អ្នកត្រូវតែមានភាពក្លាហានក្នុងខ្លួន ព្រោះគ្មាននរណាម្នាក់ជួយអ្នកក្រៅពីខ្លួនឯងទេ!
Connect with us

បែបផែនជីវិត

អ្នកត្រូវតែមានភាពក្លាហានក្នុងខ្លួន ព្រោះគ្មាននរណាម្នាក់ជួយអ្នកក្រៅពីខ្លួនឯងទេ!

តើអ្នកជានរណាកាលពីមួយឆ្នាំមុន ហើយតើអ្នកជានរណាកាលពីម្សិលមិញគឺមិនសំខាន់ទេ។ តែអ្វីដែលសំខាន់នោះគឺថាអ្នកជានរណានៅថ្ងៃនេះ ហើយថ្ងៃស្អែកអ្នកនឹងទៅជាយ៉ាងណា។​ ឆាកជីវិតមុនក្រោយត្រូវលំបាក អញ្ចឹងគួរតែលំបាកមុនហើយ ។ ឆាកជីវិតគឺពិតជាហត់នឿយណាស់ បើសិនជាពេលបច្ចុប្បន្នអ្នកមិនហត់នឿយ នោះថ្ងៃក្រោយអ្នកកាន់តែហត់នឿយ។

នៅពេលដែលខ្លួននៅក្មេង អ្នកត្រូវតែមានភាពក្លាហានក្នងការប្រលូកនៅក្នុងឆាកជីវិត អ្នកត្រូវប្រឈមមុខនឹងព្យុះភ្លៀងជាច្រើនដែលនឹងត្រូវកើតឡើង ដូច្នេះអ្នកត្រូវតែហ្វឹកហាត់ភាពអត់ធ្មត់របស់អ្នក ត្រូវរៀនបើកចំហរចិត្ត មានសុទិដ្ឋិនិយម នឹងត្រូវតែមានភាពឈ្លៀសវៃ ការធ្វើបែបនេះគឺដើម្បីជួយខ្លួនឯង ធ្វើបែបនេះទើបមានសុភមង្គល។

ប្រសិនបើអ្នករង់ចាំអោយអ្នកខាងក្រៅមកវាយបំបាក់អ្នក នោះអ្នកកំនត់អោយខ្លួនឯងធ្វើជាចំនីរបស់អ្នកដ៏ទៃ ប៉ុន្តែប្រសិនបើអ្នកបណ្តោយអោយផ្នែកខាងក្នុងរបស់អ្នកវាយបំបាក់អ្នក នោះអ្នកខ្លួនឯងនឹងឃើញពីភាពរីកចំរើនរបស់ខ្លួនឯងដែលនឹងកើតមាន។

នៅលើលោកនេះគ្មានការងារណាដែលមិនលំបាកនោះទេ ហើយក៏គ្មានការងារណាដែលមិនស្មុគស្មាញនោះដែរ ដូច្នេះហើយចាប់ពីថ្ងៃនេះទៅត្រូវញញឹមអោយបានរាល់ថ្ងៃទៅ។

នៅលើលោកនេះក្រៅពីរឿងកើត ស្លាប់ រឿងផ្សេងៗសុទ្ធតែជារឿងតូចតាចទាំងអស់ ដូច្នេះមិនថាអ្នកជួបរឿងអ្វីនោះទេ ទោះបីរឿងដែលធ្វើអោយអ្នកមានការរំខានចិត្តក៏ដោយ ត្រូវតែដោះស្រាយខ្លួនឯង។ មិនថាថ្ងៃនេះកើតមានរឿងមិនល្អយ៉ាងណាក៏ដោយ អ្នកមិនគួរមានអារម្មណ៍ពិបាកចិត្តនោះឡើយ  ព្រោះថាអ្នកនៅមានថ្ងៃស្អែក ថ្ងៃនេះគ្រាន់តែការប្រណាំងប្រជែងមួយតែប៉ុណ្ណោះ។

