុងជីវិត។ ពេលនោះហើយអ្នកត្រូវក្រោកឈរឡើង ហើយសួរខ្លួនឯងថា តើពិតជាចង់មានបាន និងជោគជ័យដែរឫអត់? បើអ្នកពិតជាចង់មែន អ្នកគួរតែរៀនធ្វើតាមចំណុចខាងក្រោមនេះ។

១. ធ្វើខ្លួនអោយសប្បាយ

មនុស្សដែលជោគជ័យភាគច្រើនតែងតែរៀនហ្វឹកហាត់ចិត្តខ្លួនឯងអោយសប្បាយគ្រប់ពេល ទោះបីស្ថានការមិនអំណោយផលក៏ដោយ។ ការហ្វឹកហាត់នេះគឺពិតជាពិបាក ហើយចំណាយពេលច្រើន ប៉ុន្តែនៅពេលអ្នករៀនចេះហើយអ្នកអាចគ្រប់គ្រងជីវិតអ្នកបានយ៉ាងងាយស្រួល។ មិនថាក្នុងស្ថានការណ៍ណា គ្រប់គ្នាមិនដឹងថាអ្នកកើតទុក្ខទេ នេះហើយអ្នកមានឱកាសច្រើនបំផុតដើម្បីភាពរីកចំរើន និងការអភិវឌ្ឃន៍ខ្លួន។ ហើយការរៀនធ្វើបែបនេះ ក៏ជួយអោយអ្នកមិនសូវមានពេលពិបាកចិត្តច្រើន ហើយគិតតែរឿងសប្បាយៗ។ ជីវិតយើងមានតែម្តងទេ ដូច្នេះត្រូវប្រើប្រាស់ជីវិតអោយមានតម្លៃ។

២. ធ្វើអ្វីដែលអ្នកចូលចិត្ត ស្រឡាញ់អ្វីដែលអ្នកធើ្វ

អ្នកអាចមិនសម្រេចចិត្តយកការងារអ្វីមួយមកធ្វើបាន តែប្រសិនបើអ្នកសម្រេចចិត្តយកមកធ្វើហើយ អ្នកគួរតែដាក់ចិត្តធ្វើការងារនោះ។ ការងារនីមួយៗ សុទ្ធតែមានតម្លៃ និងសារៈសំខាន់រៀងៗខ្លួន ដូចនេះអ្នកគួរតែ រៀនស្រឡាញ់ការងារដែលខ្លួនកំពុងធ្វើ ហើយធ្វើអោយអស់ពីចិត្តទើបអ្នកអាចដឹងពីគុណតម្លៃនៃការងារដែលអ្នកកំពុងធ្វើ។ សមិទ្ធិផលនៃការងារមួយមិនអាចសម្រេចបានក្នុងរយៈ មួយនាទិទេ ដូច្នេះពេលអ្នកដឹងពីគុណតម្លៃនៃការងារណាមួយ​ហើយ អ្នកអាចដាក់ចិត្តធ្វើព្រោះអ្នកដឹងពីសមិទ្ធិផលដែលការងារនោះអាចផ្តល់អោយ។

៣. អរគុណដែលអ្នកមានជីវិត

ពេលវេលាដើរទៅលឿនណាស់ ដូចេ្នះហើយគ្រប់ដង្ហើមចេញចូលគឺពិតចាសំខាន់ណាស់សម្រាប់យើងគ្រប់គ្នា។ កុំយកអតីតកាលឈឺចាប់ ឫដេកព្រួយពីអនាគតដែលមើលមិនឃើញ មកលាយឡំនឹងជិវិតដ៏មានសារៈសំខាន់ប្រចាំថ្ងៃរបស់យើង។ រស់នៅក្នុងសម្រោលអតីតកាលគឺគ្មានប្រយោជន៍ ហើយការបារម្ភហូសហេតុក៏មិនផ្តល់អ្វីដល់អ្នកវិញដែរ។ អ្នកគួរផ្តោតទៅលើបទពិសោធន៍កន្លងមករបស់អ្នក ហើយមើលថាវាអាចប៉ះពាល់ ឫ ផ្លាស់ប្តូរយើងដូចម្តេចខ្លះ។ មួយនាទីៗ ដើរទៅលឿនណាស់ ដូចនេះអ្នកគួររស់នៅជវិតអ្នកអោយមានន័យ។

