ល្បិចងាយៗសម្រាប់អ្នកដែលត្រូវឩស្សាហ៏គេងនៅផ្ទះសំណាក់
Connect with us

គួរដឹង

ល្បិចងាយៗសម្រាប់អ្នកដែលត្រូវឩស្សាហ៏គេងនៅផ្ទះសំណាក់

ជីវិតអាចជាមានរឿងសប្បាយរីករាយច្រើនបើសិនជាអ្នកមានលុយដើរលេងទៅកាន់គ្រប់ទិសទី ប៉ុន្តែវាក៏អាចក្លាយទៅជារឿងលំបាកផងដែរព្រោះអ្នកត្រូវគេងស្នាក់នៅនៅផ្ទះសំណាក់ជាច្រើនកន្លែង ដូច្នេះអ្នកអាចនឹងជួបបញ្ហាច្រើន។ យើងមិនដឹងទេថាផ្ទះសំណាក់ទាំងអស់សុទ្ធតែដូចគ្នា ឬស្អាត និងមានអ្វីៗគ្រប់គ្រាន់សម្រាប់យើងនោះទេ ដូច្នេះដើម្បីជាការការពារបើសិនជាអ្នកប៉ះចំផ្ទះសំណាក់ណាដែលតូចចង្អៀត ហើយមានរបស់មិនគ្រាប់គ្រាន់សម្រាប់អ្នក អ្នកគួរតែចេះល្បិចទាំងនេះ។

១. ចំអិនបន្លែនៅក្នុងម៉ាស៊ីនឆុងកាហ្វេ


ជាការពិតណាស់នៅពេលដែលឃ្លានកាហ្វេ ផ្ទះសំណាក់តែងតែផ្ដល់ជូនកាហ្វេសម្រាប់យើងឆុងដោយឥតគិតថ្លៃ ប៉ុន្តែសម្រាប់អ្នកដែលឃ្លានបន្លែ ឬត្រូវញ៉ាំបន្លែជាប្រចាំប្រាកដជាពិបាករកកន្លែងចំអិន ដូច្នេះល្បិចមួយដែលអាចដោះស្រាយបានគឺការចំអិនបន្លែនោះនៅក្នុងម៉ាស៊ីនឆុងកាហ្វេហ្នឹងហើយ។

២. យកកន្សែងធ្វើជាម៉ាស៊ីនត្រជាក់


បើសិនជាមានការដាច់ភ្លើង ឬក៏ក្តៅស្អុះ អ្នកគ្រាន់តែយកកន្សែងជូតខ្លួន ឬកន្សែងដែលថ្មីណាមួយទៅជ្រលក់ទឹក រួចគៀបដាក់ហាលនៅនឹងមាត់បង្អួច នៅពេលដែលមានខ្យល់ចេញចូលតាមបង្អួចវានឹងអាចត្រជាក់ជាងមុន។

៣. ចំអិនពងទានៅក្នុងបំពង់ទឹកក្តៅ


បើសិនជាអ្នកឃ្លានភ្លាមៗ ហើយអ្នកមិនអាចរកអ្វីញ៉ាំបាន ហើយវាជាពេលវេលាយប់ ឬគេត្រូវបិទហាងអស់អ្នកអាចយកពងទាទៅចំអិនជាមួយនឹងបំពង់ដាំទឹកក្តៅបានជាធម្មតា អ្នកនឹងអាចដោះស្រាយបានមួយពេលដែរ។

៤. សាកថ្មទូរស័ព្ទជាមួយទូរទស្សន៏


ករណីបើអ្នកភ្លេចយកឆ្នាំងសាកទៅ ឬជាប់សាកអ្វីផ្សេង ឬក៏ឱ្យមិត្តភ័ក្រខ្ចី អ្នកអាចយកទូរស័ព្ទទៅសាកជាមួយទូរទស្សន៏បានបណ្តោះអាសន្នបានជាមួយនឹងខ្សែតរបស់វាទៅនឹង USB ទូរទស្សន៏។

៥. បោកខោអាវក្នុងអាងលាងដៃ


ចាំបាច់ត្រូវបោកខោអាវមែនទេ អស់ខោអាវស្លៀកពាក់មែនទេ កុំបារម្ភអ្នកនៅមានកន្លែងលាងដៃដែលអ្នកអាចធ្វើការបោកខោអាវបានដោយស្រួល។

៦. ហាលខោអាវក្នុងបន្ទប់ទឹក


បន្ទាប់ពីបោកខោអាវរួច កុំភ័យខ្លាចអត់កន្លែងហាលអី អ្នកអាចហាលវានៅក្នុងបន្ទប់ទឹកដោយដាក់ព្យួរនៅទីណាមួយបាន ឬអ្នកក៏អាចប្រើនបំពង់ផ្លុំសក់របស់អ្នក ឬរបស់ផ្ទះសំណាក់ដែលគេផ្ដល់ឱ្យ។