ក្រោយពីខំប្រឹងរួចហើយ ទើបដឹងខ្លួនថាមានរឿងជាច្រើន ដែលត្រូវស៊ូទ្រាំ ត្រូវតែឆ្លងអោយផុត។  មនុស្សយើងត្រូវតែខំស៊ូទ្រាំ ។

អត្ថបទល្អផ្សេងទៀត៖​ ប្រសិនបើអ្នកមិនដឹងថាគួរធ្វើអ្វីនៅក្នុងជីវិតអ្នកនោះទេ អ្នកគួរតែអានអត្ថបទនេះ!

អ្នកមិនអាចដឹងឡើយថានឹងមានអ្វីកើតឡើងនៅ៥ឆ្នាំបន្ទាប់ ប៉ុន្តែអ្នកអាចដឹងពីអ្វីដែលធ្វើអោយអ្នកមានភាពរីករាយនៅពេលបច្ចុប្បន្ន អញ្ចឹងអ្នកត្រូវតែចាប់ផ្តើមធ្វើរឿងទាំងអស់នោះ។

អ្នកមិនអាចដឹងពីអនាគតទាំងស្រុងរបស់អ្នកបានទេ

ត្រូវចងចាំថា អ្នកមិនអាចដឹងថានឹងមានរឿងអ្វីកើតឡើងនៅពេលខាងមុខនោះទេ។ ជីវិតគឺពោរពេញទៅដោយរឿងរ៉ាវគួរអោយចាប់អារម្មណ៍ជាច្រើន រួមមានទាំងការបត់បែនចុះឡើងដែលធ្វើអោយយើងសឹងមិនជឿទៀតផង ប៉ុន្តែប្រសិនបើអ្នកនៅតែបន្តធ្វើអ្វីដែលអ្នកពេញចិត្តទោះបីអ្វីដែលអ្នកកំពុងធ្វើ មិនថាជាការងារ ឬក៏ការកំសាន្តនោះឡើយ នោះវានឹងធ្វើអោយដំណើរជីវិតរបស់អ្នកកាន់តែគួរអោយចាប់អារម្មណ៍ និងសប្បាយរីករាយ។ អ្នកប្រហែលជាចូលចិត្តបង្កើត និងកែច្នៃគ្រឿងអលង្ការនៅពេលឥឡូវនេះ ហើយអ្នកក៏ប្រហែលជាអាចលក់គ្រឿងអលង្ការដែលអ្នកបានធ្វើ ហើយ ៥ឆ្នាំក្រោយអ្នកប្រហែលជាក្លាយទៅជាអ្នកច្នៃម៉ូតគ្រឿងអលង្ការដ៏ជោគជ័យម្នាក់ ឬក៏អ្នកអាចចាប់ផ្តើមធ្វើអ្វីមួយផ្សេងពីនេះទៀត។ វាមិនចោទជាបញ្ហាអ្វីនោះឡើយ! អ្នកមានបទពិសោធន៍ក្នុងការច្នៃម៉ូតគ្រឿងអលង្ការដើម្បីជាបង្អែកសម្រាប់អ្នក ហើយវាអាចនឹងជួយអ្នកក្នុងគម្រោងផ្សេងៗដែលទាក់ទងនឹងគ្រឿងអលង្ការនៅពេលអនាគតបាន។

ព្យាយាមធ្វើខ្លួនអោយមានភាពស្រណុកស្រួលនៅក្នុងការលំបាក

ពេលខ្លះជីវិតរបស់មនុស្សយើងគឺមិនមែនសុខស្រួលរហូតនោះទេ។ ពេលខ្លះយើងមិនមានលុយគ្រប់គ្រាន់ដើម្បីធ្វើអ្វីដែលយើងចង់ធ្វើនោះទេ។ ហើយប្រសិនបើអ្នកមានអ្វីដែលអ្នកចង់ធ្វើ ឬចង់បន្ត អញ្ចឹងអ្នកត្រូវតែសម្របខ្លួនរបស់អ្នកជាមួយនឹងរឿងដែលធ្វើអោយអ្នកពិបាកដើម្បីធ្វើរឿងដែលអ្នកចង់ធ្វើ។