៤. អ្វីគ្រប់យ៉ាងកើតឡើងក្នុងមួយបប្រិចភ្នែក

អ្វីគ្រប់យ៉ាងអាចកើតឡើងដោយខ្លី ក្នុងមួយប្រប្រិចភ្នែកតែប៉ុណ្ណោះ ដូច្នេះនៅពេលដែលរឿងល្អកើតឡើងចំពោះអ្នក អ្នកគួរតែក្តាប់ពេលវេលា និងឱកាសអោយបាន ហើយអរគុណទេវតាដែលផ្តល់រឿងនេះដល់អ្នក។ ពេលខ្លះរឿងអាក្រក់ក៏កើតចំពោះអ្នកដូចគ្នា អ្នកមិនគួរស្តាយក្រោយ ឫពិបាកចិត្តយូររាំរៃពេកនោះទេ ព្រោះថារឿងអាក្រក់និង កន្លងផុត ហើយរឿងល្អនិងអាចចូលមកវិញ។ ជីវិតមនុស្សតែងតែអញ្ជឹង ជួនកាលអ្នកអាចខ្ពស់កប់ពពក ពេលខ្លះទៀតអ្នកដូចជន្លេនជ្រកដី។ មិនថារឿងល្អក្តី រឿងអាក្រក់ក្តី វាសុទ្ទតែបានផ្តល់មេរៀនដល់អ្នកក្នុងជីវិត ដូចនេះហើយ អ្នកគួរតែក្តាប់ឳកាសអោយបានពីព្រោះរឿងគ្រប់យ៉ាងអាចកើតឡើងតែក្នុងមួយបប្រិចភ្នែកតែប៉ុណ្ណោះ។

៥. ការសង្កេត

ការដែលអ្នកចេះសង្កេតមើលពិភពលោកជុំវិញរបស់អ្នក បង្រៀនអ្នកនូវមេរៀនសំខាន់ៗជាច្រើននៅក្នុងជីវិត។ អ្នកអាចរៀននូវពីអ្វីៗនៅជុំវិញខ្លួនអ្នក ហើយផ្លាស់ប្តូរការគិតរបស់អ្នក។ វាអាចធ្វើអោយអ្នកជម្នះនូវការភ័យខ្លាចរបស់អ្នក ដើម្បីចាប់យកចំណង់ចំណូលចិត្តអ្វីមួយ។ ពិភពលោកនេះធំណាស់ ហើយយើងកើតមកគឺដើម្បីរៀនមើល និងរៀនសង្កេតពីអ្វីជុំវិញខ្លួនយើង ដូច្នេះហើយមានពេលខ្លះអ្នកអាចមិនយល់ពីអ្វីមួយដែលបានកើតឡើង។ ពេលនោះហើយអ្នកកុំតូចចិត្ត ឫបោះបង់ចោល ពីព្រោះថាកំហុសអាចបង្រៀនអ្នក អោយអ្នកចេះអភិវឌ្ឍន៍ខ្លួនតទៅមុខទៀត៕

មតិយោបល់

ពីនេះពីនោះ2 hours ago

ញាក់សាច់! តោះមកដឹងពីប្រវត្តិរបស់អ្នកសិល្បៈខ្មែរ​ដែលហ៊ានទម្លាយថា​ខ្លួនធ្លាប់ធ្វេីរឿងទាំងនេះកាលពីមិនទាន់ល្បី

ពីនេះពីនោះ3 hours ago

ទីបំផុត MV បទចម្រៀង “ប្រពន្ធបងមិនល្អមែនទេ?” របស់លោក ខេមរៈ សិរីមន្ត និងអ្នកនាង ពេជ្រ សោភា ចេញជាផ្លូវការ ពិរោះហើយកំសត់ទៀត… (មានវីដេអូ)

ពីនេះពីនោះ4 hours ago

ទិដ្ឋភាព សិល្បករ ចូលរួមក្នុងព្រះរាជពិធីតម្កល់ព្រះបរមសព នៃសម្ដេចរាជបុត្រី ព្រះរៀម នរោត្តម បុប្ផាទេវី ទេពនាថវដ្ដីឯក

ថ្មីៗ14 hours ago

ថ្មីៗនេះ ! កម្ពុជានឹងនាំចូលអំបិលពីឥណ្ឌា ៥០០០ តោន ដើម្បីបំពេញកង្វះខាតទាំងស្រុង

គួរដឹង15 hours ago

មកដឹងពីមូលហេតុ ! សង្គមកាន់តែរីកចម្រើនប្រជាជនកូរ៉េកាន់តែចង់នៅលីវ

Trending

Copyright © 2019 ANARCHAK