៧. ប្រើកែវទឹកធ្វើជារបស់បំពងសម្លេង


បើសិនជាអ្នកភ្លេចយកកូនបាសតូចរបស់អ្នកទៅ អ្នកអាចយកកែវមកជំនួសដោយចាក់បទចំរៀងរួចដាក់ទូរស័ព្ទក្នុងកែវនោះ វានឹងលឺដូចជាកូនបាសយ៉ាងអញ្ចឹង។

៨. កម្តៅនំប៉័ងជាមួយឆ្នាំងអ៊ុត

បើសិនជាអ្នកមានស៊ាំងវ៉ិច ឬនំប៉័ងញ៉ាំ ប៉ុន្តែត្រជាក់ញ៉ាំមិនឆ្ងាញ់ អ្នកអាចកម្តៅវាដោយប្រើឆ្នាំងអ៊ុតបានដោយងាយ អ្នកនឹងអាចមានរបស់ក្តៅៗញ៉ាំដូចគ្នា៕

អត្ថបទល្អផ្សេងទៀត៖ ល្បិចសំខាន់ៗ ដែលអ្នកគួរតែដឹងសម្រាប់ជាប្រយោជន៍ក្នុងការរស់នៅ!

បើមានបញ្ហាក្អករហូត តើធ្វើយ៉ាងដូចម្ដេចបាត់?​ គេងមិនលក់ស្ទើររាល់ថ្ងែ តើធ្វើដូចម្ដេច? សុខៗស្រាប់តែដាច់ភ្លើង តើធ្វើដូចម្ដេច? ថ្ងៃនេះ Aanarchak នឹងនាំមកជាមួយនូវល្បិចថ្មីៗមកជូនអស់លោកអ្នក សម្រាប់ជាប្រយោជន៍នៅក្នុងការរស់នៅប្រចាំថ្ងៃ៖

១.​ ប្រសិនបើអ្នកស្រាប់តែអស់ទៀនប្រើនោះ ហើយកំពុងតែស្ថិតនៅក្នុងស្ថានភាពចាំបាច់ អ្នកអាចដុតគូល័រទៀនជំនួសបានដោយសារតែវាអាចឆេះបានរយៈពេល ៣០នាទីឯនោះ។

២. ការដាក់ទូរស័ព្ទរបស់អ្នកនៅជា Airplane Mode នឹងបញ្ឈប់ការផ្សព្វផ្សាយពាណិជ្ជកម្ម នៅពេលដែលកំពុងលេងហ្គេម។

៣. ទឹកម្នាស់គឺមានប្រសិទ្ធភាព ៥ដង ជាងស៊ីរ៉ូក្អកទៅទៀត។ វាក៏មានប្រសិទ្ធភាពក្នុងការការពារជំងឺផ្តាសាយផងដែរ។

Image result for Pineapple Juice

៤. មានបញ្ហាក្នុងការគេងមែនទេ? ព្យាយាមព្រិចភ្នែកឲ្យលឿនរយៈពេល១នាទី ភ្នែករបស់អ្នកនិងមានអារម្មណ៍ថាអស់កំលាំង ហើយអ្នកនឹងមានអារម្មណ៍ថាងងុយគេងជាក់ជាមិនខាន។

៥. អ្នកអាចបំបាត់ក្លិនស្បែកជើងរបស់អ្នកបាន ដោយគ្រាន់តែដាក់កន្ចប់តែនៅក្នុងស្បែកជើងរបស់អ្នក វានឹងជួយកម្ចាត់ក្លិនបានយ៉ាងមានប្រសិទ្ធភាព។

៦. គ្រូពេទ្យបានធ្វើការអះអាងថាការញ៉ាំតែក្ដៅមួយពេង ហើយការពាក់សម្លៀកបំពាក់ដែលមានផាសុភាព និងចូលគេងម៉ោង១០គឺជាវិធីសាស្ត្រដ៏ល្អបំផុតដើម្បីទទួលបានការគេងដ៏ពេញលេញមួយ។

៧. នៅពេលដែលអ្នកនៅក្នុងហាងញ៉ាំអាហារ អ្នកគួរតែលាងដៃរបស់អ្នកបន្ទាប់ពីកាម្មងម្ហូបរួច ដោយសារតែមីនុយដែលអ្នកកាន់នោះ គឺផ្ទុកទៅដោយមេរោគច្រើនបំផុតដែលអ្នកមិនឹងស្មានដល់៕

មតិយោបល់

ពេញនិយម