ជីវិតគឺមិនទៀងទាត់ឡើយ អញ្ជឹងបណ្តោយតាមណ្នឹងចុះ

មានរឿងជាច្រើនអាចកើតឡើងដែលយើងមិនដឹងមុន។ ខ្ញុំធ្លាប់មានអ្វីៗទាំងអស់។ ខ្ញុំមានការងារដ៏អស្ចារ្យមួយ មានផ្ទះដ៏ស្រស់ស្អាតដែលធ្វើពីឈើក្បាច់រចនាយ៉ាងល្អវិចិត្រ ប៉ុន្តែខ្ញុំត្រូវបានគេបណ្តេញចេញពីការងារ ដូច្នេះខ្ញុំត្រូវបាត់បង់ផ្ទះរបស់ខ្ញុំ មិនត្រឹមតែប៉ុណ្ណោះ ខ្ញុំទើបតែដឹងថាខ្លួនឯងមានផ្ទៃពោះ។ ពិតជារឿងដ៏អស្ចារ្យមែនដែលអ្វីៗគ្រប់យ៉ាងកើតឡើងត្រឹមពេលមួយអាទិត្យ។ ខ្ញុំគេងនៅលើគ្រែរបស់ខ្ញុំប្រហែលជាពីរបីថ្ងៃ ទាំងមិនសប្បាយចិត្ត ប៉ុន្តែខ្ញុំបានប្រមូលសតិអារម្មណ៍របស់ខ្ញុំអោយត្រលប់មកវិញ ហើយសម្រេចចិត្តរៀបចំផែនការឡើងវិញដោយសំរេចចិត្តផ្លាស់ទៅ រដ្ឋAlaska។ ពេលនោះហើយដែលខ្ញុំបានមានឱកាសចាប់ផ្តើមសារជាថ្មី និងទទួលបានជោគជ័យជាងមុនទៀត។ ដូច្នេះរឿងមិនល្អដែលកើតមានឡើង អាចជាឪកាសមួយធ្វើអោយយើងទទួលបានជោគជ័យ និងអាចមានរឿងល្អកើតឡើងផងដែរ។

ព្យយាមជំនះការរំខានផ្សេងៗជុំវិញខ្លួន និងឈប់ពន្យាពេលការងារទៀត

អ្នកមិនមែននៅក្មេងទៀតឡើយ។ ប្រសិនបើអ្នកមិនឈ្លៀតពេលបន្តក្តីសុបិន្តរបស់អ្នកនោះទេ នោះអ្នកនឹងមើលឃើញខ្លួនឯងនៅទីបញ្ចប់នៃជីវិតដែលគ្មានអ្វីទាំងអស់ក្រៅពី ស្តែធើសផ្សេងៗនៅលើហ្វេសប៊ុក និងកម្មវិធីទូរទស្សន៍ជាច្រើនដែលអ្នកបានមើល។ ប្រសិនបើអ្នកមានភាពច្បាស់លាស់ក្នុងការបន្តក្តីសុបិន្តរបស់អ្នក មិនថាជាអ្នកច្នៃម៉ូតគ្រឿងអលង្ការ អ្នកជិះស្គីដ៏ជំនាញ ជាអ្នកមាន ឬក៏ជាអ្នកល្បីល្បាញនោះទេ នោះអ្នកត្រូវតែធ្វើរឿងដែលអ្នកចង់ធ្វើនោះ។ ចាប់យកជំហានដំបូង បិទហ្វេសប៊ុក អឹលឺតរបស់អ្នក ហើយចាប់ផ្តើមធ្វើការដែលអ្នកចង់ធ្វើ។ អ្នកនឹងមិនដឹងថាអ្នកខ្លួនឯងអស្ចារ្យប៉ុណ្ណានោះទេ នៅពេលដែលអ្នកធ្វើអ្វីដែលអ្នកចង់ធ្វើ។

ព្យាយាមសួរខ្លួនឯង

ចំណាយពេលសម្រាប់ខ្លួនឯង។ សិក្សាពីខ្លួនឯង ធ្វើការតាំងសមាធិ ហើយសរសេររាល់ចំនុចដែលធ្វើអោយអ្នកចាប់អារម្មណ៍ ហើយនិងរឿងដែលអ្នកយល់ថាអ្នកអាចធ្វើវាបានប្រសិនបើអ្នកពុំមានបញ្ហាផ្នែកហិរញ្ញវត្ថុ ឬពេលវេលានោះទេ។ ដាក់គោលដៅអោយធំ តាំងចិត្តអោយស្ងប់ ហើយស្រម៉ៃថាខ្លួនឯងកំពុងធ្វើរឿងអស់ទាំងនោះ។

រៀនធ្វើការងារស្ម័គ្រចិត្ត

ប្រសិនបើអ្នកចាប់អារម្មណ៍លើអ្វីមួយមិនថា អ្នកចាំសួនសត្វឫ អ្វីក៏ដោយ ព្យាយាមសាកល្បងធ្វើវា ទើបយើងដឹងថាវាជាចំណង់ចំណូលចិត្តពិតប្រាកដរបស់យើងមែនឬក៏អត់។ គ្មានក្តីស្រមៃណាអាចក្លាយជាការពិតខ្លួនឯងបានទេប្រសិនបើអ្នកមិនសាកល្បងធ្វើការងារនោះ។

ចេះសន្សំ

ប្រសិនបើអ្នកចង់បន្តក្តីសុបិន្តរបស់អ្នក អ្នកត្រូវរកការងារសមស្របណាមួយដើម្បីរកចំនូលជាទុន ដើម្បីសន្សំទុកក្នុងការសំរេចក្តីបំនងរបស់ខ្លួន។

ចាប់យកឱកាស

ឱកាសផ្សេងៗអាចនឹងមករកអ្នកដល់មុខទ្វារ តែប្រសិនបើអ្នកមិនព្រមបើកទ្វារទទួលយកឱកាសនោះទេ តើអ្នកអាចទាញយកផលប្រយោជន៍ពីឱកាសនោះបានដោយរបៀបណា? អ្នកត្រូវតែចាប់យកឱកាសនៅពេលដែលវាមករកអ្នក ប៉ុន្តែពេលខ្លះឱកាសនោះមកដល់មិនត្រូវពេលវេលា ប៉ុន្តែនោះមិនមែនជាបញ្ហានោះទេ។ ត្រូវចេះចាប់យកឱកាសនៅពេលដែលវាមករកអ្នក បើមិនអញ្ចឹងទេឱកាសនោះអាចនិងត្រូវបានអ្នកដ៏ទៃឆក់យកទៅបាត់។ អ្នកត្រូវតែសំរេចចិត្ត ហើយសាកល្បងធ្វើវា បើទោះបីជាអ្នកស្អប់មិនចូលចិត្តវានៅពេលបច្ចុប្បន្នក៏ដោយ ធ្វើបែបនេះអ្នកនឹងមិនមានការស្តាយក្រោយទៅថ្ងៃមុខនៅពេលដែលអ្នកមិនបានសាកល្បងអ្វីទាំងអស់នោះសោះ។ អញ្ជឹងអ្នកគួរទុកទូរស័ព្ទហើយចាប់ផ្តើមធ្វើឥឡូវនេះ។

មតិយោបល់

ពេញនិយម

Copyright©2017 ANARCHAK TEAM រក្សាសិទ្ធគ្រប់យ៉ាង